Víetnömsku hjónin stíga fram: „Þetta er sönn ást“ Snærós Sindradóttir skrifar 22. október 2015 13:00 Hao, Sandra og Thuy á heimili sínu. Dóttir þeirra er rúmlega eins árs gömul. Vísir/Vilhelm „Þetta er sönn ást og sönn saga. Við giftum okkur af alvöru út af ást,“ segja hjónin Thi Thuy Nguyen og Hao Van Tio. Fréttablaðið hefur fjallað um málið þeirra síðustu daga en nú stíga þau fram til að svara ásökunum Útlendingastofnunar um að þau séu í málamyndahjónabandi. Thuy er 22 ára gömul og kom hingað til lands sem au pair fyrir fjölskyldu sína í mars árið 2013. Hún eyddi miklum tíma með frænda sínum og besta vin hans sem er Hao Van og fljótlega urðu þau ástfangin. Þau segja það ekki hafa verið ást við fyrstu sýn en eftir að hafa hist nokkrum sinnum urðu þau hrifin, fóru á stefnumót og sambandið þróaðist. Fyrirséð var að dvalarleyfi Thuy sem au pair rynni út í apríl 2014. Þau giftu sig og héldu mikla veislu þann 28. desember 2013. Það er ekki launungamál að giftingin bar brátt að vegna þess að landvistarleyfið var við það að renna út. En þá var Thuy líka orðin ólétt eftir Hao. „Frá því að við skiluðum inn giftingarvottorðinu hefur Útlendingastofnun haft auga með okkur,“ segir Hao. Sjá einnig: „Þessar upplýsingar bárust okkur í símtali“Thuy og Hao á brúðkaupsdaginnMynd/Úr einkasafniLandvistarleyfi Thuy rann út í apríl og þá skiluðu þau inn umsókn um varanlegt landvistarleyfi. Dóttir þeirra Sandra fæddist svo á Landspítalanum við Hringbraut þann 3. september 2014. Meðgangan gekk ekki áfallalaust fyrir sig en Thuy þurfti meðferð og eftirlit við meðgöngusykursýki. Það var svo í desember 2014 sem Útlendingastofnun sendi Lögreglunni á höfuðborgarsvæðinu beiðni um að formleg rannsókn hæfist á því hvort hjúskapurinn væri til málamynda. Í bréfinu segir að myndbandsupptaka úr brúðkaupinu, sem hjónin skiluðu inn til staðfestingar á hjónabandi sínu, sýndi að brúðurin væri leið og virkaði óhamingjusöm. Þessu svarar Thuy á þá leið að hún hafi verið glöð með ráðahaginn en meðgöngukvillar, ógleði og þess háttar, hafi gert henni lífið mjög leitt á brúðkaupsdaginn. Hao og Thuy á heimili þeirraVÍSIR/VILHELMÍ bréfinu til lögreglunnar kemur líka fram að upplýsingar hafa borist frá Landspítalanum um að Thuy væri barnaleg og ung og maður hennar Hao óframfærinn. Engin svör hafa borist frá spítalanum um hver veitti Útlendingastofnun þessar upplýsingar en það er með öllu óheimilt. Hao hafnar því að hafa verið óframfærinn á spítalanum. "Ég var með henni í öllum heimsóknum á spítalann. Svo tók ég á móti barninu mínu eins og aðrir feður." Í bréfi Útlendingastofnunar til lögreglu er hvergi vikið að því að Thuy og Hao eigi barn saman. Í febrúar 2015 eru hjónin svo boðuð í fyrsta viðtal til Útlendingastofnunar. „Við höfðum ekki undirbúið okkur fyrir svona persónulegt viðtal. Við hefðum átt að undirbúa okkur betur,“ segja hjónin. Sjá einnig:Sökuð um málamyndahjónabandHao og Thuy á brúðkaupsdaginn ásamt fjölskyldum sínum.Mynd/úr einkasafniÞað er svo ekki fyrr en í júní sem hjónunum berst bréf frá Útlendingastofnun þar sem sagt er frá því að grunur leiki á að um málamyndahjónaband sé að ræða. „Ef Útlendingastofnun hefur grun um málamyndahjónaband, af hverju gera þau þá ekki bara alvöru rannsókn? Af hverju skoða þau ekki stóra samhengið? Lögreglan má koma í heimsókn hvenær sem er. Það má líka taka blóðprufu til að sanna að hún sé dóttir mín. En í staðinn reynir Útlendingastofnun að draga þetta á langinn sem hefur mjög mikil áhrif á fjölskylduna. Núna vinn ég einn að framfæri fjölskyldunnar sem er mjög erfitt.“ Thuy hefur verið boðin vinna við ræstingar en vegna stöðu hennar í landinu má hún ekki taka henni. Að eigin sögn fór hún með ráðningarsamning til Útlendingastofnunar ti l sönnunar en var sagt að hún mætti ekki taka vinnunni. Fjölskyldan er því blönk og illa stödd. Thuy langar að læra íslensku en það strandar á fjárhagnum. „Ef ég fengi vinnu þá gæti ég fengið námið niðurgreitt frá stéttarfélaginu.“ En fyrst og fremst þykir þeim brotið á sér. Þau upplifa að Útlendingastofnun standi í vegi fyrir því að þau geti hafið eðlilegt líf hér á landi og komið undir sig fótunum. Þau vilja að dóttir þeirra fari á leikskóla og Thuy út á vinnumarkaðinn. Flóttamenn Tengdar fréttir Útlendingastofnun sakar nýbakaða foreldra um málamyndahjónaband Lögmaður hjónanna segir ásakanirnar algjöran fyrirslátt. 21. október 2015 07:00 Segir lekann koma frá Landspítala Landspítalinn gaf Útlendingastofnun upplýsingar um foreldra sem eignuðust barn á spítalanum. Í kjölfarið óskaði stofnunin eftir lögreglurannsókn. Ekki er vitað hver á spítalanum hringdi í stofnunina. 22. október 2015 09:00 Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Neyddist til að aflífa 125 krókódíla í útrýmingarhættu Erlent Ávaxtakarfan frumsýnd í Hveragerði Innlent Mennirnir tveir fundnir Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira
„Þetta er sönn ást og sönn saga. Við giftum okkur af alvöru út af ást,“ segja hjónin Thi Thuy Nguyen og Hao Van Tio. Fréttablaðið hefur fjallað um málið þeirra síðustu daga en nú stíga þau fram til að svara ásökunum Útlendingastofnunar um að þau séu í málamyndahjónabandi. Thuy er 22 ára gömul og kom hingað til lands sem au pair fyrir fjölskyldu sína í mars árið 2013. Hún eyddi miklum tíma með frænda sínum og besta vin hans sem er Hao Van og fljótlega urðu þau ástfangin. Þau segja það ekki hafa verið ást við fyrstu sýn en eftir að hafa hist nokkrum sinnum urðu þau hrifin, fóru á stefnumót og sambandið þróaðist. Fyrirséð var að dvalarleyfi Thuy sem au pair rynni út í apríl 2014. Þau giftu sig og héldu mikla veislu þann 28. desember 2013. Það er ekki launungamál að giftingin bar brátt að vegna þess að landvistarleyfið var við það að renna út. En þá var Thuy líka orðin ólétt eftir Hao. „Frá því að við skiluðum inn giftingarvottorðinu hefur Útlendingastofnun haft auga með okkur,“ segir Hao. Sjá einnig: „Þessar upplýsingar bárust okkur í símtali“Thuy og Hao á brúðkaupsdaginnMynd/Úr einkasafniLandvistarleyfi Thuy rann út í apríl og þá skiluðu þau inn umsókn um varanlegt landvistarleyfi. Dóttir þeirra Sandra fæddist svo á Landspítalanum við Hringbraut þann 3. september 2014. Meðgangan gekk ekki áfallalaust fyrir sig en Thuy þurfti meðferð og eftirlit við meðgöngusykursýki. Það var svo í desember 2014 sem Útlendingastofnun sendi Lögreglunni á höfuðborgarsvæðinu beiðni um að formleg rannsókn hæfist á því hvort hjúskapurinn væri til málamynda. Í bréfinu segir að myndbandsupptaka úr brúðkaupinu, sem hjónin skiluðu inn til staðfestingar á hjónabandi sínu, sýndi að brúðurin væri leið og virkaði óhamingjusöm. Þessu svarar Thuy á þá leið að hún hafi verið glöð með ráðahaginn en meðgöngukvillar, ógleði og þess háttar, hafi gert henni lífið mjög leitt á brúðkaupsdaginn. Hao og Thuy á heimili þeirraVÍSIR/VILHELMÍ bréfinu til lögreglunnar kemur líka fram að upplýsingar hafa borist frá Landspítalanum um að Thuy væri barnaleg og ung og maður hennar Hao óframfærinn. Engin svör hafa borist frá spítalanum um hver veitti Útlendingastofnun þessar upplýsingar en það er með öllu óheimilt. Hao hafnar því að hafa verið óframfærinn á spítalanum. "Ég var með henni í öllum heimsóknum á spítalann. Svo tók ég á móti barninu mínu eins og aðrir feður." Í bréfi Útlendingastofnunar til lögreglu er hvergi vikið að því að Thuy og Hao eigi barn saman. Í febrúar 2015 eru hjónin svo boðuð í fyrsta viðtal til Útlendingastofnunar. „Við höfðum ekki undirbúið okkur fyrir svona persónulegt viðtal. Við hefðum átt að undirbúa okkur betur,“ segja hjónin. Sjá einnig:Sökuð um málamyndahjónabandHao og Thuy á brúðkaupsdaginn ásamt fjölskyldum sínum.Mynd/úr einkasafniÞað er svo ekki fyrr en í júní sem hjónunum berst bréf frá Útlendingastofnun þar sem sagt er frá því að grunur leiki á að um málamyndahjónaband sé að ræða. „Ef Útlendingastofnun hefur grun um málamyndahjónaband, af hverju gera þau þá ekki bara alvöru rannsókn? Af hverju skoða þau ekki stóra samhengið? Lögreglan má koma í heimsókn hvenær sem er. Það má líka taka blóðprufu til að sanna að hún sé dóttir mín. En í staðinn reynir Útlendingastofnun að draga þetta á langinn sem hefur mjög mikil áhrif á fjölskylduna. Núna vinn ég einn að framfæri fjölskyldunnar sem er mjög erfitt.“ Thuy hefur verið boðin vinna við ræstingar en vegna stöðu hennar í landinu má hún ekki taka henni. Að eigin sögn fór hún með ráðningarsamning til Útlendingastofnunar ti l sönnunar en var sagt að hún mætti ekki taka vinnunni. Fjölskyldan er því blönk og illa stödd. Thuy langar að læra íslensku en það strandar á fjárhagnum. „Ef ég fengi vinnu þá gæti ég fengið námið niðurgreitt frá stéttarfélaginu.“ En fyrst og fremst þykir þeim brotið á sér. Þau upplifa að Útlendingastofnun standi í vegi fyrir því að þau geti hafið eðlilegt líf hér á landi og komið undir sig fótunum. Þau vilja að dóttir þeirra fari á leikskóla og Thuy út á vinnumarkaðinn.
Flóttamenn Tengdar fréttir Útlendingastofnun sakar nýbakaða foreldra um málamyndahjónaband Lögmaður hjónanna segir ásakanirnar algjöran fyrirslátt. 21. október 2015 07:00 Segir lekann koma frá Landspítala Landspítalinn gaf Útlendingastofnun upplýsingar um foreldra sem eignuðust barn á spítalanum. Í kjölfarið óskaði stofnunin eftir lögreglurannsókn. Ekki er vitað hver á spítalanum hringdi í stofnunina. 22. október 2015 09:00 Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Neyddist til að aflífa 125 krókódíla í útrýmingarhættu Erlent Ávaxtakarfan frumsýnd í Hveragerði Innlent Mennirnir tveir fundnir Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira
Útlendingastofnun sakar nýbakaða foreldra um málamyndahjónaband Lögmaður hjónanna segir ásakanirnar algjöran fyrirslátt. 21. október 2015 07:00
Segir lekann koma frá Landspítala Landspítalinn gaf Útlendingastofnun upplýsingar um foreldra sem eignuðust barn á spítalanum. Í kjölfarið óskaði stofnunin eftir lögreglurannsókn. Ekki er vitað hver á spítalanum hringdi í stofnunina. 22. október 2015 09:00