Bókin er ástarbréf til sjö ára Guðna Friðrika Benónýsdóttir skrifar 17. október 2014 12:30 Guðni Líndal Benediktsson: „Ég áleit mig ekki eiga nokkra möguleika, en svo fékk ég þessar fréttir sem eru þær bestu sem ég hef fengið á þessu ári.“ Vísir/Stefán „Ég fékk fréttirnar af því að ég fengi verðlaunin í maí og fékk svona vægt hjartaáfall,“ segir Guðni Líndal Benediktsson sem í gær hlaut Íslensku barnabókaverðlaunin fyrir sögu sína Leitin að Blóðey. „Ég átti engan veginn von á þessu, sérstaklega þar sem svo margar bækur tóku þátt í þetta sinn, heil fimmtíu stykki. Ég áleit mig ekki eiga nokkra möguleika, en svo fékk ég þessar fréttir sem eru þær bestu sem ég hef fengið á þessu ári.“ Leitin að Blóðey er ævintýrabók þar sem afi segir barnabarni æsilega sögu sem hann fullyrðir að sé sönn. Höfðuðu ævintýrasögur mikið til þín þegar þú varst barn? „Já, þessi bók er eiginlega ástarbréf til sjö ára Guðna. Þetta er bókin sem ég hefði verið meira en til í að lesa sjálfur á þeim tíma. Það var ekkert of mikið úrval af svona sögum en ætli ég hafi ekki verið ellefu ára þegar ég lagði í Hringadrottinssögu fyrst og las hana til enda. Hún og Hobbitinn, ásamt Benjamín dúfu og fleiri bókum, voru mínar uppáhaldsbækur.“ Guðni segir Leitina að Blóðey að vissu leyti vera í anda Hringadrottinssögu, en þó sé einn stór munur á. „Húmorinn ræður töluvert meira ríkjum í minni bók. Þetta er meira svona tíu brandarar á blaðsíðu dæmi.“ Skriftirnar liggja í fjölskyldu Guðna því hann er bróðir Ævars Þórs, sem þekktur er sem Ævar vísindamaður, og ætla þeir bræður að fagna saman nýútkomnum bókum sínum, Leitinni að Blóðey og Þinni eigin þjóðsögu, í Eymundson í Kringlunni á laugardaginn. „Þess vegna hélt Ævar ekki útgáfuteiti þegar hans bók kom út, hann var að bíða eftir mér,“ segir Guðni. Það er hefð fyrir því að svona ævintýraheimar verði efni í margar bækur, er það planið hjá þér? „Ja, það væri mjög gaman að geta skrifað meira í þessari seríu og fengið fleiri ævintýri afa,“ segir Guðni. „Ég er langt kominn með að leggja það niður fyrir mér hvernig framhaldið verður ef þessi bók gengur vel. Það veltur allt á því hvernig hún leggst í fólk, en ég hef fulla trú á því að hún renni ágætlega. Hún er skemmtileg, spennandi, fyndin og við flestra hæfi,“ Leitin að Blóðey er fyrsta bók Guðna en hann er menntaður í kvikmyndagerð og hefur skrifað leikrit, smásögur og stuttmyndir, meðal annars hina rómuðu stuttmynd No homo sem valin besta íslenska stuttmyndin á Reykjavík Shorts & Docs Festival í fyrra og var sýnd á kvikmyndahátíðinni í Cannes.Er eitthvað á döfinni í þeim geira? „Já, ég hef mest einbeitt mér að handritaskrifum síðustu tvö ár og er með hin og þessi verkefni til skoðunar hjá kvikmyndasjóði. Tvö þeirra eru barnaverkefni, ein teiknimynd og önnur mynd upp úr íslensku barnaleikriti sem ég má ekki segja hvert er. Ef þær myndir geta orðið að veruleika væri það einstaklega skemmtilegt.“ Menning Mest lesið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Covidsmitaður Al Pacino var nær dauða en lífi Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Með húsaflutninga á heilanum Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Ég fékk fréttirnar af því að ég fengi verðlaunin í maí og fékk svona vægt hjartaáfall,“ segir Guðni Líndal Benediktsson sem í gær hlaut Íslensku barnabókaverðlaunin fyrir sögu sína Leitin að Blóðey. „Ég átti engan veginn von á þessu, sérstaklega þar sem svo margar bækur tóku þátt í þetta sinn, heil fimmtíu stykki. Ég áleit mig ekki eiga nokkra möguleika, en svo fékk ég þessar fréttir sem eru þær bestu sem ég hef fengið á þessu ári.“ Leitin að Blóðey er ævintýrabók þar sem afi segir barnabarni æsilega sögu sem hann fullyrðir að sé sönn. Höfðuðu ævintýrasögur mikið til þín þegar þú varst barn? „Já, þessi bók er eiginlega ástarbréf til sjö ára Guðna. Þetta er bókin sem ég hefði verið meira en til í að lesa sjálfur á þeim tíma. Það var ekkert of mikið úrval af svona sögum en ætli ég hafi ekki verið ellefu ára þegar ég lagði í Hringadrottinssögu fyrst og las hana til enda. Hún og Hobbitinn, ásamt Benjamín dúfu og fleiri bókum, voru mínar uppáhaldsbækur.“ Guðni segir Leitina að Blóðey að vissu leyti vera í anda Hringadrottinssögu, en þó sé einn stór munur á. „Húmorinn ræður töluvert meira ríkjum í minni bók. Þetta er meira svona tíu brandarar á blaðsíðu dæmi.“ Skriftirnar liggja í fjölskyldu Guðna því hann er bróðir Ævars Þórs, sem þekktur er sem Ævar vísindamaður, og ætla þeir bræður að fagna saman nýútkomnum bókum sínum, Leitinni að Blóðey og Þinni eigin þjóðsögu, í Eymundson í Kringlunni á laugardaginn. „Þess vegna hélt Ævar ekki útgáfuteiti þegar hans bók kom út, hann var að bíða eftir mér,“ segir Guðni. Það er hefð fyrir því að svona ævintýraheimar verði efni í margar bækur, er það planið hjá þér? „Ja, það væri mjög gaman að geta skrifað meira í þessari seríu og fengið fleiri ævintýri afa,“ segir Guðni. „Ég er langt kominn með að leggja það niður fyrir mér hvernig framhaldið verður ef þessi bók gengur vel. Það veltur allt á því hvernig hún leggst í fólk, en ég hef fulla trú á því að hún renni ágætlega. Hún er skemmtileg, spennandi, fyndin og við flestra hæfi,“ Leitin að Blóðey er fyrsta bók Guðna en hann er menntaður í kvikmyndagerð og hefur skrifað leikrit, smásögur og stuttmyndir, meðal annars hina rómuðu stuttmynd No homo sem valin besta íslenska stuttmyndin á Reykjavík Shorts & Docs Festival í fyrra og var sýnd á kvikmyndahátíðinni í Cannes.Er eitthvað á döfinni í þeim geira? „Já, ég hef mest einbeitt mér að handritaskrifum síðustu tvö ár og er með hin og þessi verkefni til skoðunar hjá kvikmyndasjóði. Tvö þeirra eru barnaverkefni, ein teiknimynd og önnur mynd upp úr íslensku barnaleikriti sem ég má ekki segja hvert er. Ef þær myndir geta orðið að veruleika væri það einstaklega skemmtilegt.“
Menning Mest lesið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Covidsmitaður Al Pacino var nær dauða en lífi Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið Með húsaflutninga á heilanum Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira