Þingmenn setja spurningarmerki við forgangsröðun Kolbeinn Óttarsson Proppé skrifar 23. apríl 2015 13:00 þingað Þrettán þingfundadagar eru eftir samkvæmt starfsáætlun Alþingis. Einar K. Guðfinnsson, forseti Alþingis, hefur lagt ríka áherslu á að hún haldi. Samkvæmt henni verður þingfrestun 29. maí.fréttablaðið/stefán Gildi þjóðfánans og grænar baunir í dós frá Ora. Um þetta ræddu alþingismenn á þingfundi á þriðjudag. Vel kann að vera að einhverjum þyki þetta léttvægt umræðuefni í þeirri stöðu sem nú er uppi í þjóðfélaginu. Það gleymist þó oft í umræðunni um störf þingmanna að þeir þurfa líka að gefa sér tíma til að sinna málum sem ekki eru upp á líf og dauða. Starf þingmanna á ekki að vera eintóm krísustjórnun. Fjölmargir heimildarmenn Fréttablaðsins í hópi þingmanna hafa þó sett spurningarmerki við forgangsröðunina. Eins og sjá má á listanum hér til hliðar eru ýmis stórmál á dagskránni. Mikið hefur verið rætt um húsnæðisfrumvörp félagsmálaráðherra, en enn er beðið tveggja þingmála ráðherra í þeim málaflokki. Ekki má nefnilega gleyma því að ekki er búið að loka fyrir að ný mál komi á dagskrá, þótt framlagningarfrestur sé útrunninn. Leita þarf afbrigða til að hleypa málum á dagskrá, en þau eru oftar en ekki auðfengin. Mikið hefur til að mynda verið rætt um verðtrygginguna og hvernig verður dregið úr vægi hennar. Ekki er annað að skilja á Bjarna Benediktssyni fjármálaráðherra að staðan á þinginu bjóði ekki upp á svo stórt mál fyrir þingfrestun. „Ég skal ekki fullyrða um það hvort við komum því að á þessu þingi, enda á svo sem enn eftir að mæla fyrir um tuttugu málum í fyrstu umræðu á þessu þingi. Það verður handleggur að ljúka þinginu, þó að við séum ekki að bæta á nýju máli.“En býst Bjarni við að hægt verði að ljúka þeim málum sem þegar eru komin fram? „Já, við höfum svo oft staðið frammi fyrir því að það séu allt að 100 mál óafgreidd þegar það er jafnvel vika, tíu dagar eftir af þingstörfum. Já, já, ég held að við munum ljúka öllum okkar mikilvægustu málum.“ Eins og Bjarni segir þarf fjöldi mála ekki að þýða að ekki takist að afgreiða þau. Þegar samkomulag næst við stjórnarandstöðuna verða málin afgreidd á færibandi, það er venjan. Staðan nú gefur stjórnarandstöðunni hins vegar meira vald yfir því hvaða mál fara í gegn. Og það segir sig sjálft að minni málahraði getur komið niður á fagmennsku. Þarnæsta vika er nefndavika. Því ríður á að afgreiða sem flest mál til nefndar fyrir þann tíma svo nefndirnar hafi úr einhverju að moða. Næsta vika verður annasöm á Alþingi.Mál sem eftir á að mæla fyrir: Forsætisráðherra Þjóðlendur og ákvörðun marka eignarlanda, þjóðlendna og afrétta. Nýting landsréttinda, óbyggðanefnd o.fl. Utanríkisráðherra Framkvæmd samnings um klasasprengjur. Heildarlög. Sjávarútvegs- og landbúnaðarráðherra Byggðaáætlun og sóknaráætlanir. Heildarlög. Dýrasjúkdómar og varnir gegn þeim. Leyfisveitingar og EES-reglur. Framleiðsla, verðlagning og sala búvöru o.fl.Umsjón og útgreiðsla beingreiðslna. Innflutningur dýra. Erfðaefni holdanautgripa. Félags- og húsnæðismálaráðherra Húsaleigulög. Réttarstaða leigjenda og leigusala. Húsnæðissamvinnufélög. Réttarstaða búseturéttarhafa og rekstur húsnæðissamvinnufélaga. Innanríkisráðherra Dómstólar. Fjöldi hæstaréttardómara. Lögræðislög. Réttindi fatlaðs fólks, svipting lögræðis o.fl. Meðferð einkamála o.fl. Aukin skilvirkni, einfaldari reglur. Norðurlandasamningur um erfðir og skipti á dánarbúum. Samgöngustofa og loftferðir. Gjaldskrárheimildir og EES-reglur. Siglingalög. Bótaábyrgð farsala o.fl., EES-reglur. Almannavarnir o.fl. Valdheimildir stjórnvalda o.fl. Tekjustofnar sveitarfélaga. Sérstakt framlag úr Jöfnunarsjóði. Vopnalög. Skoteldar, EES-reglur. Mennta- og menningarmálaráðherra Höfundalög. EES-reglur, munaðarlaus verk. Höfundalög. EES-reglur, lengri verndartími hljóðrita. Höfundalög. Einkaréttindi höfunda, samningskvaðir o.fl., EES-reglur. Heilbrigðisráðherra Lyfjalög. Lyfjagát, EES-reglur. Sjúkratryggingar og lyfjalög. Heilbrigðisþjónusta yfir landamæri, EES-reglur) Staðgöngumæðrun í velgjörðarskyni. Heildarlög. Fjölgun dómara í Hæstarétti Frumvarp Ólafar Nordal innanríkisráðherra um breytingu á lögum um dómstóla er komið fram, en ekki er búið að mæla fyrir því og það er ekki komið á dagskrá þingsins. Samkvæmt því á að fjölga dómurum við Hæstarétt Íslands tímabundið um einn frá og með 1. september. „Er með þessum tillögum brugðist við því mikla álagi sem enn er á réttinum,“ segir í athugasemdum við lagafrumvarpið. Fjölgunin á að vera frá og með 1. september og á að falla niður 31. desember 2016.Staðgöngumæðrun í velgjörðarskyni Eitt frumvarpa Kristjáns Júlíussonar heilbrigðisráðherra sem bíða fyrstu umræðu fjallar um staðgöngumæðrun í velgjörðarskyni. Um gríðarlega viðkvæmt mál er að ræða sem vekur upp miklar tilfinningar í samfélaginu, enda hefur orðið mikil umræða um málið. Samkvæmt frumvarpinu er staðgöngumæðrun í velgjörðarskyni aðeins heimil við ákveðnar aðstæður. Líkt og áður segir er málið umdeilt og við því má búast að þingmenn muni vilja ræða málið í þaula. Alþingi Mest lesið Foreldrar barna á Brákarborg langþreyttir á fáliðun og reglulegum lokunum Innlent Áhrifavaldur ákærður fyrir að eitra fyrir barni sínu fyrir athygli Erlent Forsætisráðherrann fyrirskipar rannsókn á umdeildri auglýsingu Erlent Ráðleggja blóðtöku fyrir íbúa Jersey Erlent „Ömurlegasta sem fólk getur fengið sem bólfélaga“ Innlent Ætlar ekki í formanninn og varar við eftirlíkingum Innlent Biden varar við fáveldi í Bandaríkjunum Erlent Átti að endast í fimmtán ár en hrundi eftir tvö Innlent Tilkynningum um barnaníð fjölgaði verulega Innlent Segir nafnlausa konu fara með rangt mál um bróður hans Innlent Fleiri fréttir Viðvarandi glitský yfir höfuðstað Norðurlands Þrjátíu ár liðin frá harmleiknum í Súðavík Vilja rektor sem afþakkar „illa fengið fé“ Reikna með 8,4 milljónum farþega Tilkynningum um barnaníð fjölgaði verulega Varað við ísingu með umskiptum í veðri Almennir starfsmenn geti verið leið inn fyrir tölvuþrjóta Foreldrar barna á Brákarborg langþreyttir á fáliðun og reglulegum lokunum Þrjátíu ár liðin frá snjóflóðunum á Súðavík Ráðherra segir dóm um Hvammsvirkjun áhyggjuefni „Ömurlegasta sem fólk getur fengið sem bólfélaga“ Ætlar ekki í formanninn og varar við eftirlíkingum Átti að endast í fimmtán ár en hrundi eftir tvö Stjórnsýslan í kringum sjókvíaeldi sé gölluð Bjóst ekki við greiðslum frá Alþingi Segir nafnlausa konu fara með rangt mál um bróður hans Ákærður fyrir að drepa móður sína Vopnahlé á Gaza, brúin sem klúðraðist og tvöfaldar greiðslur Nýskipaður varaseðlabankastjóri peningastefnu Brýnt að endurskoða atkvæðagreiðslu utan kjörfundar Brottvísuninni frestað fram yfir aðgerð Auglýsa skipulag fyrir 180 íbúðir á Árstúnshöfða Dómurinn valdi vonbrigðum og hafi neikvæðar afleiðingar Virkjunarleyfi Hvammsvirkjunar ógilt Kjörnir fulltrúar þurfi að huga að ímynd sinni Lítil virkni frá hrinunni Handritin öll komin á nýja heimilið Klukkan tifar en kandídatar undir hnausþykkum feldi Segja að ögurstund sé runnin upp í Seyðisfirði Nefndin hefur víðtækar heimildir og getur farið fram á endurtalningu Sjá meira
Gildi þjóðfánans og grænar baunir í dós frá Ora. Um þetta ræddu alþingismenn á þingfundi á þriðjudag. Vel kann að vera að einhverjum þyki þetta léttvægt umræðuefni í þeirri stöðu sem nú er uppi í þjóðfélaginu. Það gleymist þó oft í umræðunni um störf þingmanna að þeir þurfa líka að gefa sér tíma til að sinna málum sem ekki eru upp á líf og dauða. Starf þingmanna á ekki að vera eintóm krísustjórnun. Fjölmargir heimildarmenn Fréttablaðsins í hópi þingmanna hafa þó sett spurningarmerki við forgangsröðunina. Eins og sjá má á listanum hér til hliðar eru ýmis stórmál á dagskránni. Mikið hefur verið rætt um húsnæðisfrumvörp félagsmálaráðherra, en enn er beðið tveggja þingmála ráðherra í þeim málaflokki. Ekki má nefnilega gleyma því að ekki er búið að loka fyrir að ný mál komi á dagskrá, þótt framlagningarfrestur sé útrunninn. Leita þarf afbrigða til að hleypa málum á dagskrá, en þau eru oftar en ekki auðfengin. Mikið hefur til að mynda verið rætt um verðtrygginguna og hvernig verður dregið úr vægi hennar. Ekki er annað að skilja á Bjarna Benediktssyni fjármálaráðherra að staðan á þinginu bjóði ekki upp á svo stórt mál fyrir þingfrestun. „Ég skal ekki fullyrða um það hvort við komum því að á þessu þingi, enda á svo sem enn eftir að mæla fyrir um tuttugu málum í fyrstu umræðu á þessu þingi. Það verður handleggur að ljúka þinginu, þó að við séum ekki að bæta á nýju máli.“En býst Bjarni við að hægt verði að ljúka þeim málum sem þegar eru komin fram? „Já, við höfum svo oft staðið frammi fyrir því að það séu allt að 100 mál óafgreidd þegar það er jafnvel vika, tíu dagar eftir af þingstörfum. Já, já, ég held að við munum ljúka öllum okkar mikilvægustu málum.“ Eins og Bjarni segir þarf fjöldi mála ekki að þýða að ekki takist að afgreiða þau. Þegar samkomulag næst við stjórnarandstöðuna verða málin afgreidd á færibandi, það er venjan. Staðan nú gefur stjórnarandstöðunni hins vegar meira vald yfir því hvaða mál fara í gegn. Og það segir sig sjálft að minni málahraði getur komið niður á fagmennsku. Þarnæsta vika er nefndavika. Því ríður á að afgreiða sem flest mál til nefndar fyrir þann tíma svo nefndirnar hafi úr einhverju að moða. Næsta vika verður annasöm á Alþingi.Mál sem eftir á að mæla fyrir: Forsætisráðherra Þjóðlendur og ákvörðun marka eignarlanda, þjóðlendna og afrétta. Nýting landsréttinda, óbyggðanefnd o.fl. Utanríkisráðherra Framkvæmd samnings um klasasprengjur. Heildarlög. Sjávarútvegs- og landbúnaðarráðherra Byggðaáætlun og sóknaráætlanir. Heildarlög. Dýrasjúkdómar og varnir gegn þeim. Leyfisveitingar og EES-reglur. Framleiðsla, verðlagning og sala búvöru o.fl.Umsjón og útgreiðsla beingreiðslna. Innflutningur dýra. Erfðaefni holdanautgripa. Félags- og húsnæðismálaráðherra Húsaleigulög. Réttarstaða leigjenda og leigusala. Húsnæðissamvinnufélög. Réttarstaða búseturéttarhafa og rekstur húsnæðissamvinnufélaga. Innanríkisráðherra Dómstólar. Fjöldi hæstaréttardómara. Lögræðislög. Réttindi fatlaðs fólks, svipting lögræðis o.fl. Meðferð einkamála o.fl. Aukin skilvirkni, einfaldari reglur. Norðurlandasamningur um erfðir og skipti á dánarbúum. Samgöngustofa og loftferðir. Gjaldskrárheimildir og EES-reglur. Siglingalög. Bótaábyrgð farsala o.fl., EES-reglur. Almannavarnir o.fl. Valdheimildir stjórnvalda o.fl. Tekjustofnar sveitarfélaga. Sérstakt framlag úr Jöfnunarsjóði. Vopnalög. Skoteldar, EES-reglur. Mennta- og menningarmálaráðherra Höfundalög. EES-reglur, munaðarlaus verk. Höfundalög. EES-reglur, lengri verndartími hljóðrita. Höfundalög. Einkaréttindi höfunda, samningskvaðir o.fl., EES-reglur. Heilbrigðisráðherra Lyfjalög. Lyfjagát, EES-reglur. Sjúkratryggingar og lyfjalög. Heilbrigðisþjónusta yfir landamæri, EES-reglur) Staðgöngumæðrun í velgjörðarskyni. Heildarlög. Fjölgun dómara í Hæstarétti Frumvarp Ólafar Nordal innanríkisráðherra um breytingu á lögum um dómstóla er komið fram, en ekki er búið að mæla fyrir því og það er ekki komið á dagskrá þingsins. Samkvæmt því á að fjölga dómurum við Hæstarétt Íslands tímabundið um einn frá og með 1. september. „Er með þessum tillögum brugðist við því mikla álagi sem enn er á réttinum,“ segir í athugasemdum við lagafrumvarpið. Fjölgunin á að vera frá og með 1. september og á að falla niður 31. desember 2016.Staðgöngumæðrun í velgjörðarskyni Eitt frumvarpa Kristjáns Júlíussonar heilbrigðisráðherra sem bíða fyrstu umræðu fjallar um staðgöngumæðrun í velgjörðarskyni. Um gríðarlega viðkvæmt mál er að ræða sem vekur upp miklar tilfinningar í samfélaginu, enda hefur orðið mikil umræða um málið. Samkvæmt frumvarpinu er staðgöngumæðrun í velgjörðarskyni aðeins heimil við ákveðnar aðstæður. Líkt og áður segir er málið umdeilt og við því má búast að þingmenn muni vilja ræða málið í þaula.
Alþingi Mest lesið Foreldrar barna á Brákarborg langþreyttir á fáliðun og reglulegum lokunum Innlent Áhrifavaldur ákærður fyrir að eitra fyrir barni sínu fyrir athygli Erlent Forsætisráðherrann fyrirskipar rannsókn á umdeildri auglýsingu Erlent Ráðleggja blóðtöku fyrir íbúa Jersey Erlent „Ömurlegasta sem fólk getur fengið sem bólfélaga“ Innlent Ætlar ekki í formanninn og varar við eftirlíkingum Innlent Biden varar við fáveldi í Bandaríkjunum Erlent Átti að endast í fimmtán ár en hrundi eftir tvö Innlent Tilkynningum um barnaníð fjölgaði verulega Innlent Segir nafnlausa konu fara með rangt mál um bróður hans Innlent Fleiri fréttir Viðvarandi glitský yfir höfuðstað Norðurlands Þrjátíu ár liðin frá harmleiknum í Súðavík Vilja rektor sem afþakkar „illa fengið fé“ Reikna með 8,4 milljónum farþega Tilkynningum um barnaníð fjölgaði verulega Varað við ísingu með umskiptum í veðri Almennir starfsmenn geti verið leið inn fyrir tölvuþrjóta Foreldrar barna á Brákarborg langþreyttir á fáliðun og reglulegum lokunum Þrjátíu ár liðin frá snjóflóðunum á Súðavík Ráðherra segir dóm um Hvammsvirkjun áhyggjuefni „Ömurlegasta sem fólk getur fengið sem bólfélaga“ Ætlar ekki í formanninn og varar við eftirlíkingum Átti að endast í fimmtán ár en hrundi eftir tvö Stjórnsýslan í kringum sjókvíaeldi sé gölluð Bjóst ekki við greiðslum frá Alþingi Segir nafnlausa konu fara með rangt mál um bróður hans Ákærður fyrir að drepa móður sína Vopnahlé á Gaza, brúin sem klúðraðist og tvöfaldar greiðslur Nýskipaður varaseðlabankastjóri peningastefnu Brýnt að endurskoða atkvæðagreiðslu utan kjörfundar Brottvísuninni frestað fram yfir aðgerð Auglýsa skipulag fyrir 180 íbúðir á Árstúnshöfða Dómurinn valdi vonbrigðum og hafi neikvæðar afleiðingar Virkjunarleyfi Hvammsvirkjunar ógilt Kjörnir fulltrúar þurfi að huga að ímynd sinni Lítil virkni frá hrinunni Handritin öll komin á nýja heimilið Klukkan tifar en kandídatar undir hnausþykkum feldi Segja að ögurstund sé runnin upp í Seyðisfirði Nefndin hefur víðtækar heimildir og getur farið fram á endurtalningu Sjá meira