Guð, þennan konsert verð ég að læra Gunnþóra Gunnarsdóttir skrifar 7. apríl 2016 09:45 Emilía Rós kveðst hafa ástríðu fyrir Ibertkonsertinum enda hafi hún kynnst honum ung að árum. Vísir/Pjetur Ég er bara að ná hjartslættinum niður. Þetta er svo mikill spenningur og gleði,“ segir Emilía Rós Sigfúsdóttir þverflautuleikari að lokinni æfingu með Sinfóníuhljómsveitinni fyrir tónleikana í kvöld, þar sem hún leikur flautukonsert eftir Jacques Ibert. Hún kveðst hafa ástríðu fyrir þeim konsert enda kynnst honum ung að árum. „Ég var nemandi Örnu Kristínar Einarsdóttur sem er framkvæmdastjóri sinfóníunnar núna, við vorum að undirbúa fyrstu stóru tónleikana mína, þar sem ég spilaði einleik með hljómsveit, ellefu ára, og Arna sagði: „Heyrðu þú verður að fara á sinfóníutónleika í vikunni. Hún Áshildur Haraldsdóttir er að spila Ibertkonsertinn og honum þarft þú að kynnast.“ Sýnir mér nóturnar og segir að þetta sé rosalega erfitt verk. Ég hugsaði: Guð, ég verð að læra þennan konsert og ná tökum á honum. Pabbi pantaði nóturnar að utan – auðvitað áður en netið kom til, og frá 13, 14 ára aldri hef ég verið að æfa þennan konsert af og til. Lærði hann mjög vel fyrsta árið mitt í framhaldsnámi í London því ég tók þátt í stórri keppni og var ein af þremur í úrslitum, sem þýddi að ég fékk að spila einleik með hljómsveit í fínum sal í London. Það var mjög gaman. Flautuleikarar hafa nefnilega ekki eins mörg djúsí verk og þeir sem spila á píanó og fiðlu svo þeir verða að gera það besta úr því sem þeir hafa.“ Emilía Rós tók snemma ástfóstri við flautuna. „Ég fór í forskóla í tónlist á Akureyri fjögurra ára og var ekki búin að vera þar í tvö ár þegar ég var farin að snúa blokkflautunni út á hlið. Var svo heppin að þar var kennari sem leyfði mér að byrja sex ára á þverflautu og hún hefur ekki yfirgefið mig síðan – fer með mér í öll frí. Það er bara þannig.“ Meðal leiðbeinenda Emilíu Rósar í flautuleik var hin austurríska Manúela Wiesler sem bjó um tíma á Íslandi og allir dáðu. „Manúela var flutt af landinu þegar ég kynntist henni en kom og hélt sumarnámskeið og ég var á því síðasta. Hún var alveg mögnuð,“ segir hún. Aðeins einu sinni áður kveðst Emilía Rós hafa spilað einleik með sinfóníunni, þó hafi hún haft nóg fyrir stafni eftir að hún flutti heim frá London 2009. „Ég hef verið lausráðin við sinfóníuna og haft talsvert að gera þar og svo með hópnum Electra Ensemble sem ég og nokkrar aðrar tónlistarkonur stofnuðum. Einnig hef ég spilað einleikstónleika hér og þar og gaf út diskinn Portrait með Ástríði Öldu Sigurðardóttur fyrir örfáum árum. Ég á líka tvö börn með manninum mínum, tveggja og fjögurra ára stráka sem eru kröftugir og mér finnst mikilvægt að sinna þeim vel.“ Auk flautukonserts Iberts flytur Sinfóníuhljómsveitin rapsódíu eftir Ravel og 8. sinfóníu Dvořáks sem hann samdi á sveitasetri sínu í Bæheimi. Sinfónían er ljóðræn enda sækir tónskáldið hluta efniviðarins í bæheimskan þjóðlagaarf. Hljómsveitarstjóri kvöldsins er Antonio Méndez sem vakti nýlega alþjóðaathygli þegar hann vann 2. verðlaun í hinni virtu Nikolai Malko-keppni ungra hljómsveitarstjóra í Kaupmannahöfn. Á undan tónleikunum kynnir Sigurður Ingvi Snorrason efnisskrá þeirra á tónleikakynningu Vinafélagsins sem hefst klukkan 18 og er haldin í Hörpuhorninu. Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Ég er bara að ná hjartslættinum niður. Þetta er svo mikill spenningur og gleði,“ segir Emilía Rós Sigfúsdóttir þverflautuleikari að lokinni æfingu með Sinfóníuhljómsveitinni fyrir tónleikana í kvöld, þar sem hún leikur flautukonsert eftir Jacques Ibert. Hún kveðst hafa ástríðu fyrir þeim konsert enda kynnst honum ung að árum. „Ég var nemandi Örnu Kristínar Einarsdóttur sem er framkvæmdastjóri sinfóníunnar núna, við vorum að undirbúa fyrstu stóru tónleikana mína, þar sem ég spilaði einleik með hljómsveit, ellefu ára, og Arna sagði: „Heyrðu þú verður að fara á sinfóníutónleika í vikunni. Hún Áshildur Haraldsdóttir er að spila Ibertkonsertinn og honum þarft þú að kynnast.“ Sýnir mér nóturnar og segir að þetta sé rosalega erfitt verk. Ég hugsaði: Guð, ég verð að læra þennan konsert og ná tökum á honum. Pabbi pantaði nóturnar að utan – auðvitað áður en netið kom til, og frá 13, 14 ára aldri hef ég verið að æfa þennan konsert af og til. Lærði hann mjög vel fyrsta árið mitt í framhaldsnámi í London því ég tók þátt í stórri keppni og var ein af þremur í úrslitum, sem þýddi að ég fékk að spila einleik með hljómsveit í fínum sal í London. Það var mjög gaman. Flautuleikarar hafa nefnilega ekki eins mörg djúsí verk og þeir sem spila á píanó og fiðlu svo þeir verða að gera það besta úr því sem þeir hafa.“ Emilía Rós tók snemma ástfóstri við flautuna. „Ég fór í forskóla í tónlist á Akureyri fjögurra ára og var ekki búin að vera þar í tvö ár þegar ég var farin að snúa blokkflautunni út á hlið. Var svo heppin að þar var kennari sem leyfði mér að byrja sex ára á þverflautu og hún hefur ekki yfirgefið mig síðan – fer með mér í öll frí. Það er bara þannig.“ Meðal leiðbeinenda Emilíu Rósar í flautuleik var hin austurríska Manúela Wiesler sem bjó um tíma á Íslandi og allir dáðu. „Manúela var flutt af landinu þegar ég kynntist henni en kom og hélt sumarnámskeið og ég var á því síðasta. Hún var alveg mögnuð,“ segir hún. Aðeins einu sinni áður kveðst Emilía Rós hafa spilað einleik með sinfóníunni, þó hafi hún haft nóg fyrir stafni eftir að hún flutti heim frá London 2009. „Ég hef verið lausráðin við sinfóníuna og haft talsvert að gera þar og svo með hópnum Electra Ensemble sem ég og nokkrar aðrar tónlistarkonur stofnuðum. Einnig hef ég spilað einleikstónleika hér og þar og gaf út diskinn Portrait með Ástríði Öldu Sigurðardóttur fyrir örfáum árum. Ég á líka tvö börn með manninum mínum, tveggja og fjögurra ára stráka sem eru kröftugir og mér finnst mikilvægt að sinna þeim vel.“ Auk flautukonserts Iberts flytur Sinfóníuhljómsveitin rapsódíu eftir Ravel og 8. sinfóníu Dvořáks sem hann samdi á sveitasetri sínu í Bæheimi. Sinfónían er ljóðræn enda sækir tónskáldið hluta efniviðarins í bæheimskan þjóðlagaarf. Hljómsveitarstjóri kvöldsins er Antonio Méndez sem vakti nýlega alþjóðaathygli þegar hann vann 2. verðlaun í hinni virtu Nikolai Malko-keppni ungra hljómsveitarstjóra í Kaupmannahöfn. Á undan tónleikunum kynnir Sigurður Ingvi Snorrason efnisskrá þeirra á tónleikakynningu Vinafélagsins sem hefst klukkan 18 og er haldin í Hörpuhorninu.
Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira