Furðufréttir úr ferðamannabransanum Jakob Bjarnar skrifar 8. júlí 2016 14:21 Líkast til er það til marks um það að ýmislegt má betur fara í ferðamálum að ferðalangar tjalda hingað og þangað og útum allt. Þarna við Þotuhreiður Magnúsar Tómassonar við Leifsstöð. Þessi mynd var tekin fyrir þremur dögum. Mynd/Jón Ekki er ofsagt að nú ríki gullæði í ferðamannageiranum. Hingað streyma túristarnir sem aldrei fyrr, 1,7 milljón er talan sem nefnd er um áætlaðan fjölda þeirra sem hingað koma í ár. Vaxtarverkir eru óhjákvæmilegir og viðbúið að fólk á framandi slóðum bregðist við aðstæðum á frumlegan hátt. Og þá hlæja hinir innfæddu dátt. Vísir ætlar í tilefni helgarinnar að tæpa á nokkrum furðufréttum af gjörðum ferðamanna sem stungið hafa í stúf. Upprifjunin er langt í frá tæmandi en atvikin lýsa kostulegum, grátbroslegum og jafnvel óhugnanlegum uppákomum.Veifuðu sprellanum framan í árrisula Egilsstaðabúa Ýmsir lesendur Vísis ráku upp stór augu í dag þegar þeir sáu greint frá atferli Frakka nokkra, sem voru býsna frjálslegir í fasi. Þeir gerðu sér lítið fyrir og spúluðu sig sjálfa á bílaþvottastöð á Egilsstöðum.Þeir voru frjálslegir í fasi Frakkarnir á Egilsstöðum nú í morgun.mynd: Garðar Valur Hallfreðsson„Það var einhver sem var að veita þeim eitthvað tiltal,“ segir Garðar Valur Hallfreðsson íbúi á Egilsstöðum sem fylgdist með ósköpunum úr fjarlægð. Ferðamennirnir brugðust ekki vel við gagnrýninni. „Annar þeirra hoppaði bara upp á steypuklumpinn og veifaði sprellanum framan í þá, og öskraði eitthvað á þá á frönsku held ég.“ Garðar segist enn vera að átta sig á því að þetta hafi gerst og samstarfsfólk hans hafi hlegið mikið í morgun. „Ég þurfti alveg að nudda augun, ég átti ekki von á þessu.“Nakinn sonur í kuldakasti og sjálfhelduFrétt frá í fyrra, í september nánar tiltekið, vakti furðu og jafnvel óhug. Víkur sögunni til Þingvalla en þar var Einar Ásgeir Sæmundsson, fræðslufulltrúi Þjóðgarðsins á Þingvöllum, á ferð einu sinni sem oftar, við Flosagjá, og heyrði þá hljóð sem benti til þess að eitthvað hefði dottið í gjánna.Fjölskyldan hló að hremmingum sonarins og áttaði sig greinilega engan veginn á alvarleika málsins.Mynd: Einar Ásgeir SæmundssonEinar var á ferli við Flosagjá í gær þegar hann heyrði hljóð eins og eitthvað hefði dottið út í gjána. Kom hann að gjánni þar sem bandarísk fjölskylda hafði hvatt yngsta fjölskyldumeðliminn til þess að stökkva nakinn út í. „Þegar ég kom þarna að var greinilegt að foreldrarnir áttuðu sig ekki á því hve kalt vatnið væri og aðstæður alvarlegar,“ sagði Einar Ásgeir en gjáin er um sex til sjö metra há og mjög djúp. „Hann fékk strax algert kuldasjokk og synti beint að klettavegnum og prílaði úr vatninu og var í sjokki og sjálfheldu á lítilli syllu,“ segir Einar Ásgeir. Meðan á því stóð var fjölskyldan í hláturskasti og hvatti son sinn áfram. Þarna lá við að illa færi.Am I doing something wrong?Annað atvik sem er skondið, en alvarlegt í senn, er þegar Arngrímur Hermannsson hjá fyrirtækinu Ice Explorer var á Langjökli og hitti þar fyrir fimm manna fjölskyldu sem var í bíltúr á jöklinum. Þetta var í ágúst 2014.Fjölskyldan ákvað að bregða sér í bíltúr uppá Langjökul.Mynd: Arngrímur„Ég keyrði beint í flasið á þeim, skrúfaði niður rúðuna og spurði ökumann bílsins hvað hann væri nú að gera?“ segir Arngrímur blaðamanni Vísis. „Am I doing something wrong?“ spurði hinn þá á móti. Arngrímur reyndi að útskýra fyrir ferðamönnunum að þarna væru hættulegar aðstæður sem þeir væru í þann mund að koma sér í.Skítabisness Margir hafa fengið nóg af fjölda fregna af afleiðingum þess að salernisaðstöðu fyrir ferðamenn er ábótavant á Íslandi. Þeim sem starfa innan greinarinnar er beinlínis orðin það raun að lesa slíkar fréttir, finnst sennilega þetta vont uppá alla ímynd og hefur það gengið svo langt að í umræðuhópi á Facebook, þar sem ferðamál eru rædd, Baklandi ferðaþjónustunnar, hefur slík umræða verið gerð útlæg.Konan taldi í lagi að láta gossa, fuglarnir myndu hvort sem er éta þetta.visir/pjeturEn, hjá þessu verður vart litið í samantekt af þessu tagi og tvær nefndar af handahófi. Í júlí í fyrra stóðu tvær konur ferðamenn á Húsavík að kúka á Hafnarstéttina í bænum. Um tvo stálpaða krakka var að ræða en móðir þeirra stóð yfir þeim og skeindi. Hafnarstéttin er fyrir þá sem ekki þekkja til á Húsavík gata við höfnina á Húsavík, samkomustaður Húsvíkinga og ekki úr alfaraleið. „Ég var svo kjaftstopp en spurði þau hvort þau notuðu ekki klósett? Þá varð hún voða flóttaleg og spurði hvort að það væru yfirhöfuð einhver klósett hérna. Ég svaraði því að hún gæti fundið klósett hérna út um allt.“ Konurnar reyndu að koma fólkinu í skilning um að þetta væri mjög dónaleg hegðun. „Hún sagði að þetta væri í lagi af því að fuglarnir borða þetta,“ segir Kristín Þorbergsdóttir forviða.Að gefa skít í þjóðskáldinJú, kúk og pissbandarar bera ekki vott um þróaða kímnigáfu. En, svona er þetta nú samt. Þeir sem búa á landsbyggðinni og við vinsæla ferðamannastaði segjast þurfa að vaða mannaskítinn í ökkla í öllum lautum, klósettpappír er út um allt.Þessi var nú aðeins að skoða sig um og mynda á þeim slóðum sem margir nýta til að svara kalli náttúrunnar. Kannski velti hann fyrir sér salernispappírnum undir trénu?Visir/pjeturOg flestum landsmönnum var illilega brugðið, í júlí í fyrra, þegar spurðist að ferðamenn hafi gengið örna sinna aftan við Þingvallakirkju, í þjóðargrafreitinn þar sem Jónas og Einar Ben hvíla; þeir gáfu skít í þjóðskáldin í orðsins fyllstu merkingu. „Þetta er vanhelgun og vanvirðing við allt og alla. Svona hagar siðmenntað fólk sér ekki,“ segir Sigrún Magnúsdóttir, umhverfisráðherra og formaður Þingvallanefndar, um áðurnefnda stöðu við þjóðargrafreitinn.Að tjalda á miðjum vegiÞá var ýmsum brugðið við fréttir sem birtust í síðasta mánuði, af ferðalöngum sem gerðu sér lítið fyrir og tjölduðu á miðjum vegi. Að því er virtist.Tjölduðu úti á miðjum vegi, en ekki er alveg allt sem sýnist.Ferðalangar sem áttu leið um Bröttubrekku fyrir vestan komu að bíl sem lagt var á veginn og þegar þeir nálguðust mátti sjá að tjaldað hafði verið við hlið bifreiðarinnar og ferðamenn þar í fasta svefni. En, líkt og mynd segir meira en þúsund orð, þá má blekkja með linsunni. Seinna kom á daginn að bíllinn og tjaldið voru í raun á útskotsvegi við Vestfjarðarveg, en tjaldstæðið hlýtur að teljast frumlegt eftir sem áður, þó ekki hafi það valdið hættu.Noel okkar allraVísir greindi frá ævintýrum Noels Santillian, 28 ára gömlum Bandaríkjamanni frá New Jersey, í upphafi þessa árs. Hann lenti óvart á Siglufirði en átti pantað hótelherbergi í Reykjavík. Þar skipti eitt lítið „r“ sköpum. Santillian átti pantað hótelherbergi á Hótel Frón við Laugaveg. Hann stimplaði inn á GPS-tæki bílsins þær upplýsingar sem fyrir lágu, Hótel Frón við LaugaRveg og hlýddi tækinu.Eftir að hafa villst um landið þvert og endilangt vann Noel hug og hjörtu þjóðarinnar.Noel, sem reyndist afskaplega geðþekkur ungur maður, vann hug og hjörtu landsmanna og var honum tekið með kostum og kynjum í kjölfar þess að villast alla þessa leið, hvar sem hann fór. Hann gerðist í kjölfarið Íslandsvinur í orðins fyllstu merkingu, og síðustu fréttir herma að hann geti ekki beðið þess að komast aftur til Íslands.Þórsmörk í BorgarfirðiVísir hefur einnig sagt af öðrum ferðamönnum sem villtust af leið. Þetta var í maí á þessu ári. Sérlega skemmtileg er frásögnin af bandaríska parinu sem ætlaði sér að upplifa náttúruparadísina Þórsmörk – einstök náttúruperla á heimsvísu.Allt er gott sem endar vel. Þórsmörkin þar sem þau lentu var ekki alveg eins og upp var lagt með, en góð fyrir sinn hatt.MYND/ÞÓRARINN SVAVARSSONÞau treystu GPS-tæki sínu en þannig er að eitt túnanna við Skálpstaði II í Borgarfirði heitir Þórsmörk. Allir sjá hvert þetta er að fara en frásögnin af því hvernig það nafn er til komið er alveg þess virði að lesa. Allt er gott sem endar vel, bandaríska parinu var tekið með kostum og kynjum þegar þau bönkuðu uppá og var þeim boðið í grillveislu og allir skemmtu sér konunglega. Ferðamennska á Íslandi Mest lesið Maður stunginn í brjóstkassann í nótt Innlent Þoturnar sem flytja Íslendinga yfir Atlantshafið næstu áratugi Innlent „Við vitum ekki neitt og höldum bara áfram að bíða“ Innlent Ótrúlegt myndband af gæsaflokki á flugi Innlent Segir Harris veika á geði Erlent Þriðjungur þunglyndra náði fullum bata með „heilasjúkraþjálfun“ Innlent Ekið á gangandi vegfaranda við Sæbraut Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Neyddist til að aflífa 125 krókódíla í útrýmingarhættu Erlent Drakk beint úr könnunni og svelgdist á Erlent Fleiri fréttir Staða karlmennskunnar, kosningavetur og átök í Mið-Austurlöndum Talaði fyrir „tveggja ríkja lausn“ á allsherjarþingi Þriðjungur þunglyndra náði fullum bata með „heilasjúkraþjálfun“ Hlaupið í rénum en gasmengun gæti verið á svæðinu Þoturnar sem flytja Íslendinga yfir Atlantshafið næstu áratugi Ekið á gangandi vegfaranda við Sæbraut Maður stunginn í brjóstkassann í nótt „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Sjá meira
Ekki er ofsagt að nú ríki gullæði í ferðamannageiranum. Hingað streyma túristarnir sem aldrei fyrr, 1,7 milljón er talan sem nefnd er um áætlaðan fjölda þeirra sem hingað koma í ár. Vaxtarverkir eru óhjákvæmilegir og viðbúið að fólk á framandi slóðum bregðist við aðstæðum á frumlegan hátt. Og þá hlæja hinir innfæddu dátt. Vísir ætlar í tilefni helgarinnar að tæpa á nokkrum furðufréttum af gjörðum ferðamanna sem stungið hafa í stúf. Upprifjunin er langt í frá tæmandi en atvikin lýsa kostulegum, grátbroslegum og jafnvel óhugnanlegum uppákomum.Veifuðu sprellanum framan í árrisula Egilsstaðabúa Ýmsir lesendur Vísis ráku upp stór augu í dag þegar þeir sáu greint frá atferli Frakka nokkra, sem voru býsna frjálslegir í fasi. Þeir gerðu sér lítið fyrir og spúluðu sig sjálfa á bílaþvottastöð á Egilsstöðum.Þeir voru frjálslegir í fasi Frakkarnir á Egilsstöðum nú í morgun.mynd: Garðar Valur Hallfreðsson„Það var einhver sem var að veita þeim eitthvað tiltal,“ segir Garðar Valur Hallfreðsson íbúi á Egilsstöðum sem fylgdist með ósköpunum úr fjarlægð. Ferðamennirnir brugðust ekki vel við gagnrýninni. „Annar þeirra hoppaði bara upp á steypuklumpinn og veifaði sprellanum framan í þá, og öskraði eitthvað á þá á frönsku held ég.“ Garðar segist enn vera að átta sig á því að þetta hafi gerst og samstarfsfólk hans hafi hlegið mikið í morgun. „Ég þurfti alveg að nudda augun, ég átti ekki von á þessu.“Nakinn sonur í kuldakasti og sjálfhelduFrétt frá í fyrra, í september nánar tiltekið, vakti furðu og jafnvel óhug. Víkur sögunni til Þingvalla en þar var Einar Ásgeir Sæmundsson, fræðslufulltrúi Þjóðgarðsins á Þingvöllum, á ferð einu sinni sem oftar, við Flosagjá, og heyrði þá hljóð sem benti til þess að eitthvað hefði dottið í gjánna.Fjölskyldan hló að hremmingum sonarins og áttaði sig greinilega engan veginn á alvarleika málsins.Mynd: Einar Ásgeir SæmundssonEinar var á ferli við Flosagjá í gær þegar hann heyrði hljóð eins og eitthvað hefði dottið út í gjána. Kom hann að gjánni þar sem bandarísk fjölskylda hafði hvatt yngsta fjölskyldumeðliminn til þess að stökkva nakinn út í. „Þegar ég kom þarna að var greinilegt að foreldrarnir áttuðu sig ekki á því hve kalt vatnið væri og aðstæður alvarlegar,“ sagði Einar Ásgeir en gjáin er um sex til sjö metra há og mjög djúp. „Hann fékk strax algert kuldasjokk og synti beint að klettavegnum og prílaði úr vatninu og var í sjokki og sjálfheldu á lítilli syllu,“ segir Einar Ásgeir. Meðan á því stóð var fjölskyldan í hláturskasti og hvatti son sinn áfram. Þarna lá við að illa færi.Am I doing something wrong?Annað atvik sem er skondið, en alvarlegt í senn, er þegar Arngrímur Hermannsson hjá fyrirtækinu Ice Explorer var á Langjökli og hitti þar fyrir fimm manna fjölskyldu sem var í bíltúr á jöklinum. Þetta var í ágúst 2014.Fjölskyldan ákvað að bregða sér í bíltúr uppá Langjökul.Mynd: Arngrímur„Ég keyrði beint í flasið á þeim, skrúfaði niður rúðuna og spurði ökumann bílsins hvað hann væri nú að gera?“ segir Arngrímur blaðamanni Vísis. „Am I doing something wrong?“ spurði hinn þá á móti. Arngrímur reyndi að útskýra fyrir ferðamönnunum að þarna væru hættulegar aðstæður sem þeir væru í þann mund að koma sér í.Skítabisness Margir hafa fengið nóg af fjölda fregna af afleiðingum þess að salernisaðstöðu fyrir ferðamenn er ábótavant á Íslandi. Þeim sem starfa innan greinarinnar er beinlínis orðin það raun að lesa slíkar fréttir, finnst sennilega þetta vont uppá alla ímynd og hefur það gengið svo langt að í umræðuhópi á Facebook, þar sem ferðamál eru rædd, Baklandi ferðaþjónustunnar, hefur slík umræða verið gerð útlæg.Konan taldi í lagi að láta gossa, fuglarnir myndu hvort sem er éta þetta.visir/pjeturEn, hjá þessu verður vart litið í samantekt af þessu tagi og tvær nefndar af handahófi. Í júlí í fyrra stóðu tvær konur ferðamenn á Húsavík að kúka á Hafnarstéttina í bænum. Um tvo stálpaða krakka var að ræða en móðir þeirra stóð yfir þeim og skeindi. Hafnarstéttin er fyrir þá sem ekki þekkja til á Húsavík gata við höfnina á Húsavík, samkomustaður Húsvíkinga og ekki úr alfaraleið. „Ég var svo kjaftstopp en spurði þau hvort þau notuðu ekki klósett? Þá varð hún voða flóttaleg og spurði hvort að það væru yfirhöfuð einhver klósett hérna. Ég svaraði því að hún gæti fundið klósett hérna út um allt.“ Konurnar reyndu að koma fólkinu í skilning um að þetta væri mjög dónaleg hegðun. „Hún sagði að þetta væri í lagi af því að fuglarnir borða þetta,“ segir Kristín Þorbergsdóttir forviða.Að gefa skít í þjóðskáldinJú, kúk og pissbandarar bera ekki vott um þróaða kímnigáfu. En, svona er þetta nú samt. Þeir sem búa á landsbyggðinni og við vinsæla ferðamannastaði segjast þurfa að vaða mannaskítinn í ökkla í öllum lautum, klósettpappír er út um allt.Þessi var nú aðeins að skoða sig um og mynda á þeim slóðum sem margir nýta til að svara kalli náttúrunnar. Kannski velti hann fyrir sér salernispappírnum undir trénu?Visir/pjeturOg flestum landsmönnum var illilega brugðið, í júlí í fyrra, þegar spurðist að ferðamenn hafi gengið örna sinna aftan við Þingvallakirkju, í þjóðargrafreitinn þar sem Jónas og Einar Ben hvíla; þeir gáfu skít í þjóðskáldin í orðsins fyllstu merkingu. „Þetta er vanhelgun og vanvirðing við allt og alla. Svona hagar siðmenntað fólk sér ekki,“ segir Sigrún Magnúsdóttir, umhverfisráðherra og formaður Þingvallanefndar, um áðurnefnda stöðu við þjóðargrafreitinn.Að tjalda á miðjum vegiÞá var ýmsum brugðið við fréttir sem birtust í síðasta mánuði, af ferðalöngum sem gerðu sér lítið fyrir og tjölduðu á miðjum vegi. Að því er virtist.Tjölduðu úti á miðjum vegi, en ekki er alveg allt sem sýnist.Ferðalangar sem áttu leið um Bröttubrekku fyrir vestan komu að bíl sem lagt var á veginn og þegar þeir nálguðust mátti sjá að tjaldað hafði verið við hlið bifreiðarinnar og ferðamenn þar í fasta svefni. En, líkt og mynd segir meira en þúsund orð, þá má blekkja með linsunni. Seinna kom á daginn að bíllinn og tjaldið voru í raun á útskotsvegi við Vestfjarðarveg, en tjaldstæðið hlýtur að teljast frumlegt eftir sem áður, þó ekki hafi það valdið hættu.Noel okkar allraVísir greindi frá ævintýrum Noels Santillian, 28 ára gömlum Bandaríkjamanni frá New Jersey, í upphafi þessa árs. Hann lenti óvart á Siglufirði en átti pantað hótelherbergi í Reykjavík. Þar skipti eitt lítið „r“ sköpum. Santillian átti pantað hótelherbergi á Hótel Frón við Laugaveg. Hann stimplaði inn á GPS-tæki bílsins þær upplýsingar sem fyrir lágu, Hótel Frón við LaugaRveg og hlýddi tækinu.Eftir að hafa villst um landið þvert og endilangt vann Noel hug og hjörtu þjóðarinnar.Noel, sem reyndist afskaplega geðþekkur ungur maður, vann hug og hjörtu landsmanna og var honum tekið með kostum og kynjum í kjölfar þess að villast alla þessa leið, hvar sem hann fór. Hann gerðist í kjölfarið Íslandsvinur í orðins fyllstu merkingu, og síðustu fréttir herma að hann geti ekki beðið þess að komast aftur til Íslands.Þórsmörk í BorgarfirðiVísir hefur einnig sagt af öðrum ferðamönnum sem villtust af leið. Þetta var í maí á þessu ári. Sérlega skemmtileg er frásögnin af bandaríska parinu sem ætlaði sér að upplifa náttúruparadísina Þórsmörk – einstök náttúruperla á heimsvísu.Allt er gott sem endar vel. Þórsmörkin þar sem þau lentu var ekki alveg eins og upp var lagt með, en góð fyrir sinn hatt.MYND/ÞÓRARINN SVAVARSSONÞau treystu GPS-tæki sínu en þannig er að eitt túnanna við Skálpstaði II í Borgarfirði heitir Þórsmörk. Allir sjá hvert þetta er að fara en frásögnin af því hvernig það nafn er til komið er alveg þess virði að lesa. Allt er gott sem endar vel, bandaríska parinu var tekið með kostum og kynjum þegar þau bönkuðu uppá og var þeim boðið í grillveislu og allir skemmtu sér konunglega.
Ferðamennska á Íslandi Mest lesið Maður stunginn í brjóstkassann í nótt Innlent Þoturnar sem flytja Íslendinga yfir Atlantshafið næstu áratugi Innlent „Við vitum ekki neitt og höldum bara áfram að bíða“ Innlent Ótrúlegt myndband af gæsaflokki á flugi Innlent Segir Harris veika á geði Erlent Þriðjungur þunglyndra náði fullum bata með „heilasjúkraþjálfun“ Innlent Ekið á gangandi vegfaranda við Sæbraut Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Neyddist til að aflífa 125 krókódíla í útrýmingarhættu Erlent Drakk beint úr könnunni og svelgdist á Erlent Fleiri fréttir Staða karlmennskunnar, kosningavetur og átök í Mið-Austurlöndum Talaði fyrir „tveggja ríkja lausn“ á allsherjarþingi Þriðjungur þunglyndra náði fullum bata með „heilasjúkraþjálfun“ Hlaupið í rénum en gasmengun gæti verið á svæðinu Þoturnar sem flytja Íslendinga yfir Atlantshafið næstu áratugi Ekið á gangandi vegfaranda við Sæbraut Maður stunginn í brjóstkassann í nótt „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Sjá meira