Nær að nefna hátíðina eftir norðurljósunum Gunnþóra Gunnarsdóttir skrifar 16. mars 2016 10:15 Ögmundur Þór í yfirgefinni verksmiðju í Berlín, þar sem þessi rauði sófi hafði verið skilinn eftir. Mynd/Rut Sigurðardóttir „Helstu markmiðin með hátíðinni eru að kynna klassíska gítarinn hjá nýjum markhópi, efla kunnáttu hjá nemendum og koma Íslandi á kortið á alþjóðlega gítarmarkaðinum,“ segir Ögmundur Þór Jóhannesson, annar listrænna stjórnenda Midnight Sun Guitar Festival sem haldin er í fjórða sinn hér á landi á næstu dögum. Hátíðin er haldin í samstarfi við Listaháskóla Íslands og fer fram í salnum Sölvhóli að Sölvhólsgötu 13. Auk Ögmundar halda hin þýska Yvonne Zehner og Spánverjinn Tomás Campos Crespo þar tónleika og síðasta kvöldið verða galatónleikar þar sem nemendur og listamenn hátíðarinnar koma fram. Ögmundur grínast með að auðvitað hefði verið nær að nefna hátíðina eftir norðurljósunum að þessu sinni vegna árstímans en hitt nafnið hafi þegar fest í sessi. „Fyrri hátíðir hafa verið haldnar að sumri til en þá reyndist erfitt að ná saman nemendum, þeir voru komnir í garðvinnu og búnir að brjóta á sér neglurnar!“ útskýrir hann.Nemendur og kennarar í klassískum gítarleik eru mun færri en þeir sem eru kringum rafmagnsgítarinn, að sögn Ögmundar sem finnst að samheldni milli þeirra mætti vera meiri. „En það skapast mikil tengsl og félagslíf á svona gítarhátíðum,“ segir hann og talar af reynslu því hann hefur komið fram á mörgum slíkum, meðal annars í Malasíu, Víetnam, Indónesíu, Kína og Rússlandi og er boðinn á tvær í Þýskalandi á þessu ári og fræga Shengyang-hátíð í Kína. „Ég kem fram sem listamaður, spila fyrir fólkið og kenni gítarleik, sviðsframkomu, undirbúning og skipulagningu æfingartíma,“ lýsir hann. Ögmundur vinnur aðallega í Asíu, en kveðst hafa verið á flakki eins og sígauni í þrjú ár. Í Asíu rekur hann fyrirtækið Global Gitar Institute, ásamt samstarfsmanni í Þýskalandi. Starfið snýst um að efla áhuga á klassískum gítarleik og auðvelda hæfileikaríkum nemendum í Asíu að komast í nám til Evrópu og ná í innblástur þangað sem þessi listgrein á rætur sínar að rekja. Einnig að skipuleggja menningarferðir til Evrópu í bland við námskeiðahald. „Það má segja að markmiðið sé alls staðar svipað og með gítarhátíðunum hér, að stækka markhópinn og styðja við þá sem eru nú þegar í klassískum gítarleik, bæði nemendur og kennara.“ Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Helstu markmiðin með hátíðinni eru að kynna klassíska gítarinn hjá nýjum markhópi, efla kunnáttu hjá nemendum og koma Íslandi á kortið á alþjóðlega gítarmarkaðinum,“ segir Ögmundur Þór Jóhannesson, annar listrænna stjórnenda Midnight Sun Guitar Festival sem haldin er í fjórða sinn hér á landi á næstu dögum. Hátíðin er haldin í samstarfi við Listaháskóla Íslands og fer fram í salnum Sölvhóli að Sölvhólsgötu 13. Auk Ögmundar halda hin þýska Yvonne Zehner og Spánverjinn Tomás Campos Crespo þar tónleika og síðasta kvöldið verða galatónleikar þar sem nemendur og listamenn hátíðarinnar koma fram. Ögmundur grínast með að auðvitað hefði verið nær að nefna hátíðina eftir norðurljósunum að þessu sinni vegna árstímans en hitt nafnið hafi þegar fest í sessi. „Fyrri hátíðir hafa verið haldnar að sumri til en þá reyndist erfitt að ná saman nemendum, þeir voru komnir í garðvinnu og búnir að brjóta á sér neglurnar!“ útskýrir hann.Nemendur og kennarar í klassískum gítarleik eru mun færri en þeir sem eru kringum rafmagnsgítarinn, að sögn Ögmundar sem finnst að samheldni milli þeirra mætti vera meiri. „En það skapast mikil tengsl og félagslíf á svona gítarhátíðum,“ segir hann og talar af reynslu því hann hefur komið fram á mörgum slíkum, meðal annars í Malasíu, Víetnam, Indónesíu, Kína og Rússlandi og er boðinn á tvær í Þýskalandi á þessu ári og fræga Shengyang-hátíð í Kína. „Ég kem fram sem listamaður, spila fyrir fólkið og kenni gítarleik, sviðsframkomu, undirbúning og skipulagningu æfingartíma,“ lýsir hann. Ögmundur vinnur aðallega í Asíu, en kveðst hafa verið á flakki eins og sígauni í þrjú ár. Í Asíu rekur hann fyrirtækið Global Gitar Institute, ásamt samstarfsmanni í Þýskalandi. Starfið snýst um að efla áhuga á klassískum gítarleik og auðvelda hæfileikaríkum nemendum í Asíu að komast í nám til Evrópu og ná í innblástur þangað sem þessi listgrein á rætur sínar að rekja. Einnig að skipuleggja menningarferðir til Evrópu í bland við námskeiðahald. „Það má segja að markmiðið sé alls staðar svipað og með gítarhátíðunum hér, að stækka markhópinn og styðja við þá sem eru nú þegar í klassískum gítarleik, bæði nemendur og kennara.“
Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira