Læknir sem var þarfur listinni með söfnun sinni Gunnþóra Gunnarsdóttir skrifar 1. ágúst 2015 11:15 "Við tökum vel á móti fólki og veitum því leiðsögn,“ segir Erlendur sem hér er að hengja upp mynd í Sveinssafni. Mynd/úr einkasafni „Það er skemmtilegt að setja upp sýningu sem er frá sjónarhóli listunnanda,“ segir Erlendur Sveinsson kvikmyndagerðarmaður sem er að hengja upp málverk í Sveinssafni í Krýsuvík fyrir sýningu sem verður opnuð á morgun. Þau eru úr stórri listaverkagjöf til safnsins frá Knúti Björnssyni lýtalækni sem lést í ágúst í fyrra á 85. aldursári. Flestar myndirnar eru eftir Svein Björnsson, bróður Knúts og föður Erlends. Þar eru olíumálverk í meirihluta en líka vatnslitamynd og klippimynd. Auk þess eru verk eftir aðra listamenn eins og Veturliða Gunnarsson, Valtý Pétursson, Steingrím Sigurðsson og Júlíönu Sveinsdóttur. „Knútur var listinni þarfur,“ segir Erlendur. „Hann keypti fjölda verka og styrkti líka Sveinssafn með margvíslegum hætti. Á heimili hans og í húsi sem hann átti á Stokkseyri voru veggirnir þaktir myndum. Það er nauðsynlegt fyrir myndlistarheiminn að áhorfendur séu næmir.“ Sjálfur gerði Knútur rýjateppi. „Hann var náttúrlega í því að sauma saman fólk og var flinkur með nálina,“ segir Erlendur. „Það þýðir ekki að vera lýtalæknir og hafa ekki fagurfræðilega tilfinningu,“ sagði hann eitt sinn við mig.“ Erlendur vonar að sýningin veki athygli fólks á að láta aðstandendur Sveinssafns vita ef það á myndir í fórum sínum eftir Svein Björnsson, því safnið þurfi að eiga skrá yfir þær, hvar sem þær séu niðurkomnar. Sveinshús er blátt að lit. Það stendur við Geststaðavatn, upp af Grænavatni í Krýsuvík. „Húsið er að mestu eins og Sveinn skildi við það, nema hvað við höfum útbúið tvö lítil galleríherbergi á fyrstu hæðinni þar sem svona smásýningar njóta sín. Þetta er náttúrlega ekki stórt pláss en við tökum vel á móti fólki og veitum því leiðsögn,“ segir Erlendur. Sveinshús er opið á morgun, sunnudag, milli klukkan 13 og og 17.30 en formleg opnun sýningarinnar Knútur bróðir er klukkan 15. Öllum er heimill ókeypis aðgangur meðan húsrúm leyfir. Mest lesið Covidsmitaður Al Pacino var nær dauða en lífi Lífið Myndaveisla: Eliza Reid og Ásdís Spanó létu sig ekki vanta í Núllið Lífið Dolly gefur 135 milljónir vegna Helenu Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið Með húsaflutninga á heilanum Lífið „Það er önnur hver gella með í vörunum“ Lífið Sigmundur og hvolpurinn gleðjast yfir fylgi Miðflokksins Lífið Karlmennskuhlaðvarpið heyrir sögunni til Lífið Skrúfaði titrarann í sundur til að forða nágrönnum frá ónæði Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Það er skemmtilegt að setja upp sýningu sem er frá sjónarhóli listunnanda,“ segir Erlendur Sveinsson kvikmyndagerðarmaður sem er að hengja upp málverk í Sveinssafni í Krýsuvík fyrir sýningu sem verður opnuð á morgun. Þau eru úr stórri listaverkagjöf til safnsins frá Knúti Björnssyni lýtalækni sem lést í ágúst í fyrra á 85. aldursári. Flestar myndirnar eru eftir Svein Björnsson, bróður Knúts og föður Erlends. Þar eru olíumálverk í meirihluta en líka vatnslitamynd og klippimynd. Auk þess eru verk eftir aðra listamenn eins og Veturliða Gunnarsson, Valtý Pétursson, Steingrím Sigurðsson og Júlíönu Sveinsdóttur. „Knútur var listinni þarfur,“ segir Erlendur. „Hann keypti fjölda verka og styrkti líka Sveinssafn með margvíslegum hætti. Á heimili hans og í húsi sem hann átti á Stokkseyri voru veggirnir þaktir myndum. Það er nauðsynlegt fyrir myndlistarheiminn að áhorfendur séu næmir.“ Sjálfur gerði Knútur rýjateppi. „Hann var náttúrlega í því að sauma saman fólk og var flinkur með nálina,“ segir Erlendur. „Það þýðir ekki að vera lýtalæknir og hafa ekki fagurfræðilega tilfinningu,“ sagði hann eitt sinn við mig.“ Erlendur vonar að sýningin veki athygli fólks á að láta aðstandendur Sveinssafns vita ef það á myndir í fórum sínum eftir Svein Björnsson, því safnið þurfi að eiga skrá yfir þær, hvar sem þær séu niðurkomnar. Sveinshús er blátt að lit. Það stendur við Geststaðavatn, upp af Grænavatni í Krýsuvík. „Húsið er að mestu eins og Sveinn skildi við það, nema hvað við höfum útbúið tvö lítil galleríherbergi á fyrstu hæðinni þar sem svona smásýningar njóta sín. Þetta er náttúrlega ekki stórt pláss en við tökum vel á móti fólki og veitum því leiðsögn,“ segir Erlendur. Sveinshús er opið á morgun, sunnudag, milli klukkan 13 og og 17.30 en formleg opnun sýningarinnar Knútur bróðir er klukkan 15. Öllum er heimill ókeypis aðgangur meðan húsrúm leyfir.
Mest lesið Covidsmitaður Al Pacino var nær dauða en lífi Lífið Myndaveisla: Eliza Reid og Ásdís Spanó létu sig ekki vanta í Núllið Lífið Dolly gefur 135 milljónir vegna Helenu Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið Með húsaflutninga á heilanum Lífið „Það er önnur hver gella með í vörunum“ Lífið Sigmundur og hvolpurinn gleðjast yfir fylgi Miðflokksins Lífið Karlmennskuhlaðvarpið heyrir sögunni til Lífið Skrúfaði titrarann í sundur til að forða nágrönnum frá ónæði Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira