Púttin munu ráða úrslitum á Garðavelli um helgina Eiríkur Stefán Ásgeirsson skrifar 23. júlí 2015 07:00 Kylfingarnir sýndu listir sínar í gær þegar þeir slógu af Selfossi við Reykjavíkurhöfn á litla eyju sem búið var að koma fyrir úti á hafi, með misgóðum árangri. Hér slær Ólafía Þórunn Kristinsdóttir. vísir/valli Það má búast við galopnu Íslandsmóti í höggleik á Garðavelli á Akranesi en mótið hefst í dag og lýkur á sunnudag. Þetta er í 74. sinn sem Íslandsmótið í höggleik er haldið og fer það nú fram á Garðavelli í annað sinn. Allir okkar sterkustu kylfingar eru með fyrir utan Birgi Leif Hafþórsson sem valdi frekar að spila á sterku móti í Áskorendamótaröð Evrópu í Frakklandi um helgina. „Hann hefur líklega aldrei spilað betur á ferlinum en nú,“ sagði landsliðsþjálfarinn Úlfar Jónsson sem styður ákvörðun Birgis Leifs. „Það er um að gera fyrir hann að taka þátt í jafn sterku móti og þessu.“ Birgir Leifur hefur, rétt eins og Úlfar og Björgvin Þorsteinsson, unnið sex Íslandsmeistaratitla en þarf að bíða eftir þeim sjöunda. Úlfar getur reyndar aftur tekið fram úr þeim Birgi Leifi og Björgvini með sigri um helgina. „Ég hef reyndar ekki miklar væntingar til þess en það er gaman að vera með. Völlurinn er flottur,“ sagði Úlfar í léttum dúr.Ólafur Björn Loftsson reynir að hitta eyjuna á hafinu.vísir/valliAtvinnukylfingarnir með Atvinnukylfingarnir Ólafía Þórunn Kristinsdóttir og Valdís Þóra Jónsdóttir taka þátt í mótinu en þær hafa staðið sig vel á LET Access-mótaröðinni í Evrópu í sumar. Ólafía Þórunn er ríkjandi meistari og á sínu fyrsta ári í atvinnumennskunni. Hún segir að því fylgi líklega meiri pressa að keppa á Íslandsmótinu sem atvinnumaður en áhugakylfingur. „Ég er mjög ánægð með sumarið. Þetta hefur verið mikil og góð reynsla fyrir mig,“ segir hún. „Ég hef lært mikið um hvernig maður á að hugsa úti á vellinum sjálfum og fyrir mót. Vonandi held ég áfram að bæta mig í því.“ Hún á von á harðri baráttu enda alls sex keppendur á mótinu sem hafa orðið Íslandsmeistarar áður. „Ég á von á því að skorið verði mjög gott,“ segir hún. Guðrún Brá Björgvinsdóttir á skráða lægstu forgjöf allra keppenda í kvennaflokki [-1,5] en á þó enn eftir að vinna Íslandsmeistaratitilinn. „Ég hef stefnt að því að vinna þetta mót í mörg ár. Það er draumurinn að verða Íslandsmeistari,“ segir Guðrún Brá. „Ég held að þetta muni ráðast af púttunum og ég á ágæta möguleika í þeirri baráttu. Ég mun spila til sigurs eins og í öllum mótum,“ segir hún. Reikna má með því að Heiða Guðnadóttir, sem hefur heldur ekki orðið Íslandsmeistari á sínum ferli, blandi sér einnig í baráttuna af fullum krafti en hún varð Íslandsmeistari í holukeppni fyrr í sumar og er efst að loknum fjórum af sex mótum Eimskipsmótaraðarinnar.vísir/andri marinóNálgast markmið sín Keppni verður einnig hörð í karlaflokki. Kristján Þór Einarsson er efstur á stigalistanum á Eimskipsmótaröðinni og vann gull á Smáþjóðaleikunum með miklum yfirburðum. Axel Bóasson vann hins vegar langþráðan Íslandsmeistaratitil í höggleik og mætir með til leiks með fullt sjálfstraust. „Ég er hægt og rólega að nálgast mín markmið eftir að gengið í byrjun sumars var upp og ofan,“ segir Axel. „En það er frábært að sjá hversu margir sterkir kylfingar eru með og eiga möguleika í ár. Við viljum hafa það þannig.“ Golf Mest lesið Albert skoraði sigurmarkið eftir að De Gea varði tvær vítaspyrnur Fótbolti Man United ekki byrjað verr síðan 1989 Enski boltinn Körfuboltakvöld: Tilþrif 1. umferðar Körfubolti „Erum ennþá með þetta í okkar höndum“ Fótbolti „Þegar þeir misstíga sig þá misstígum við okkur líka“ Fótbolti „Menn eru að henda sér fyrir bolta og hlaupa úr sér lungun“ Fótbolti Sjáðu vandræðalegt vítaklúður Viðars Íslenski boltinn Sjáðu atvikið: Reiður Rúnar sá rautt Íslenski boltinn Uppgjörið: Víkingur - Stjarnan 2-2 | Óskar Örn bjargaði stigi fyrir Víking Íslenski boltinn Uppgjörið: HK - Fylkir 2-2 | Brynjar Snær felldi Fylki Íslenski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira
Það má búast við galopnu Íslandsmóti í höggleik á Garðavelli á Akranesi en mótið hefst í dag og lýkur á sunnudag. Þetta er í 74. sinn sem Íslandsmótið í höggleik er haldið og fer það nú fram á Garðavelli í annað sinn. Allir okkar sterkustu kylfingar eru með fyrir utan Birgi Leif Hafþórsson sem valdi frekar að spila á sterku móti í Áskorendamótaröð Evrópu í Frakklandi um helgina. „Hann hefur líklega aldrei spilað betur á ferlinum en nú,“ sagði landsliðsþjálfarinn Úlfar Jónsson sem styður ákvörðun Birgis Leifs. „Það er um að gera fyrir hann að taka þátt í jafn sterku móti og þessu.“ Birgir Leifur hefur, rétt eins og Úlfar og Björgvin Þorsteinsson, unnið sex Íslandsmeistaratitla en þarf að bíða eftir þeim sjöunda. Úlfar getur reyndar aftur tekið fram úr þeim Birgi Leifi og Björgvini með sigri um helgina. „Ég hef reyndar ekki miklar væntingar til þess en það er gaman að vera með. Völlurinn er flottur,“ sagði Úlfar í léttum dúr.Ólafur Björn Loftsson reynir að hitta eyjuna á hafinu.vísir/valliAtvinnukylfingarnir með Atvinnukylfingarnir Ólafía Þórunn Kristinsdóttir og Valdís Þóra Jónsdóttir taka þátt í mótinu en þær hafa staðið sig vel á LET Access-mótaröðinni í Evrópu í sumar. Ólafía Þórunn er ríkjandi meistari og á sínu fyrsta ári í atvinnumennskunni. Hún segir að því fylgi líklega meiri pressa að keppa á Íslandsmótinu sem atvinnumaður en áhugakylfingur. „Ég er mjög ánægð með sumarið. Þetta hefur verið mikil og góð reynsla fyrir mig,“ segir hún. „Ég hef lært mikið um hvernig maður á að hugsa úti á vellinum sjálfum og fyrir mót. Vonandi held ég áfram að bæta mig í því.“ Hún á von á harðri baráttu enda alls sex keppendur á mótinu sem hafa orðið Íslandsmeistarar áður. „Ég á von á því að skorið verði mjög gott,“ segir hún. Guðrún Brá Björgvinsdóttir á skráða lægstu forgjöf allra keppenda í kvennaflokki [-1,5] en á þó enn eftir að vinna Íslandsmeistaratitilinn. „Ég hef stefnt að því að vinna þetta mót í mörg ár. Það er draumurinn að verða Íslandsmeistari,“ segir Guðrún Brá. „Ég held að þetta muni ráðast af púttunum og ég á ágæta möguleika í þeirri baráttu. Ég mun spila til sigurs eins og í öllum mótum,“ segir hún. Reikna má með því að Heiða Guðnadóttir, sem hefur heldur ekki orðið Íslandsmeistari á sínum ferli, blandi sér einnig í baráttuna af fullum krafti en hún varð Íslandsmeistari í holukeppni fyrr í sumar og er efst að loknum fjórum af sex mótum Eimskipsmótaraðarinnar.vísir/andri marinóNálgast markmið sín Keppni verður einnig hörð í karlaflokki. Kristján Þór Einarsson er efstur á stigalistanum á Eimskipsmótaröðinni og vann gull á Smáþjóðaleikunum með miklum yfirburðum. Axel Bóasson vann hins vegar langþráðan Íslandsmeistaratitil í höggleik og mætir með til leiks með fullt sjálfstraust. „Ég er hægt og rólega að nálgast mín markmið eftir að gengið í byrjun sumars var upp og ofan,“ segir Axel. „En það er frábært að sjá hversu margir sterkir kylfingar eru með og eiga möguleika í ár. Við viljum hafa það þannig.“
Golf Mest lesið Albert skoraði sigurmarkið eftir að De Gea varði tvær vítaspyrnur Fótbolti Man United ekki byrjað verr síðan 1989 Enski boltinn Körfuboltakvöld: Tilþrif 1. umferðar Körfubolti „Erum ennþá með þetta í okkar höndum“ Fótbolti „Þegar þeir misstíga sig þá misstígum við okkur líka“ Fótbolti „Menn eru að henda sér fyrir bolta og hlaupa úr sér lungun“ Fótbolti Sjáðu vandræðalegt vítaklúður Viðars Íslenski boltinn Sjáðu atvikið: Reiður Rúnar sá rautt Íslenski boltinn Uppgjörið: Víkingur - Stjarnan 2-2 | Óskar Örn bjargaði stigi fyrir Víking Íslenski boltinn Uppgjörið: HK - Fylkir 2-2 | Brynjar Snær felldi Fylki Íslenski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira