Steinshús byggt með elju, góðvild og gjöfum Gunnþóra Gunnarsdóttir skrifar 12. ágúst 2015 11:45 Þórarinn og Sigríður Austmann Jóhannsdóttir, kona hans, í Steinshúsi. „Uppbyggingarstarfið hér er búið að vera hobbý hjá fjölskyldu minni og vinum í bráðum átta ár,“ segir Þórarinn Magnússon byggingarverkfræðingur og hvatamaður þess að reisa samkomuhúsið á Nauteyri við norðanvert Ísafjarðardjúp úr rústum. Það verður vígt á laugardaginn sem safn og fræðasetur, tengt minningu Aðalsteins Kristmundssonar, sem tók sér skáldanafnið Steinn Steinarr og var fæddur á Laugabóli í Skjaldfannardal árið 1908. Húsið skiptist í 50 m² fræðimannsíbúð og 100 m² safn. Íbúðin er með öllum nauðsynlegum búnaði og í safninu er sýning sem Ólafur Jóhann Ingibergsson hjá Sögumiðlun og Björn Björnsson leikmyndahönnuður eiga mestan heiður að. Þar eru sýningarspjöld sem lýsa ævi og starfi Steins, hljóðupptökur með ljóðalestri hans og þáttum um hann, munir frá tíma skáldsins, bókahorn og myndefni á skjáum.Húsið var samkomuhús Djúpmanna áður en það brann árið 2002.Þórarinn hefur haldið utan um verkefnið frá byrjun. „Hugmyndin að Steinshúsi kviknaði í bústað okkar hjónanna hér á Nauteyri þar sem við höfðum brunarústirnar fyrir augum. Við heyrðum rætt í fjölmiðli um væntanlegt aldarafmæli Steins en hann var fæddur hér í hreppnum. Ég fékk grænt ljós hjá eigendum rústanna og hélt að ekkert mál yrði að fá fé til uppbyggingarinnar enda var árið 2007 en forsendur breyttust um það leyti sem framkvæmdir hófust í september 2008.“ Þegar fé úr brunabótum og frá menningarráði Vestfjarða var uppurið sneri Þórarinn sér til hönnuða, verktaka og iðnaðarmanna sem hann þekkti. Sagðist geta lofað þeim tvennu ef þeir tækju þátt í endurreisninni á Nauteyri, í fyrsta lagi að þeir fengju aldrei borgað og í öðru lagi að um skemmtilegt verkefni yrði að ræða. „Frá haustinu 2009 fram á síðasta haust voru farnar ótal vinnuferðir úr Reykjavík, gist í bústað fjölskyldunnar, ég eldaði og á kvöldin var farið í heita pottinn,“ lýsir hann. „Þetta varð vinsælt og menn spurðu gjarnan, hvenær verður næst farið í Djúpið?“Nú er framkvæmdum lokið, að sögn Þórarins. Allt fékkst gefins sem laut að húsinu, vinna, innréttingar, húsgögn, tæki og borðbúnaður. Vegagerðin útbjó bílastæði og setti upp skilti við vegamót þjóðvegar 1, sem vísar á staðinn. „Ef hægt væri að verða doktor í sníkjum yrði ég efnilegur nemandi, ef ekki bara kennari,“ segir Þórarinn glaðlega. „Nú erum við bara að taka til. Þegar eru farnir að koma gestir og þeir verða örugglega margir á laugardaginn á opnunarhátíðinni. En svo verður safnið lokað fram á næsta sumar en þá verða líka kaffiveitingar á boðstólum.“ Mest lesið Covidsmitaður Al Pacino var nær dauða en lífi Lífið Myndaveisla: Eliza Reid og Ásdís Spanó létu sig ekki vanta í Núllið Lífið Dolly gefur 135 milljónir vegna Helenu Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið Með húsaflutninga á heilanum Lífið „Það er önnur hver gella með í vörunum“ Lífið Sigmundur og hvolpurinn gleðjast yfir fylgi Miðflokksins Lífið Karlmennskuhlaðvarpið heyrir sögunni til Lífið Skrúfaði titrarann í sundur til að forða nágrönnum frá ónæði Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Uppbyggingarstarfið hér er búið að vera hobbý hjá fjölskyldu minni og vinum í bráðum átta ár,“ segir Þórarinn Magnússon byggingarverkfræðingur og hvatamaður þess að reisa samkomuhúsið á Nauteyri við norðanvert Ísafjarðardjúp úr rústum. Það verður vígt á laugardaginn sem safn og fræðasetur, tengt minningu Aðalsteins Kristmundssonar, sem tók sér skáldanafnið Steinn Steinarr og var fæddur á Laugabóli í Skjaldfannardal árið 1908. Húsið skiptist í 50 m² fræðimannsíbúð og 100 m² safn. Íbúðin er með öllum nauðsynlegum búnaði og í safninu er sýning sem Ólafur Jóhann Ingibergsson hjá Sögumiðlun og Björn Björnsson leikmyndahönnuður eiga mestan heiður að. Þar eru sýningarspjöld sem lýsa ævi og starfi Steins, hljóðupptökur með ljóðalestri hans og þáttum um hann, munir frá tíma skáldsins, bókahorn og myndefni á skjáum.Húsið var samkomuhús Djúpmanna áður en það brann árið 2002.Þórarinn hefur haldið utan um verkefnið frá byrjun. „Hugmyndin að Steinshúsi kviknaði í bústað okkar hjónanna hér á Nauteyri þar sem við höfðum brunarústirnar fyrir augum. Við heyrðum rætt í fjölmiðli um væntanlegt aldarafmæli Steins en hann var fæddur hér í hreppnum. Ég fékk grænt ljós hjá eigendum rústanna og hélt að ekkert mál yrði að fá fé til uppbyggingarinnar enda var árið 2007 en forsendur breyttust um það leyti sem framkvæmdir hófust í september 2008.“ Þegar fé úr brunabótum og frá menningarráði Vestfjarða var uppurið sneri Þórarinn sér til hönnuða, verktaka og iðnaðarmanna sem hann þekkti. Sagðist geta lofað þeim tvennu ef þeir tækju þátt í endurreisninni á Nauteyri, í fyrsta lagi að þeir fengju aldrei borgað og í öðru lagi að um skemmtilegt verkefni yrði að ræða. „Frá haustinu 2009 fram á síðasta haust voru farnar ótal vinnuferðir úr Reykjavík, gist í bústað fjölskyldunnar, ég eldaði og á kvöldin var farið í heita pottinn,“ lýsir hann. „Þetta varð vinsælt og menn spurðu gjarnan, hvenær verður næst farið í Djúpið?“Nú er framkvæmdum lokið, að sögn Þórarins. Allt fékkst gefins sem laut að húsinu, vinna, innréttingar, húsgögn, tæki og borðbúnaður. Vegagerðin útbjó bílastæði og setti upp skilti við vegamót þjóðvegar 1, sem vísar á staðinn. „Ef hægt væri að verða doktor í sníkjum yrði ég efnilegur nemandi, ef ekki bara kennari,“ segir Þórarinn glaðlega. „Nú erum við bara að taka til. Þegar eru farnir að koma gestir og þeir verða örugglega margir á laugardaginn á opnunarhátíðinni. En svo verður safnið lokað fram á næsta sumar en þá verða líka kaffiveitingar á boðstólum.“
Mest lesið Covidsmitaður Al Pacino var nær dauða en lífi Lífið Myndaveisla: Eliza Reid og Ásdís Spanó létu sig ekki vanta í Núllið Lífið Dolly gefur 135 milljónir vegna Helenu Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið Með húsaflutninga á heilanum Lífið „Það er önnur hver gella með í vörunum“ Lífið Sigmundur og hvolpurinn gleðjast yfir fylgi Miðflokksins Lífið Karlmennskuhlaðvarpið heyrir sögunni til Lífið Skrúfaði titrarann í sundur til að forða nágrönnum frá ónæði Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira