Vilja hasla sér völl og öðlast vinsældir Friðrika Benónýsdóttir skrifar 28. nóvember 2014 17:00 Ragnar Ísleifur, Friðgeir og Árni leika sömu persónur og í tveimur fyrri verkum hópsins. Vísir/Vilhelm „Við teljum okkur vera búna að finna sannleikann í máli Jóns Hreggviðssonar, sem Laxness lét liggja í lausu lofti,“ segir Friðgeir Einarsson, einn meðlima leikhópsins Kriðpleirs sem frumsýnir í kvöld verkið Síðbúin rannsókn – endurupptaka á máli Jóns Hreggviðssonar. „En við viljum að sjálfsögðu halda því leyndu að svo stöddu hvort hann var sekur eða saklaus.“ Jón Hreggviðsson sem Halldór Laxness segir frá í Íslandsklukkunni er ein frægasta persóna íslenskra bókmennta svo þeir Kriðpleirsmenn, sem ásamt Friðgeiri eru Ragnar Ísleifur Bragason og Árni Vilhjálmsson, ráðast ekki á garðinn þar sem hann er lægstur. Hvernig unnu þeir verkið? „Við fórum á söguslóðir, vettvang glæpsins samkvæmt Laxness, og skoðuðum hann. Fundum staðinn þar sem við teljum langlíklegast að þetta hafi átt sér stað og rannsökuðum hann svona eins og í góðri glæpamynd,“ segir Friðgeir. „Vorum með myndatökuvélar með okkur og útgangspunkturinn í verkinu er kvikmyndagerðarmenn sem eru að búa til kvikmynd um glæpinn og líf Jóns Hreggviðssonar en ná ekki að klára hana. Leiksýningin er þeirra tilraun til að brúa bilið og fylla upp í eyðurnar í myndinni.“ Leiksýningin fer fram í bíói og stór hluti sýningarinnar er í formi kvikmyndarinnar sem persónurnar eru með í bígerð. Það var Janus Bragi Jakobsson sem sá um kvikmyndagerðina, leikmyndin er eftir Tinnu Ottesen en verkið eftir Bjarna Jónsson. Persónurnar eru þær sömu og í tveimur fyrri sýningum leikhópsins, hverjir eru það? „Þetta eru þrír karlar sem búa í hliðstæðum veruleika við okkar, þannig að þeirra líf þróast samhliða okkar lífi,“ útskýrir Friðgeir. „Þeir eru svolítið líkir okkur að því leyti að þeir eru alltaf að reyna að slá í gegn, verða hetjur og hasla sér völl með tilheyrandi vinsældum. Þeir sjá fram á að með því að leysa þetta fræga sakamál geti þeir loksins komist til virðingar bæði í fræða- og listasamfélaginu og orðið ríkir og frægir.“ Friðgeir hefur oftast skrifað verk sín sjálfur, hvernig kom Bjarni í spilið? „Bjarni kom að dramatúrgíu og textavinnu í báðum fyrri verkum okkar, Blokkinni og Tiny Guy. Hann er búinn að vera að vinna með þennan efnivið í nokkur ár og viða að sér föngum um Jón Hreggviðsson. Á einhverjum tímapunkti komst hann að þeirri niðurstöðu að það væri langbest að þessir kallar myndu koma sögunni til skila og við skulum segja að þeir hafi svo ríka réttlætiskennd að þeir hafi ólmir viljað taka þetta að sér.“ Sýningar fara fram í Bíói Paradís, er ekki erfitt að koma leiksýningu fyrir þar? „Við sýnum í sal tvö og höfum með okkur alls kyns dót til að laga bíóið að leikhúsinu enda fannst okkur Bíó Paradís hinn hárrétti vettvangur til að frumsýna þetta efni.“ Frumsýningin verður klukkan 20 í kvöld, önnur sýning á morgun klukkan 18 en sú sýning fer fram á ensku, og síðan hafa verið skipulagðar fjórar sýningar í viðbót tvær næstu helgar. Menning Mest lesið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Sykursalur orðinn einn vinsælasti veislusalur Reykjavíkur Lífið samstarf Náði að sættast við bróður sinn fyrir andlátið Lífið Covidsmitaður Al Pacino var nær dauða en lífi Lífið „Það er önnur hver gella með í vörunum“ Lífið Dolly gefur 135 milljónir vegna Helenu Lífið „Ég var heppinn. En ekki hann“ Lífið Myndaveisla: Eliza Reid og Ásdís Spanó létu sig ekki vanta í Núllið Lífið Með húsaflutninga á heilanum Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Við teljum okkur vera búna að finna sannleikann í máli Jóns Hreggviðssonar, sem Laxness lét liggja í lausu lofti,“ segir Friðgeir Einarsson, einn meðlima leikhópsins Kriðpleirs sem frumsýnir í kvöld verkið Síðbúin rannsókn – endurupptaka á máli Jóns Hreggviðssonar. „En við viljum að sjálfsögðu halda því leyndu að svo stöddu hvort hann var sekur eða saklaus.“ Jón Hreggviðsson sem Halldór Laxness segir frá í Íslandsklukkunni er ein frægasta persóna íslenskra bókmennta svo þeir Kriðpleirsmenn, sem ásamt Friðgeiri eru Ragnar Ísleifur Bragason og Árni Vilhjálmsson, ráðast ekki á garðinn þar sem hann er lægstur. Hvernig unnu þeir verkið? „Við fórum á söguslóðir, vettvang glæpsins samkvæmt Laxness, og skoðuðum hann. Fundum staðinn þar sem við teljum langlíklegast að þetta hafi átt sér stað og rannsökuðum hann svona eins og í góðri glæpamynd,“ segir Friðgeir. „Vorum með myndatökuvélar með okkur og útgangspunkturinn í verkinu er kvikmyndagerðarmenn sem eru að búa til kvikmynd um glæpinn og líf Jóns Hreggviðssonar en ná ekki að klára hana. Leiksýningin er þeirra tilraun til að brúa bilið og fylla upp í eyðurnar í myndinni.“ Leiksýningin fer fram í bíói og stór hluti sýningarinnar er í formi kvikmyndarinnar sem persónurnar eru með í bígerð. Það var Janus Bragi Jakobsson sem sá um kvikmyndagerðina, leikmyndin er eftir Tinnu Ottesen en verkið eftir Bjarna Jónsson. Persónurnar eru þær sömu og í tveimur fyrri sýningum leikhópsins, hverjir eru það? „Þetta eru þrír karlar sem búa í hliðstæðum veruleika við okkar, þannig að þeirra líf þróast samhliða okkar lífi,“ útskýrir Friðgeir. „Þeir eru svolítið líkir okkur að því leyti að þeir eru alltaf að reyna að slá í gegn, verða hetjur og hasla sér völl með tilheyrandi vinsældum. Þeir sjá fram á að með því að leysa þetta fræga sakamál geti þeir loksins komist til virðingar bæði í fræða- og listasamfélaginu og orðið ríkir og frægir.“ Friðgeir hefur oftast skrifað verk sín sjálfur, hvernig kom Bjarni í spilið? „Bjarni kom að dramatúrgíu og textavinnu í báðum fyrri verkum okkar, Blokkinni og Tiny Guy. Hann er búinn að vera að vinna með þennan efnivið í nokkur ár og viða að sér föngum um Jón Hreggviðsson. Á einhverjum tímapunkti komst hann að þeirri niðurstöðu að það væri langbest að þessir kallar myndu koma sögunni til skila og við skulum segja að þeir hafi svo ríka réttlætiskennd að þeir hafi ólmir viljað taka þetta að sér.“ Sýningar fara fram í Bíói Paradís, er ekki erfitt að koma leiksýningu fyrir þar? „Við sýnum í sal tvö og höfum með okkur alls kyns dót til að laga bíóið að leikhúsinu enda fannst okkur Bíó Paradís hinn hárrétti vettvangur til að frumsýna þetta efni.“ Frumsýningin verður klukkan 20 í kvöld, önnur sýning á morgun klukkan 18 en sú sýning fer fram á ensku, og síðan hafa verið skipulagðar fjórar sýningar í viðbót tvær næstu helgar.
Menning Mest lesið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Sykursalur orðinn einn vinsælasti veislusalur Reykjavíkur Lífið samstarf Náði að sættast við bróður sinn fyrir andlátið Lífið Covidsmitaður Al Pacino var nær dauða en lífi Lífið „Það er önnur hver gella með í vörunum“ Lífið Dolly gefur 135 milljónir vegna Helenu Lífið „Ég var heppinn. En ekki hann“ Lífið Myndaveisla: Eliza Reid og Ásdís Spanó létu sig ekki vanta í Núllið Lífið Með húsaflutninga á heilanum Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira