Kristinn Jakobsson: Kjánalegar athugasemdir hjá Skúla Jóni og Hermanni Ingvi Þór Sæmundsson skrifar 29. ágúst 2016 16:11 Skúli Jón fékk að líta sitt annað gula spjald eftir 65 mínútna leik. vísir/hanna Kristinn Jakobsson, formaður dómaranefndar KSÍ, gefur lítið fyrir fullyrðingar KR-ingsins Skúla Jóns Friðgeirssonar að Guðmundur Ársæll Guðmundsson, sem dæmdi leik Vals og KR í gær, hafi gleymt því að varnarmaðurinn væri á gulu spjaldi þegar hann rak hann af velli. Skúli Jón fékk að líta sitt annað gula spjald og þar með rautt fyrir mótmæli á 65. mínútu í leiknum á Hlíðarenda í gærkvöldi. Eftir leikinn fullyrti Skúli Jón að Guðmundur Ársæll hefði gleymt því að hann hafi gefið honum gult spjald fyrr í leiknum. „Ég myndi frekar varpa ábyrgðinni á leikmanninn; að þegar leikmenn eru komnir með áminningu að þeir hegði sér jafnvel betur en áður og bjóði ekki upp á að láta nappa sig á óíþróttamannslegri hegðun eða mótmælum og öðru slíku,“ sagði Kristinn í samtali við Vísi í dag.Sjá einnig: Pepsi-mörkin: Gleymdi Guðmundur Ársæll að Skúli Jón var á gulu spjaldi? „Mér finnast þetta kjánalegar athugasemdir. Það er alveg ljóst að dómari leiksins er með sitt minni alveg á hreinu. Ég held að það sé frekar hægt að spegla þetta og Skúli Jón hafi hreinlega ekki vitað að hann var með gult spjald á bakinu þegar hann mótmælti dóminum. „Guðmundur var mjög yfirvegaður í þessu atviki. Ég er búinn að heyra í honum og hann er alveg 100% viss með atburðarrásina. Svo eru dómararnir með samskiptabúnað og þar er vinnureglur í gangi þar sem menn upplýsa hvorn annan reglulega á meðan leik stendur, hverjir eru komnir í bókina og annað slíkt,“ sagði Kristinn. Hann segir nær ómögulegt að allt dómaratríóið hafi gleymt því að Skúli Jón væri kominn með gult spjald. „Ég er algjörlega sannfærður um það og veit að það var þannig. Það var alls ekki á þá leið að Guðmundur hafi ekki vitað það. Mér finnast það kjánalegar fullyrðingar enda gefur það engan rétt á því að sleppa áminningu fyrir mótmæli. Það er af og frá,“ sagði Kristinn. Hann er einnig sannfærður um að vítaspyrnan sem Guðmundur Ársæll dæmdi átta mínútum eftir að hann rak Skúla Jón af velli hafi átt rétt á sér. „Það sjónarhorn sem ég hafði á það atvik í sjónvarpi gaf mér ekki ástæðu til að efast um ákvörðun Guðmundar. Staðsetning dómarans til að taka þá ákvörðun var fullkomin,“ sagði Kristinn.Erlendur Eiríksson dæmdi leik Fjölnis og Fylkis.vísir/hannaÞað voru fleiri umdeild atvik í leikjunum í gær, þ.á.m. í Ólafsvík þar sem Víkingur Ó. og FH áttust við. Eftir rúman klukkutíma skoraði Emil Pálsson annað mark FH en af sjónvarpsupptökum að dæma erfitt var að greina hvort boltinn var kominn inn fyrir línuna eða ekki. Kristinn segir að því tilfelli verði einfaldlega að treysta ákvörðun Bryngeirs Valdimarssonar, aðstoðardómara eitt. „Í þessu tilviki stendur aðstoðardómarinn á endalínunni og það var enginn sem skyggði sýn hans. Hann var með fullkomna sýn á þetta og sá boltann inni. Við lifum á því að þeir taki réttar ákvarðanir,“ sagði Kristinn.Sjá einnig: Uppbótartíminn: Dómaraumferðin mikla Fylkismenn voru einnig ósáttir með störf dómaranna í gær en þeir töldu að leiktíminn hefði verið liðinn þegar Fjölnir jafnaði metin í uppbótartíma í leik liðanna á Extra-vellinum. Hermann Hreiðarsson, þjálfari Fylkis, vandaði Erlendi Eiríkssyni og aðstoðarmönnum hans ekki kveðjurnar eftir leik og talaði um dómaraskandal. „Þetta er sagan endalausa. Ég heyri í fyrsta lagi að þeir telja tímann niður. Fjórir, þrír, tveir einn og svo dæmir hann aukaspyrnuna. Þetta eru svo tíu sekúndur þar að auki sem þetta allt saman tekur,“ sagði Hermann í samtali við Vísi í gær. „Enn og aftur eru dómarar að taka þrjú stig af okkur. Við hefðum vel getað verið klókari sjálfir en þetta var samt niðurstaðan. Þetta var dómaraskandall og ég fer ekkert ofan af því.“ Kristinn hefur aðra sýn á þetta atvik en Hermann og vísar ásökunum hans á bug. „Þegar uppbótartíminn er gefinn upp er alltaf talað um hann sé a.m.k. fjórar mínútur, eins og hann var í þessu tilviki. Ýmislegt getur komið upp á þessum tíma,“ sagði Kristinn. „Þarna var alveg ljóst að tíminn var ekki liðinn, enda hefði hann ekki gefið færi á þessari aukaspyrnu og framkvæmd hennar ef tíminn hefði verið liðinn. Mér finnst þetta vera kjánaleg athugasemd hjá Hermanni og ég held hann viti það sjálfur,“ sagði Kristinn að endingu. Pepsi Max-deild karla Mest lesið Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Brasilíski miðvörðurinn gríðarlega eftirsóttur Fótbolti Kolbeinn með glæsimark í sigri Gautaborgar Fótbolti Hilmar Árni: Þurftum að vinna, gerðum það og svo bara næsti leikur Íslenski boltinn Dómarinn fyrrverandi segir Bruno hafa átt að fá gult Enski boltinn Ætla að sniðganga leikinn við Víking Fótbolti Heimamenn kláruðu dæmið í fyrri hálfleik Enski boltinn Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Íslenski boltinn Lilja tognuð á ökkla og frá næsta mánuðinn Handbolti Fleiri fréttir Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Fram fær liðsstyrk úr Breiðholti „Þetta er dýrmætur tími og maður finnur hvað þetta skiptir mann miklu máli“ Gísli Gottskálk verðlaunaður með nýjum samningi Hermann hættur með ÍBV Sjá meira
Kristinn Jakobsson, formaður dómaranefndar KSÍ, gefur lítið fyrir fullyrðingar KR-ingsins Skúla Jóns Friðgeirssonar að Guðmundur Ársæll Guðmundsson, sem dæmdi leik Vals og KR í gær, hafi gleymt því að varnarmaðurinn væri á gulu spjaldi þegar hann rak hann af velli. Skúli Jón fékk að líta sitt annað gula spjald og þar með rautt fyrir mótmæli á 65. mínútu í leiknum á Hlíðarenda í gærkvöldi. Eftir leikinn fullyrti Skúli Jón að Guðmundur Ársæll hefði gleymt því að hann hafi gefið honum gult spjald fyrr í leiknum. „Ég myndi frekar varpa ábyrgðinni á leikmanninn; að þegar leikmenn eru komnir með áminningu að þeir hegði sér jafnvel betur en áður og bjóði ekki upp á að láta nappa sig á óíþróttamannslegri hegðun eða mótmælum og öðru slíku,“ sagði Kristinn í samtali við Vísi í dag.Sjá einnig: Pepsi-mörkin: Gleymdi Guðmundur Ársæll að Skúli Jón var á gulu spjaldi? „Mér finnast þetta kjánalegar athugasemdir. Það er alveg ljóst að dómari leiksins er með sitt minni alveg á hreinu. Ég held að það sé frekar hægt að spegla þetta og Skúli Jón hafi hreinlega ekki vitað að hann var með gult spjald á bakinu þegar hann mótmælti dóminum. „Guðmundur var mjög yfirvegaður í þessu atviki. Ég er búinn að heyra í honum og hann er alveg 100% viss með atburðarrásina. Svo eru dómararnir með samskiptabúnað og þar er vinnureglur í gangi þar sem menn upplýsa hvorn annan reglulega á meðan leik stendur, hverjir eru komnir í bókina og annað slíkt,“ sagði Kristinn. Hann segir nær ómögulegt að allt dómaratríóið hafi gleymt því að Skúli Jón væri kominn með gult spjald. „Ég er algjörlega sannfærður um það og veit að það var þannig. Það var alls ekki á þá leið að Guðmundur hafi ekki vitað það. Mér finnast það kjánalegar fullyrðingar enda gefur það engan rétt á því að sleppa áminningu fyrir mótmæli. Það er af og frá,“ sagði Kristinn. Hann er einnig sannfærður um að vítaspyrnan sem Guðmundur Ársæll dæmdi átta mínútum eftir að hann rak Skúla Jón af velli hafi átt rétt á sér. „Það sjónarhorn sem ég hafði á það atvik í sjónvarpi gaf mér ekki ástæðu til að efast um ákvörðun Guðmundar. Staðsetning dómarans til að taka þá ákvörðun var fullkomin,“ sagði Kristinn.Erlendur Eiríksson dæmdi leik Fjölnis og Fylkis.vísir/hannaÞað voru fleiri umdeild atvik í leikjunum í gær, þ.á.m. í Ólafsvík þar sem Víkingur Ó. og FH áttust við. Eftir rúman klukkutíma skoraði Emil Pálsson annað mark FH en af sjónvarpsupptökum að dæma erfitt var að greina hvort boltinn var kominn inn fyrir línuna eða ekki. Kristinn segir að því tilfelli verði einfaldlega að treysta ákvörðun Bryngeirs Valdimarssonar, aðstoðardómara eitt. „Í þessu tilviki stendur aðstoðardómarinn á endalínunni og það var enginn sem skyggði sýn hans. Hann var með fullkomna sýn á þetta og sá boltann inni. Við lifum á því að þeir taki réttar ákvarðanir,“ sagði Kristinn.Sjá einnig: Uppbótartíminn: Dómaraumferðin mikla Fylkismenn voru einnig ósáttir með störf dómaranna í gær en þeir töldu að leiktíminn hefði verið liðinn þegar Fjölnir jafnaði metin í uppbótartíma í leik liðanna á Extra-vellinum. Hermann Hreiðarsson, þjálfari Fylkis, vandaði Erlendi Eiríkssyni og aðstoðarmönnum hans ekki kveðjurnar eftir leik og talaði um dómaraskandal. „Þetta er sagan endalausa. Ég heyri í fyrsta lagi að þeir telja tímann niður. Fjórir, þrír, tveir einn og svo dæmir hann aukaspyrnuna. Þetta eru svo tíu sekúndur þar að auki sem þetta allt saman tekur,“ sagði Hermann í samtali við Vísi í gær. „Enn og aftur eru dómarar að taka þrjú stig af okkur. Við hefðum vel getað verið klókari sjálfir en þetta var samt niðurstaðan. Þetta var dómaraskandall og ég fer ekkert ofan af því.“ Kristinn hefur aðra sýn á þetta atvik en Hermann og vísar ásökunum hans á bug. „Þegar uppbótartíminn er gefinn upp er alltaf talað um hann sé a.m.k. fjórar mínútur, eins og hann var í þessu tilviki. Ýmislegt getur komið upp á þessum tíma,“ sagði Kristinn. „Þarna var alveg ljóst að tíminn var ekki liðinn, enda hefði hann ekki gefið færi á þessari aukaspyrnu og framkvæmd hennar ef tíminn hefði verið liðinn. Mér finnst þetta vera kjánaleg athugasemd hjá Hermanni og ég held hann viti það sjálfur,“ sagði Kristinn að endingu.
Pepsi Max-deild karla Mest lesið Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Brasilíski miðvörðurinn gríðarlega eftirsóttur Fótbolti Kolbeinn með glæsimark í sigri Gautaborgar Fótbolti Hilmar Árni: Þurftum að vinna, gerðum það og svo bara næsti leikur Íslenski boltinn Dómarinn fyrrverandi segir Bruno hafa átt að fá gult Enski boltinn Ætla að sniðganga leikinn við Víking Fótbolti Heimamenn kláruðu dæmið í fyrri hálfleik Enski boltinn Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Íslenski boltinn Lilja tognuð á ökkla og frá næsta mánuðinn Handbolti Fleiri fréttir Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Fram fær liðsstyrk úr Breiðholti „Þetta er dýrmætur tími og maður finnur hvað þetta skiptir mann miklu máli“ Gísli Gottskálk verðlaunaður með nýjum samningi Hermann hættur með ÍBV Sjá meira
Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn