Hinn frjálsi förusveinn er í forgrunni hátíðarinnar Gunnþóra Gunnarsdóttir skrifar 16. júní 2016 11:00 "Halla Oddný er bæði eiginkona mín og aðstoðarkona við undirbúning hátíðarinnar,“ segir Víkingur Heiðar. Hér stilla þau hjónakornin sér upp í gluggum Hörpu. Vísir/Anton Brink Ég stofnaði hátíðina Reykjavík Midsummer Music árið 2012, svo hún er að fara fram í fimmta sinn – ótrúlegt hvað tíminn líður,“ segir Víkingur Heiðar Ólafsson píanóleikari brosandi. „Nú er fólk líka farið að reikna með hátíðinni og spyrja um hana, svo hún er búin að festa sig í sessi. Hugmyndin er rosalega einföld. Hún er sú að fá íslenska og erlenda topp listamenn og leiða þá saman í einu besta tónlistarhúsi Evrópu á bjartasta árstíma. Svo er ég alltaf að leika mér með þema, í ár er hugmyndin „wanderer“ eða ferðalangur og allt hverfist um hann. Við förum út í náttúruna, út í heim og út í geim.“ Sumir flytjendurnir sem komnir eru til landsins eiga líka óvenjulegar ferðasögur úr fortíðinni eins og Víkingur Heiðar lýsir. „Rússneski fiðluleikarinn Viktoria Mullova flúði Sovétríkin 1983, skömmu eftir að hafa unnið stærstu fiðlukeppni heims. Hún skildi Stradivari-fiðlu eftir á hótelherbergi í Finnlandi, flúði til Svíþjóðar, kallaði sig Miss Smith og fékk hæli í Bandaríkjunum þar sem henni var í raun boðið beint í partí í Hvíta húsið til Ronalds Reagan. Svo varð hún bara einn frægasti tónlistarmaður heims og tákn fyrir sigur vestursins gegn austrinu. Mullova kom til Íslands fyrir 30 árum og það er gaman að geta sýnt henni Hörpu og hvernig allt hefur breyst hér. Hún kemur fram á hátíðartónleikum í Eldborgarsalnum 17. júní, sem bera yfirskriftina Söngvar förusveins, ásamt fleiri snillingum.“Þeir voru að æfa, meistararnir, Víkingur Heiðar og Kristinn Sigmunds.Einn þeirra sem syngja í Eldborginni að kvöldi þjóðhátíðardagsins er hinn góðkunni Kristinn Sigmundsson sem flytur meðal annars verk eftir Schubert og Mahler. „Kristinn hefur aldrei komið fram á hátíðinni minni áður þó það sé kært með okkur bæði í músíkinni og persónulega,“ segir Víkingur Heiðar glaðlega. Vissulega er mikil vinna að koma svona hátíð á koppinn, það viðurkennir tónlistarmaðurinn. „Þetta er rosalegt batterí, miðað við hvað undirbúningsteymið er fámennt, en það er ekkert einsdæmi á Íslandi. Ég er með aðra hátíð úti í Svíþjóð og kringum hana er her manns en hér eru örfáar manneskjur að gera allt af lífi og sál, þar á meðal er konan mín, Halla Oddný Magnúsdóttir. Ég er sjálfur að stafla stólum milli þess sem ég æfi og reyni að gæta þess að allt gangi upp. Venjulega er ég auðvitað hinum megin við borðið, listamaður sem mætir þar sem búið er að bóka allt og þarf bara að hugsa um músíkina,“ segir hann og bætir við: „En það er alveg element í mér sem nýtur þessa brjálæðis þó ég gæti ekki hugsað mér að standa í því nema einu sinni á ári.“ Ýmsir þeirra sem koma að utan á hátíðina eru vinir Víkings Heiðars sem hann hefur unnið með úti. „Það eru allir svo uppnumdir yfir Íslandi og Hörpu og öllu hér svo það gefur mér líka orku. Ég er ekki að ýkja þegar ég segi að ég sef svona fjóra og hálfan tíma á nóttu um þessar mundir og þarf alltaf minni og minni svefn, músíkin er svo geggjuð og spenningur listafólksins eykst eftir því sem á líður vikuna. Birtan er líka svo mögnuð. Ég held hátíðina á þessum árstíma til að tryggja að ég sé alltaf á Íslandi um sumarsólstöður og í Hörpu með músíköntunum – það verður ekki betra.“ Dagskrá hátíðarinnar má skoða á rmm.is.Greinin birtist fyrst í Fréttablaðinu 16. júní 2016. Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Ég stofnaði hátíðina Reykjavík Midsummer Music árið 2012, svo hún er að fara fram í fimmta sinn – ótrúlegt hvað tíminn líður,“ segir Víkingur Heiðar Ólafsson píanóleikari brosandi. „Nú er fólk líka farið að reikna með hátíðinni og spyrja um hana, svo hún er búin að festa sig í sessi. Hugmyndin er rosalega einföld. Hún er sú að fá íslenska og erlenda topp listamenn og leiða þá saman í einu besta tónlistarhúsi Evrópu á bjartasta árstíma. Svo er ég alltaf að leika mér með þema, í ár er hugmyndin „wanderer“ eða ferðalangur og allt hverfist um hann. Við förum út í náttúruna, út í heim og út í geim.“ Sumir flytjendurnir sem komnir eru til landsins eiga líka óvenjulegar ferðasögur úr fortíðinni eins og Víkingur Heiðar lýsir. „Rússneski fiðluleikarinn Viktoria Mullova flúði Sovétríkin 1983, skömmu eftir að hafa unnið stærstu fiðlukeppni heims. Hún skildi Stradivari-fiðlu eftir á hótelherbergi í Finnlandi, flúði til Svíþjóðar, kallaði sig Miss Smith og fékk hæli í Bandaríkjunum þar sem henni var í raun boðið beint í partí í Hvíta húsið til Ronalds Reagan. Svo varð hún bara einn frægasti tónlistarmaður heims og tákn fyrir sigur vestursins gegn austrinu. Mullova kom til Íslands fyrir 30 árum og það er gaman að geta sýnt henni Hörpu og hvernig allt hefur breyst hér. Hún kemur fram á hátíðartónleikum í Eldborgarsalnum 17. júní, sem bera yfirskriftina Söngvar förusveins, ásamt fleiri snillingum.“Þeir voru að æfa, meistararnir, Víkingur Heiðar og Kristinn Sigmunds.Einn þeirra sem syngja í Eldborginni að kvöldi þjóðhátíðardagsins er hinn góðkunni Kristinn Sigmundsson sem flytur meðal annars verk eftir Schubert og Mahler. „Kristinn hefur aldrei komið fram á hátíðinni minni áður þó það sé kært með okkur bæði í músíkinni og persónulega,“ segir Víkingur Heiðar glaðlega. Vissulega er mikil vinna að koma svona hátíð á koppinn, það viðurkennir tónlistarmaðurinn. „Þetta er rosalegt batterí, miðað við hvað undirbúningsteymið er fámennt, en það er ekkert einsdæmi á Íslandi. Ég er með aðra hátíð úti í Svíþjóð og kringum hana er her manns en hér eru örfáar manneskjur að gera allt af lífi og sál, þar á meðal er konan mín, Halla Oddný Magnúsdóttir. Ég er sjálfur að stafla stólum milli þess sem ég æfi og reyni að gæta þess að allt gangi upp. Venjulega er ég auðvitað hinum megin við borðið, listamaður sem mætir þar sem búið er að bóka allt og þarf bara að hugsa um músíkina,“ segir hann og bætir við: „En það er alveg element í mér sem nýtur þessa brjálæðis þó ég gæti ekki hugsað mér að standa í því nema einu sinni á ári.“ Ýmsir þeirra sem koma að utan á hátíðina eru vinir Víkings Heiðars sem hann hefur unnið með úti. „Það eru allir svo uppnumdir yfir Íslandi og Hörpu og öllu hér svo það gefur mér líka orku. Ég er ekki að ýkja þegar ég segi að ég sef svona fjóra og hálfan tíma á nóttu um þessar mundir og þarf alltaf minni og minni svefn, músíkin er svo geggjuð og spenningur listafólksins eykst eftir því sem á líður vikuna. Birtan er líka svo mögnuð. Ég held hátíðina á þessum árstíma til að tryggja að ég sé alltaf á Íslandi um sumarsólstöður og í Hörpu með músíköntunum – það verður ekki betra.“ Dagskrá hátíðarinnar má skoða á rmm.is.Greinin birtist fyrst í Fréttablaðinu 16. júní 2016.
Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira