Gyrðir og Nabokov vildu vera hjá Dimmu Friðrika Benónýsdóttir skrifar 24. október 2014 12:30 "Þetta er náttúrulega bara eins og að vera bóndi. Ég lít svo á að ég sé í ákveðinni ræktun,“ segir Aðalsteinn Ásberg Sigurðsson. Vísir/GVA Hugsunin á bak við þennan dag, sem við köllum Dimmudag, er að vekja athygli á því sem þetta litla forlag er að gera,“ segir Aðalsteinn Ásberg Sigurðsson, skáld og forleggjari, spurður upp á hvað gestum verði boðið í Sjóminjasafninu við Reykjavíkurhöfn milli klukkan 14 og 17 á morgun. „Ég safna saman mínu fólki, rithöfundum og tónlistarmönnum, og svo bara gerist eitthvað sem ekki er fyrirfram niðurneglt. Það verða tónlistaratriði og upplestur en þó einkum óvæntar uppákomur í þessu fallega kaffihúsi við höfnina.“ Fram koma auk Aðalsteins Árni Óskarsson, Gunnar Gunnarsson, Gyrðir Elíasson, Kristjana Stefánsdóttir, Magnús Sigurðsson, Sigurður Flosason og Svavar Knútur. Það er sem sagt stórskotalið sem þetta eins manns forlag gefur út bæði í bókum og á geisladiskum. Gyrðir og Nabokov hjá sama forlagi. „Þeir vildu bara endilega vera hjá mér, báðir tveir,“ segir Aðalsteinn og hlær. „Það þykir mér óskaplega gaman og líka að fá að standa að því að Lolita sé loksins komin út á íslensku í frábærri þýðingu Árna Óskarssonar.“ Dimma er orðin rúmlega tvítug sem forlag og Aðalsteinn hefur allan tímann staðið sjálfur í öllu sem útgáfuna snertir. Er þetta ekki eilífðarbarningur? „Þetta er náttúrulega bara eins og að vera bóndi. Ég lít svo á að ég sé í ákveðinni ræktun þar sem sumt gengur vel en annað gengur ekki alveg eins vel. Það getur orðið uppskerubrestur en ef maður hugsar vel um gróðurinn og hlúir að honum þá yfirleitt bjargast þetta nú. Auðvitað er stundum hart í ári, en þetta eru orðin rúmlega tuttugu ár og enn er ég uppistandandi. Þetta hefur alltaf verið tómstundagamanið mitt líka og stundum er dálítið slæmt þegar það er orðið að vinnunni manns, en yfir það heila er þetta bara óskaplega ánægjulegt.“ Aðgangur að Dimmudeginum er ókeypis og eru allir velkomnir, börn, aldraðir, ungt fólk og fullorðið, karlar, konur, gullfiskar og golþorskar, að því er fram kemur í tilkynningu um viðburðinn, færu ekki að renna á menn tvær grímur ef mikið af golþorskum mætti? „Ég er alltaf að hugsa um það að vera fjölskylduvænn og hafa eitthvað fyrir alla,“ segir Aðalsteinn. „Og varðandi golþorskana þá veit maður aldrei hvað gerist þarna niður við höfn, það kemur í ljós á laugardaginn.“ Menning Mest lesið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Covidsmitaður Al Pacino var nær dauða en lífi Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Með húsaflutninga á heilanum Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Hugsunin á bak við þennan dag, sem við köllum Dimmudag, er að vekja athygli á því sem þetta litla forlag er að gera,“ segir Aðalsteinn Ásberg Sigurðsson, skáld og forleggjari, spurður upp á hvað gestum verði boðið í Sjóminjasafninu við Reykjavíkurhöfn milli klukkan 14 og 17 á morgun. „Ég safna saman mínu fólki, rithöfundum og tónlistarmönnum, og svo bara gerist eitthvað sem ekki er fyrirfram niðurneglt. Það verða tónlistaratriði og upplestur en þó einkum óvæntar uppákomur í þessu fallega kaffihúsi við höfnina.“ Fram koma auk Aðalsteins Árni Óskarsson, Gunnar Gunnarsson, Gyrðir Elíasson, Kristjana Stefánsdóttir, Magnús Sigurðsson, Sigurður Flosason og Svavar Knútur. Það er sem sagt stórskotalið sem þetta eins manns forlag gefur út bæði í bókum og á geisladiskum. Gyrðir og Nabokov hjá sama forlagi. „Þeir vildu bara endilega vera hjá mér, báðir tveir,“ segir Aðalsteinn og hlær. „Það þykir mér óskaplega gaman og líka að fá að standa að því að Lolita sé loksins komin út á íslensku í frábærri þýðingu Árna Óskarssonar.“ Dimma er orðin rúmlega tvítug sem forlag og Aðalsteinn hefur allan tímann staðið sjálfur í öllu sem útgáfuna snertir. Er þetta ekki eilífðarbarningur? „Þetta er náttúrulega bara eins og að vera bóndi. Ég lít svo á að ég sé í ákveðinni ræktun þar sem sumt gengur vel en annað gengur ekki alveg eins vel. Það getur orðið uppskerubrestur en ef maður hugsar vel um gróðurinn og hlúir að honum þá yfirleitt bjargast þetta nú. Auðvitað er stundum hart í ári, en þetta eru orðin rúmlega tuttugu ár og enn er ég uppistandandi. Þetta hefur alltaf verið tómstundagamanið mitt líka og stundum er dálítið slæmt þegar það er orðið að vinnunni manns, en yfir það heila er þetta bara óskaplega ánægjulegt.“ Aðgangur að Dimmudeginum er ókeypis og eru allir velkomnir, börn, aldraðir, ungt fólk og fullorðið, karlar, konur, gullfiskar og golþorskar, að því er fram kemur í tilkynningu um viðburðinn, færu ekki að renna á menn tvær grímur ef mikið af golþorskum mætti? „Ég er alltaf að hugsa um það að vera fjölskylduvænn og hafa eitthvað fyrir alla,“ segir Aðalsteinn. „Og varðandi golþorskana þá veit maður aldrei hvað gerist þarna niður við höfn, það kemur í ljós á laugardaginn.“
Menning Mest lesið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Covidsmitaður Al Pacino var nær dauða en lífi Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Með húsaflutninga á heilanum Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira