Ferðamenn í hlandspreng vegna hrepparígs Jakob Bjarnar skrifar 12. febrúar 2016 15:06 Jökulsárlón er einn vinsælasti ferðamannastaður landsins en hrepparígur stendur í vegi fyrir því að ferðamenn hafi aðgang að salernisaðstöðu. visir/vilhelm Svo virðist sem landeigendur og svo rekstraraðili við Jökulsárlón haldi ferðamönnum í klósettgíslingu. Þeir geta ekki komið sér saman um að reisa aðstöðu fyrir ferðamenn vegna ágreinings um réttindi og framtíðarskipulag. Ástandið við Jökulsárlón er sagt skelfilegt, litla sem enga klósettaðstöðu er að finna við þennan einn vinsælasta ferðamannastað landsins. Þarna koma að jafnaði mörg hundruð manns á degi hverjum en litla sem enga salernisaðstöðu er að finna á staðnum. Þetta vandamál er sannarlega ekki nýtt af nálinni. Í skýrslu Ferðamálaráðs sem kom út fyrir ári, þar sem ferðamenn kvörtuðu ákaft undan lélegri þjónustu á staðnum. En ekkert er hins vegar gert til að leysa vandann. Ástæðuna má kannski rekja til hrepparígs; rekstraraðilar og eigendur lands geta ekki komið sér saman og vilja stilla hver öðrum upp við vegg. Blaðamaður Vísis reyndi að komast til botns í málinu, en það er hægara sagt en gert.Langvarandi og flóknar deilurÁstæðuna er að finna í djúpstæðum og langvarandi ágreiningi milli rekstraraðila og landeigenda. Sem ekki er gott að henda reiður á. Bent var nú nýverið á þennan vanda, ófremdarástand, á Facebook-hópnum Bakland ferðaþjónustunnar og sagt að mælirinn væri fullur. Fyrir löngu. Umræðan er löng og mikil og við enda hennar gefa sig fram deiluaðilar sem bera ábyrgð á ástandinu.Að sigla um Jökulsárlón er góð skemmtun, ef mönnum er ekki brátt í brók.visir/kolbeinn tumiÓlafur Hauksson, áhugamaður um ferðamál, tekur að sér að vera umræðustjóri, og leiðir saman Einar Björn Einarsson, sem er rekstraraðili við Lónið, sem skýrir frá því að hann sé búinn að vera tilbúinn síðastliðin 2 ár til að setja upp 18 klósett á staðnum. „En hann fær ekki heimild til þess frá landeigendafélaginu, sem Baldur Gíslason og Bjarni Sævar Geirsson virðast vera í forsvari fyrir,“ segir Ólafur og spyr hvers vegna þeir standi gegn þessu. „Mér þætti forvitnilegt að vita hversvegna þeir standa gegn þessu. Varla er ætlunin að láta ferðamenn halda í sér þangað til búið verður að byggja upp varanlega á staðnum eftir 10-20 ár,“ segir Ólafur sem gerir vel í að reyna að leiða hinar flóknu samræður til lykta.Af Baklandi Ferðaþjónustunnar. Friggi Jó er óhress með stöðu mála, segir mælinn fullan, en hann opnar Pandora-box; umræðuhalinn um stöðu mála er langur.Ferðamaðurinn verður að komast á klósettið núnaBjarni Sævar segir það lengi hafa verið baráttumál Sameigendafélag Fells að stuðla að varanlegri uppbyggingu á eystri bakka lónsins. „Það verði gert samkvæmt þeim lögum og reglum sem í gildi eru, þess vegna var farið út í deiliskipulagsvinnu fyrir svæðið þar sem hugsað er fyrir öllum hlutum. Það er mikil einföldun að telja að einhver framtíðalausn sé fólgin í því að draga þarna á svæðið einhverjar gámaeiningar eins og rekstraraðilinn segist hafa boðist til. Hvernig ætlar þessi aðili halda 20 klósettum opnum þegar mönnum tekst ekki einu sinni að halda tveimur snyrtingum í þokkalegri virkni?“ spyr Bjarni Sævar og segir að koma verði upp varanlegu fráveitukerfi með rotþróm og hreinsibúnaði eins og lög og reglur kveða á um.Af Baklandi Ferðaþjónustunnar. Bjarni Sævar mælir fyrir hönd Sameignafélagsins Fells.„Nú er skólpi hleypt nánast beint út í jarðveginn með smá viðkomu í lítilli rotþró sem annar engan vegin þessum tveimur snyrtingum. Þetta hefur hin ágæti rekstraraðili komist upp með í gegn um árin án athugasemda heilbrigðisyfirvalda, sem er svo annað mál.“ Ólafur Hauksson telur að ferðamanninum standi á sama um hvort um skammtíma- eða langtímalausn sé að ræða. „Ferðamaðurinn þarf að komast á klósettið NÚNA - ekki eftir einhver ár. Vonandi skil ég ekki rétt að landeigendur komi í veg fyrir fjölgun klósetta til þess að stilla rekstraraðilanum upp við vegg?“Þetta er allt hinum að kennaEinar Björn segir þetta rétt og hann hafi verið tilbúinn til að byggja upp flotta aðstöðu, hann hafi verið kominn á lokastig árið 2007 við að hrinda af stað samkeppnisaðstöðu milli arkitekta.Rekstraraðilinn og landeigendafélagið geta ekki komið sér saman um ákveðin atriði hvað varðar framtíðarskipulag og er málið í hnút -- þó það þarfnist tafarlausrar úrlausnar.visir/valliEn, þá kemur að nokkru í ljós hvar hnífurinn stendur í kúnni í þessu flókna máli. Í svari Bjarna Sævars spyr hann Einar hvort þeir geti ekki sammælst um uppbyggingu á hinu deiliskipulagða svæði og byggt upp okkur öllum til sóma? „Gleymir þú ekki mikilvægri staðreynd, Einar? Er það ekki þannig að þú vilt bara einn fá leyfi til uppbyggingar þarna á svæðinu þannig að tryggt verði að enginn samkeppni kvikni?“ Báðir telja þeir hinn aðilann standa í vegi fyrir því að ferðamennirnir fái að sinna þessum grunnþörfum, sem felast í að komast á klósettið. Málið er í hnút. Rembihnút. Og meðan mega þeir sem þarna koma við halda í sér eða (ó)hreinlega gera þarfir sínar úti í guðs grænni. Ferðamennska á Íslandi Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent Neyddist til að aflífa 125 krókódíla í útrýmingarhættu Erlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Verslaði fyrir háar upphæðir með stolnu kreditkorti Innlent Ávaxtakarfan frumsýnd í Hveragerði Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira
Svo virðist sem landeigendur og svo rekstraraðili við Jökulsárlón haldi ferðamönnum í klósettgíslingu. Þeir geta ekki komið sér saman um að reisa aðstöðu fyrir ferðamenn vegna ágreinings um réttindi og framtíðarskipulag. Ástandið við Jökulsárlón er sagt skelfilegt, litla sem enga klósettaðstöðu er að finna við þennan einn vinsælasta ferðamannastað landsins. Þarna koma að jafnaði mörg hundruð manns á degi hverjum en litla sem enga salernisaðstöðu er að finna á staðnum. Þetta vandamál er sannarlega ekki nýtt af nálinni. Í skýrslu Ferðamálaráðs sem kom út fyrir ári, þar sem ferðamenn kvörtuðu ákaft undan lélegri þjónustu á staðnum. En ekkert er hins vegar gert til að leysa vandann. Ástæðuna má kannski rekja til hrepparígs; rekstraraðilar og eigendur lands geta ekki komið sér saman og vilja stilla hver öðrum upp við vegg. Blaðamaður Vísis reyndi að komast til botns í málinu, en það er hægara sagt en gert.Langvarandi og flóknar deilurÁstæðuna er að finna í djúpstæðum og langvarandi ágreiningi milli rekstraraðila og landeigenda. Sem ekki er gott að henda reiður á. Bent var nú nýverið á þennan vanda, ófremdarástand, á Facebook-hópnum Bakland ferðaþjónustunnar og sagt að mælirinn væri fullur. Fyrir löngu. Umræðan er löng og mikil og við enda hennar gefa sig fram deiluaðilar sem bera ábyrgð á ástandinu.Að sigla um Jökulsárlón er góð skemmtun, ef mönnum er ekki brátt í brók.visir/kolbeinn tumiÓlafur Hauksson, áhugamaður um ferðamál, tekur að sér að vera umræðustjóri, og leiðir saman Einar Björn Einarsson, sem er rekstraraðili við Lónið, sem skýrir frá því að hann sé búinn að vera tilbúinn síðastliðin 2 ár til að setja upp 18 klósett á staðnum. „En hann fær ekki heimild til þess frá landeigendafélaginu, sem Baldur Gíslason og Bjarni Sævar Geirsson virðast vera í forsvari fyrir,“ segir Ólafur og spyr hvers vegna þeir standi gegn þessu. „Mér þætti forvitnilegt að vita hversvegna þeir standa gegn þessu. Varla er ætlunin að láta ferðamenn halda í sér þangað til búið verður að byggja upp varanlega á staðnum eftir 10-20 ár,“ segir Ólafur sem gerir vel í að reyna að leiða hinar flóknu samræður til lykta.Af Baklandi Ferðaþjónustunnar. Friggi Jó er óhress með stöðu mála, segir mælinn fullan, en hann opnar Pandora-box; umræðuhalinn um stöðu mála er langur.Ferðamaðurinn verður að komast á klósettið núnaBjarni Sævar segir það lengi hafa verið baráttumál Sameigendafélag Fells að stuðla að varanlegri uppbyggingu á eystri bakka lónsins. „Það verði gert samkvæmt þeim lögum og reglum sem í gildi eru, þess vegna var farið út í deiliskipulagsvinnu fyrir svæðið þar sem hugsað er fyrir öllum hlutum. Það er mikil einföldun að telja að einhver framtíðalausn sé fólgin í því að draga þarna á svæðið einhverjar gámaeiningar eins og rekstraraðilinn segist hafa boðist til. Hvernig ætlar þessi aðili halda 20 klósettum opnum þegar mönnum tekst ekki einu sinni að halda tveimur snyrtingum í þokkalegri virkni?“ spyr Bjarni Sævar og segir að koma verði upp varanlegu fráveitukerfi með rotþróm og hreinsibúnaði eins og lög og reglur kveða á um.Af Baklandi Ferðaþjónustunnar. Bjarni Sævar mælir fyrir hönd Sameignafélagsins Fells.„Nú er skólpi hleypt nánast beint út í jarðveginn með smá viðkomu í lítilli rotþró sem annar engan vegin þessum tveimur snyrtingum. Þetta hefur hin ágæti rekstraraðili komist upp með í gegn um árin án athugasemda heilbrigðisyfirvalda, sem er svo annað mál.“ Ólafur Hauksson telur að ferðamanninum standi á sama um hvort um skammtíma- eða langtímalausn sé að ræða. „Ferðamaðurinn þarf að komast á klósettið NÚNA - ekki eftir einhver ár. Vonandi skil ég ekki rétt að landeigendur komi í veg fyrir fjölgun klósetta til þess að stilla rekstraraðilanum upp við vegg?“Þetta er allt hinum að kennaEinar Björn segir þetta rétt og hann hafi verið tilbúinn til að byggja upp flotta aðstöðu, hann hafi verið kominn á lokastig árið 2007 við að hrinda af stað samkeppnisaðstöðu milli arkitekta.Rekstraraðilinn og landeigendafélagið geta ekki komið sér saman um ákveðin atriði hvað varðar framtíðarskipulag og er málið í hnút -- þó það þarfnist tafarlausrar úrlausnar.visir/valliEn, þá kemur að nokkru í ljós hvar hnífurinn stendur í kúnni í þessu flókna máli. Í svari Bjarna Sævars spyr hann Einar hvort þeir geti ekki sammælst um uppbyggingu á hinu deiliskipulagða svæði og byggt upp okkur öllum til sóma? „Gleymir þú ekki mikilvægri staðreynd, Einar? Er það ekki þannig að þú vilt bara einn fá leyfi til uppbyggingar þarna á svæðinu þannig að tryggt verði að enginn samkeppni kvikni?“ Báðir telja þeir hinn aðilann standa í vegi fyrir því að ferðamennirnir fái að sinna þessum grunnþörfum, sem felast í að komast á klósettið. Málið er í hnút. Rembihnút. Og meðan mega þeir sem þarna koma við halda í sér eða (ó)hreinlega gera þarfir sínar úti í guðs grænni.
Ferðamennska á Íslandi Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent Neyddist til að aflífa 125 krókódíla í útrýmingarhættu Erlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Verslaði fyrir háar upphæðir með stolnu kreditkorti Innlent Ávaxtakarfan frumsýnd í Hveragerði Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira