Ung og ófrísk býður sig fram til forystu í Sjálfstæðisflokknum Nanna Elísa Jakobsdóttir skrifar 16. júní 2016 12:12 Þórdís hefur sinnt starfi aðstoðarmanns innanríkisráðherra að undanförnu. „Ég get ekki sagt að þetta hafi verið erfið ákvörðun en auðvitað er hún stór, að ákveða að fara í prófkjör. Maður byrjar á því og sér hvernig það fer,“ segir Þórdís Kolbrún Reykfjörð Gylfadóttir. Hún hefur ákveðið að gefa kost á sér í 2. sæti í Norðvesturkjördæmi fyrir hönd Sjálfstæðisflokksins í komandi kosningum. Hún hefur að undanförnu gegnt stöðu aðstoðarmanns Ólafar Nordal, innanríkisráðherra. Þórdís hefur sérstakan áhuga á málum sem heyra undir ráðuneytið og nefnir í samtali við Vísi dómsmál, löggæslumál og fjarsamskipti. Ákvörðun og staða Þórdísar er áhugaverð í ljósi umræðu undanfarinna mánaða um stöðu ungs fólks í stjórnmálum. Sjá einnig: Unga fólkið tekur völdin Lesendur Vísis, aðrir en þeir sem hafa mikinn áhuga á íslenskum stjórnmálum, þekkja ef til vill fæstir til Þórdísar. Hún er 28 ára gömul, lögfræðimenntuð og hefur verið kosningastjóri fyrir Sjálfstæðisflokkinn í Norðvesturkjördæmi og var framkvæmdastjóri þingflokks Sjálfstæðisflokksins áður en hún tók við starfi aðstoðarmanns. Hún á einn son með manni sínum og saman eiga þau von á öðru barni. Þórdís hefur starfað að undanförnu sem aðstoðarmaður Ólafar Nordal innanríkisráðherra.vísir/ernirFramvarðarsveitin í eldri kantinum Meðalaldur frambjóðenda Sjálfstæðisflokksins í 1. og 2. sæti í öllum kjördæmum fyrir alþingiskosningarnar árið 2013 var 51 ár. Einn þessara frambjóðenda var Einar K. Guðfinnsson, forseti Alþingis, en hann tilkynnti fyrir skemmstu að hann hygðist ekki gefa kost á sér að nýju í kjördæmi Þórdísar. Breytist því landslagið í framlínu Sjálfstæðismanna nokkuð nái Þórdís kjöri. Samkvæmt innanbúðarfólki í Sjálfstæðisflokknum er það ekki ólíklegt. Framvarðarsveit flokksins tók raunar talsverðum breytingum eftir landsfund síðastliðið haust þegar ritari flokksins var kjörin en það var hin, þá, 24 ára gamla Áslaug Arna Sigurbjörnsdóttir. „Það spilar líka inn í,“ segir Þórdís spurð um sína stöðu sem ung kona í stjórnmálum. „Ég hafði hugsað mér að gera þetta kannski en þá í þeirri röð sem maður á að gera þetta,“ segir Þórdís og vísar í að algengt sé að fólk sé lengur úti á vinnumarkaði og komið með meiri reynslu áður en það sest á þing. „En á sama tíma er maður alltaf að segja að ungt fólk eigi að taka meiri þátt og að eldra fólk eigi að hlusta meira á unga fólkið. Það er rosalega erfitt að vera sítautandi um það en ætla svo sjálf að fara hina leiðina að þessu. Mér finnst líka skemmtilegt að sýna fram á það að það er enn ungt fólk sem getur gert margt annað sem hefur áhuga á að starfa í pólitík.“ Sambærilegar breytingar eru að verða í mörgum hinna flokkana á Alþingi og verður spennandi að fylgjast með því hvort fleiri ungar hugsjónamanneskjur láti slag standa í haust. Ófrísk í prófkjöri Samhliða tíðindum um framboð upplýsti Þórdís um það að hún ætti von á barni í haust. Hér má sjá tíu unga frambærilega einstaklinga úr öllum flokkum sem hafa látið til sín taka í pólitík á Íslandi. Gaman verður að fylgjast með unga fólkinu í kosningum í haust.Vísir/Pjetur„Já ég verð bara með bumbuna í prófkjörinu. Ég á að eiga á um það bil sama tíma og hugmyndin er að kjósa,“ segir Þórdís og hlær. Október verður því stór mánuður hjá henni. „Þetta verður risastór mánuður.“ „Kannski munu einhverjir gera athugasemd við þetta en ég hlakka reyndar bara til ef einhver ætlar að fara út í slíka umræðu. Því ef það er eftirspurn eftir ungum konum í pólitík þá verður að horfast í augu við það að þær eiga stundum líka ung börn.“ Starfsandinn ekkert eins og í sjónvarpinu Áhugi Þórdísar liggur mikið í stjórnskipunarrétti og mannréttindum, það er að segja mörgum þeirra mála sem heyra undir innanríkisráðuneytið sem áður segir. „Norðvesturkjördæmi er víðfemt og málefnin sem brenna á kjósendum um margt ólík eftir búsetu. Ný stoð er orðin til – ferðaþjónustan. Í því felast gífurleg tækifæri. Aðrir grunnatvinnuvegir eru sterkir og hlúa þarf að þeim. Þá er nýsköpun engin takmörk sett og hugvit fólks ekki takmörkuð auðlind. Framtíðin er björt og verkefnin mörg. Til þess að leysa þessa krafta úr læðingi þurfa allir að hafa gott netsamband. Það er risavaxið hagsmunamál fyrir landið allt. Í því felst frelsi til búsetu,“ segir í tilkynningu um hugðarefni Þórdísar. Þórdís hefur starfað á þingi sem áður segir en hún segir starfsandann talsvert frábrugðinn því sem sést í sjónvarpi. Kosningar 2016 X16 Norðvestur Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent „Þegar hægrið fær að ráða ferðinni óheft og án alls taumhalds fer illa“ Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
„Ég get ekki sagt að þetta hafi verið erfið ákvörðun en auðvitað er hún stór, að ákveða að fara í prófkjör. Maður byrjar á því og sér hvernig það fer,“ segir Þórdís Kolbrún Reykfjörð Gylfadóttir. Hún hefur ákveðið að gefa kost á sér í 2. sæti í Norðvesturkjördæmi fyrir hönd Sjálfstæðisflokksins í komandi kosningum. Hún hefur að undanförnu gegnt stöðu aðstoðarmanns Ólafar Nordal, innanríkisráðherra. Þórdís hefur sérstakan áhuga á málum sem heyra undir ráðuneytið og nefnir í samtali við Vísi dómsmál, löggæslumál og fjarsamskipti. Ákvörðun og staða Þórdísar er áhugaverð í ljósi umræðu undanfarinna mánaða um stöðu ungs fólks í stjórnmálum. Sjá einnig: Unga fólkið tekur völdin Lesendur Vísis, aðrir en þeir sem hafa mikinn áhuga á íslenskum stjórnmálum, þekkja ef til vill fæstir til Þórdísar. Hún er 28 ára gömul, lögfræðimenntuð og hefur verið kosningastjóri fyrir Sjálfstæðisflokkinn í Norðvesturkjördæmi og var framkvæmdastjóri þingflokks Sjálfstæðisflokksins áður en hún tók við starfi aðstoðarmanns. Hún á einn son með manni sínum og saman eiga þau von á öðru barni. Þórdís hefur starfað að undanförnu sem aðstoðarmaður Ólafar Nordal innanríkisráðherra.vísir/ernirFramvarðarsveitin í eldri kantinum Meðalaldur frambjóðenda Sjálfstæðisflokksins í 1. og 2. sæti í öllum kjördæmum fyrir alþingiskosningarnar árið 2013 var 51 ár. Einn þessara frambjóðenda var Einar K. Guðfinnsson, forseti Alþingis, en hann tilkynnti fyrir skemmstu að hann hygðist ekki gefa kost á sér að nýju í kjördæmi Þórdísar. Breytist því landslagið í framlínu Sjálfstæðismanna nokkuð nái Þórdís kjöri. Samkvæmt innanbúðarfólki í Sjálfstæðisflokknum er það ekki ólíklegt. Framvarðarsveit flokksins tók raunar talsverðum breytingum eftir landsfund síðastliðið haust þegar ritari flokksins var kjörin en það var hin, þá, 24 ára gamla Áslaug Arna Sigurbjörnsdóttir. „Það spilar líka inn í,“ segir Þórdís spurð um sína stöðu sem ung kona í stjórnmálum. „Ég hafði hugsað mér að gera þetta kannski en þá í þeirri röð sem maður á að gera þetta,“ segir Þórdís og vísar í að algengt sé að fólk sé lengur úti á vinnumarkaði og komið með meiri reynslu áður en það sest á þing. „En á sama tíma er maður alltaf að segja að ungt fólk eigi að taka meiri þátt og að eldra fólk eigi að hlusta meira á unga fólkið. Það er rosalega erfitt að vera sítautandi um það en ætla svo sjálf að fara hina leiðina að þessu. Mér finnst líka skemmtilegt að sýna fram á það að það er enn ungt fólk sem getur gert margt annað sem hefur áhuga á að starfa í pólitík.“ Sambærilegar breytingar eru að verða í mörgum hinna flokkana á Alþingi og verður spennandi að fylgjast með því hvort fleiri ungar hugsjónamanneskjur láti slag standa í haust. Ófrísk í prófkjöri Samhliða tíðindum um framboð upplýsti Þórdís um það að hún ætti von á barni í haust. Hér má sjá tíu unga frambærilega einstaklinga úr öllum flokkum sem hafa látið til sín taka í pólitík á Íslandi. Gaman verður að fylgjast með unga fólkinu í kosningum í haust.Vísir/Pjetur„Já ég verð bara með bumbuna í prófkjörinu. Ég á að eiga á um það bil sama tíma og hugmyndin er að kjósa,“ segir Þórdís og hlær. Október verður því stór mánuður hjá henni. „Þetta verður risastór mánuður.“ „Kannski munu einhverjir gera athugasemd við þetta en ég hlakka reyndar bara til ef einhver ætlar að fara út í slíka umræðu. Því ef það er eftirspurn eftir ungum konum í pólitík þá verður að horfast í augu við það að þær eiga stundum líka ung börn.“ Starfsandinn ekkert eins og í sjónvarpinu Áhugi Þórdísar liggur mikið í stjórnskipunarrétti og mannréttindum, það er að segja mörgum þeirra mála sem heyra undir innanríkisráðuneytið sem áður segir. „Norðvesturkjördæmi er víðfemt og málefnin sem brenna á kjósendum um margt ólík eftir búsetu. Ný stoð er orðin til – ferðaþjónustan. Í því felast gífurleg tækifæri. Aðrir grunnatvinnuvegir eru sterkir og hlúa þarf að þeim. Þá er nýsköpun engin takmörk sett og hugvit fólks ekki takmörkuð auðlind. Framtíðin er björt og verkefnin mörg. Til þess að leysa þessa krafta úr læðingi þurfa allir að hafa gott netsamband. Það er risavaxið hagsmunamál fyrir landið allt. Í því felst frelsi til búsetu,“ segir í tilkynningu um hugðarefni Þórdísar. Þórdís hefur starfað á þingi sem áður segir en hún segir starfsandann talsvert frábrugðinn því sem sést í sjónvarpi.
Kosningar 2016 X16 Norðvestur Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent „Þegar hægrið fær að ráða ferðinni óheft og án alls taumhalds fer illa“ Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira