Kátína og yfirfullir salir á Act Alone Sigríður Jónsdóttir skrifar 12. ágúst 2015 10:15 Kenneth Máni fór á kostum á sviðinu, enda myndaðist löng röð fyrir utan félagsheimilið áður en sýning hans hófst. Mynd/Hlynur Kristjánsson Eftir vel heppnaða byrjun á einleikjahátíðinni Act Alone, sem haldin er á Suðureyri, hófst þriðji dagurinn með leiklestri á verkinu Doría en Eyrún Ósk Jónsdóttir og Helgi Sverrisson standa að handritinu. Leikritið fjallar um uppgjör sjómanns við sjálfan sig eftir að hann týnist í þokunni á doríuveiðum. Ársæll Níelsson lék sjómanninn en hópurinn vonast til að þróa verkefnið áfram og flytja í fullri mynd á næstu misserum. Edda Björgvins hélt fyrirlestur um húmor, gleði og hamingjuna fyrir troðfullu húsi seinna um kvöldið. Aukastóla þurfti til að koma öllum fyrir en allt gekk sem smurt. Tónlistarkonan Lára Rúnars hélt tónleika og fór yfir feril sinn með myndum, sögum og tónlist. Dansarinn og danshöfundurinn Katrín Gunnarsdóttir lokaði síðan sýningardeginum með verkinu Saving History. Laugardagurinn byrjaði með heljarinnar barnaskemmtun. Löng röð myndaðist hjá Blaðraranum, börnin hreinlega eltu hann á röndum um bæjarplássið. Ævar vísindamaður hélt vísindanámskeið fyrir börn á öllum aldri í Þurrhver og spennan hreinlega geislaði af börnunum þegar þau fengu að gera tilraunir með átrúnaðargoðinu. Seinna um daginn stjórnaði Ísgerður Gunnarsdóttir útileikjum og söng á þorpstúninu. Listakonan Kolbrún Elma Schmidt opnaði innsetningu undir nafninu Herðing í fiskhjalla sem afi hennar byggði, en hún blandar saman hljóðupptökum og efniviði úr öllum áttum í sinni listsköpun. Veitingastaðurinn Fisherman bauð upp á dýrindis fiskveislu, gestum að kostnaðarlausu, og lítill bókamarkaður var opnaður. Þorpskirkjan var einnig notuð undir listviðburði en leiksýningin Þú kemst þinn veg eftir Finnboga Þorkel Jónsson var sýnd þar áður en tók að rökkva. Kenneth Máni sló í gegn um kvöldið en gríðarlöng röð myndaðist fyrir utan félagsheimilið áður en sýningin hófst. Tónlistarmaðurinn KK spilaði við mikinn fögnuð, eftirherman Karl Örvarsson lék listir sínar og listakonan Ásta Fanney lokaði síðan hátíðinni á miðnætti. Ævar Þór Benediktsson, vísindamaður með meiru, var að vonum ánægður með hátíðina: „Stemmingin var virkilega góð og greinilegt að þetta er gert með hjartanu. Allir leggja hönd á plóg og ef eitthvað vantar „þá er bara gengið í hús“, eins og Elfar Logi sagði brosandi við mig þegar ég sagði honum að kannski vantaði mig örlítið meira kartöflumjöl í slímtilraunina mína. Það var tekið afar vel á móti mér og hátíðinni tekst að vera bæði prófessjónal en á sama tíma líka heimilisleg. Á Act Alone er gott að vera.“ Mest lesið Covidsmitaður Al Pacino var nær dauða en lífi Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið Með húsaflutninga á heilanum Lífið „Það er önnur hver gella með í vörunum“ Lífið Sigmundur og hvolpurinn gleðjast yfir fylgi Miðflokksins Lífið Karlmennskuhlaðvarpið heyrir sögunni til Lífið Skrúfaði titrarann í sundur til að forða nágrönnum frá ónæði Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Eftir vel heppnaða byrjun á einleikjahátíðinni Act Alone, sem haldin er á Suðureyri, hófst þriðji dagurinn með leiklestri á verkinu Doría en Eyrún Ósk Jónsdóttir og Helgi Sverrisson standa að handritinu. Leikritið fjallar um uppgjör sjómanns við sjálfan sig eftir að hann týnist í þokunni á doríuveiðum. Ársæll Níelsson lék sjómanninn en hópurinn vonast til að þróa verkefnið áfram og flytja í fullri mynd á næstu misserum. Edda Björgvins hélt fyrirlestur um húmor, gleði og hamingjuna fyrir troðfullu húsi seinna um kvöldið. Aukastóla þurfti til að koma öllum fyrir en allt gekk sem smurt. Tónlistarkonan Lára Rúnars hélt tónleika og fór yfir feril sinn með myndum, sögum og tónlist. Dansarinn og danshöfundurinn Katrín Gunnarsdóttir lokaði síðan sýningardeginum með verkinu Saving History. Laugardagurinn byrjaði með heljarinnar barnaskemmtun. Löng röð myndaðist hjá Blaðraranum, börnin hreinlega eltu hann á röndum um bæjarplássið. Ævar vísindamaður hélt vísindanámskeið fyrir börn á öllum aldri í Þurrhver og spennan hreinlega geislaði af börnunum þegar þau fengu að gera tilraunir með átrúnaðargoðinu. Seinna um daginn stjórnaði Ísgerður Gunnarsdóttir útileikjum og söng á þorpstúninu. Listakonan Kolbrún Elma Schmidt opnaði innsetningu undir nafninu Herðing í fiskhjalla sem afi hennar byggði, en hún blandar saman hljóðupptökum og efniviði úr öllum áttum í sinni listsköpun. Veitingastaðurinn Fisherman bauð upp á dýrindis fiskveislu, gestum að kostnaðarlausu, og lítill bókamarkaður var opnaður. Þorpskirkjan var einnig notuð undir listviðburði en leiksýningin Þú kemst þinn veg eftir Finnboga Þorkel Jónsson var sýnd þar áður en tók að rökkva. Kenneth Máni sló í gegn um kvöldið en gríðarlöng röð myndaðist fyrir utan félagsheimilið áður en sýningin hófst. Tónlistarmaðurinn KK spilaði við mikinn fögnuð, eftirherman Karl Örvarsson lék listir sínar og listakonan Ásta Fanney lokaði síðan hátíðinni á miðnætti. Ævar Þór Benediktsson, vísindamaður með meiru, var að vonum ánægður með hátíðina: „Stemmingin var virkilega góð og greinilegt að þetta er gert með hjartanu. Allir leggja hönd á plóg og ef eitthvað vantar „þá er bara gengið í hús“, eins og Elfar Logi sagði brosandi við mig þegar ég sagði honum að kannski vantaði mig örlítið meira kartöflumjöl í slímtilraunina mína. Það var tekið afar vel á móti mér og hátíðinni tekst að vera bæði prófessjónal en á sama tíma líka heimilisleg. Á Act Alone er gott að vera.“
Mest lesið Covidsmitaður Al Pacino var nær dauða en lífi Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið Með húsaflutninga á heilanum Lífið „Það er önnur hver gella með í vörunum“ Lífið Sigmundur og hvolpurinn gleðjast yfir fylgi Miðflokksins Lífið Karlmennskuhlaðvarpið heyrir sögunni til Lífið Skrúfaði titrarann í sundur til að forða nágrönnum frá ónæði Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira