Þessi gulnuðu nótnablöð Gunnþóra Gunnarsdóttir skrifar 12. mars 2016 10:30 "Rammíslenskt, vel skrifað og fallegt en ekkert barnaverk að spila,“ segir Guðný um æskuverkin hans Jóns. Vísir/Stefán Hann Jón Nordal nýtur þess í dag að hlýða á nýfundna tónlist sem hann samdi á 17. ári. Strengjasveit undir stjórn Guðnýjar Guðmundsdóttur flytur hana og fleiri meistaraverk í Seltjarnarneskirkju. Tónleikarnir hefjast klukkan 17. „Ég var beðin að hafa strengjasveit við Listaháskólann í haust og fannst upplagt að flytja eitthvað eftir Jón Nordal tónskáld af því hann er níræður um þessar mundir,“ segir Guðný og lýsir því hvernig hún komst í tæri við tvö æskuverk Jóns. „Ég rakst á Jón á förnum vegi og spurði hann hvort hann ætti eitthvað bara fyrir strengi. Þá kom svolítið skemmtilegur svipur á hann og hann svaraði: „Þegar ég var unglingur skrifaði ég einhver verk fyrir strengi en þau eru löngu týnd.“ Ég þráaðist við og spurði: „Heldurðu þú getir ekki fundið þau?“ „Ég veit það ekki,“ svaraði hann. „Þau eru örugglega ekki nógu góð.“ En ég lét hann ekki í friði og það var svo milli jóla og nýárs sem Jón hringdi í mig og sagðist hafa fundið nóturnar svo ég mætti til meistarans upp úr áramótum og þar voru þá þessi gulnuðu nótnablöð sem maður þorði varla að koma við. Við fundum þar tvö heilleg verk sem hann samdi 1943. Mér tókst að koma handritunum heim án þess að þau hryndu í sundur, ljósritaði þau og fékk tónsmíðanema í Listaháskólanum til að tölvusetja nóturnar.Strengjasveitin Tóna/List er skipuð nemendum úr Listaháskóla Íslands og Tónlistarskólanum í Reykjavík.Verkin eru byggð á íslenskum þjóðlögum, annað á laginu Svíalín og hrafninn og hitt er í sama ryþma og Hani krummi hundur svín. Rammíslenskt, vel skrifað og fallegt en ekkert barnaverk að spila.“ Fleira er á dagskrá TónaListar. „Það má segja að við séum með Jón Nordal, Bartok og björtustu vonina,“ segir Guðný glaðlega. „Við ætlum að flytja hina frægu Chaconnu eftir Bach sem var skrifuð fyrir einleiksfiðlu en Bjarni Frímann Bjarnason, sem var valinn bjartasta vonin nýlega, vippaði yfir í verk fyrir fiðlur og víólur. Svo erum við með Divertimento eftir Bartók og tvo áheyrilega þætti úr Serenöðu fyrir strengi eftir austurríska tónskáldið Fuchs.“ Guðný kveðst upp með sér af því að eiga þátt í að finna verkin hans Jóns. „Í hljómsveitinni okkar er fólk á svipuðum aldri og hann var þegar hann samdi verkin. Meira að segja eitt barnabarn hans.“ Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Hann Jón Nordal nýtur þess í dag að hlýða á nýfundna tónlist sem hann samdi á 17. ári. Strengjasveit undir stjórn Guðnýjar Guðmundsdóttur flytur hana og fleiri meistaraverk í Seltjarnarneskirkju. Tónleikarnir hefjast klukkan 17. „Ég var beðin að hafa strengjasveit við Listaháskólann í haust og fannst upplagt að flytja eitthvað eftir Jón Nordal tónskáld af því hann er níræður um þessar mundir,“ segir Guðný og lýsir því hvernig hún komst í tæri við tvö æskuverk Jóns. „Ég rakst á Jón á förnum vegi og spurði hann hvort hann ætti eitthvað bara fyrir strengi. Þá kom svolítið skemmtilegur svipur á hann og hann svaraði: „Þegar ég var unglingur skrifaði ég einhver verk fyrir strengi en þau eru löngu týnd.“ Ég þráaðist við og spurði: „Heldurðu þú getir ekki fundið þau?“ „Ég veit það ekki,“ svaraði hann. „Þau eru örugglega ekki nógu góð.“ En ég lét hann ekki í friði og það var svo milli jóla og nýárs sem Jón hringdi í mig og sagðist hafa fundið nóturnar svo ég mætti til meistarans upp úr áramótum og þar voru þá þessi gulnuðu nótnablöð sem maður þorði varla að koma við. Við fundum þar tvö heilleg verk sem hann samdi 1943. Mér tókst að koma handritunum heim án þess að þau hryndu í sundur, ljósritaði þau og fékk tónsmíðanema í Listaháskólanum til að tölvusetja nóturnar.Strengjasveitin Tóna/List er skipuð nemendum úr Listaháskóla Íslands og Tónlistarskólanum í Reykjavík.Verkin eru byggð á íslenskum þjóðlögum, annað á laginu Svíalín og hrafninn og hitt er í sama ryþma og Hani krummi hundur svín. Rammíslenskt, vel skrifað og fallegt en ekkert barnaverk að spila.“ Fleira er á dagskrá TónaListar. „Það má segja að við séum með Jón Nordal, Bartok og björtustu vonina,“ segir Guðný glaðlega. „Við ætlum að flytja hina frægu Chaconnu eftir Bach sem var skrifuð fyrir einleiksfiðlu en Bjarni Frímann Bjarnason, sem var valinn bjartasta vonin nýlega, vippaði yfir í verk fyrir fiðlur og víólur. Svo erum við með Divertimento eftir Bartók og tvo áheyrilega þætti úr Serenöðu fyrir strengi eftir austurríska tónskáldið Fuchs.“ Guðný kveðst upp með sér af því að eiga þátt í að finna verkin hans Jóns. „Í hljómsveitinni okkar er fólk á svipuðum aldri og hann var þegar hann samdi verkin. Meira að segja eitt barnabarn hans.“
Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira