Tónlist múm kveikjan Friðrika Benónýsdóttir skrifar 18. september 2014 13:30 Í sýningunni leika leikarar barnaleikhússins Teatr Miniatura og er hún leikin á pólsku. „Teatr Miniatura er sjálfstætt barnaleikhús í Gdansk sem sýnir eingöngu barnasýningar,“ segir Erling Jóhannesson leikstjóri sýningar Teatr Miniatura á Bláa hnettinum eftir Andra Snæ Magnason sem sýnd verður í Tjarnarbíói og Samkomuhúsinu á Akureyri í dag og næstu daga. Þetta er fyrsta uppfærslan á Bláa hnettinum í Póllandi enda hefur saga verksins þar verið dálítið sérstök. „Bókin var þýdd á pólsku fljótlega eftir að hún kom út hér heima og handritið fékk ein virtustu barnabókmenntaverðlaun Póllands árið 1999,“ útskýrir Erling. „Handritinu var síðan bara stungið ofan í skúffu og kom ekki út fyrr en í vor og það var bara vegna þessarar sýningar. Það var því ekki velgengni bókarinnar sem varð til þess að sýningin fór á svið.“ Spurður hvernig samstarf hans við Teatr Miniatura hafi komið til segir Erling að það sé þannig í Póllandi að menn óttist stöðnun listgreina sem ekki stundi alþjóðlegt samstarf þannig að styrkveitingar til verkefna helgist af því að erlendir listamenn séu hluti af listrænu teymi þess. „Það þykir nefnilega víða í heiminum eftirsóknarvert að vinna með öðrum en sínum nánustu,“ segir hann sposkur. Það var reyndar tónlist múm sem varð þess valdandi að leikhúsið valdi Bláa hnöttinn til sýninga, en hljómsveitin nýtur mikilla vinsælda í Póllandi og þegar forkólfar sýningarinnar komust að því að hún hefði gert tónlist við barnaleikrit vaknaði áhugi á að skoða það. „Þá komust þeir að því að þetta leikrit hafði orðið sökksess út um allan heim og ákváðu að ráðast í að koma því á svið,“ segir Erling. Sýningin var unnin af alþjóðlegu listamannateymi og auk Erlings var múm hluti af ferlinu og samdi tónlistina mikið til upp á nýtt. Leikmyndin var hönnuð af Iza Toroniewicz, sem hefur hannað búninga og leikmynd við meira en hundrað sýningar, bæði í hefðbundnu leikhúsi sem og í brúðuleikhúsi. Í sýningunni leika leikarar barnaleikhússins Teatr Miniatura og er hún leikin á pólsku. Fimm sýningar verða á verkinu á Íslandi og hefst sú fyrsta þeirra í Tjarnarbíói klukkan 18 í dag, tvær sýningar verða á sama stað á morgun og tvær sýningar í Samkomuhúsinu á Akureyri um helgina. Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Gátu ekki talað saman fyrir syngjandi þjónum Lífið Fanney Dóra og Aron gáfu syninum nafn Lífið Bergrún Íris og Kolbrún keyptu í Hafnarfirði Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Teatr Miniatura er sjálfstætt barnaleikhús í Gdansk sem sýnir eingöngu barnasýningar,“ segir Erling Jóhannesson leikstjóri sýningar Teatr Miniatura á Bláa hnettinum eftir Andra Snæ Magnason sem sýnd verður í Tjarnarbíói og Samkomuhúsinu á Akureyri í dag og næstu daga. Þetta er fyrsta uppfærslan á Bláa hnettinum í Póllandi enda hefur saga verksins þar verið dálítið sérstök. „Bókin var þýdd á pólsku fljótlega eftir að hún kom út hér heima og handritið fékk ein virtustu barnabókmenntaverðlaun Póllands árið 1999,“ útskýrir Erling. „Handritinu var síðan bara stungið ofan í skúffu og kom ekki út fyrr en í vor og það var bara vegna þessarar sýningar. Það var því ekki velgengni bókarinnar sem varð til þess að sýningin fór á svið.“ Spurður hvernig samstarf hans við Teatr Miniatura hafi komið til segir Erling að það sé þannig í Póllandi að menn óttist stöðnun listgreina sem ekki stundi alþjóðlegt samstarf þannig að styrkveitingar til verkefna helgist af því að erlendir listamenn séu hluti af listrænu teymi þess. „Það þykir nefnilega víða í heiminum eftirsóknarvert að vinna með öðrum en sínum nánustu,“ segir hann sposkur. Það var reyndar tónlist múm sem varð þess valdandi að leikhúsið valdi Bláa hnöttinn til sýninga, en hljómsveitin nýtur mikilla vinsælda í Póllandi og þegar forkólfar sýningarinnar komust að því að hún hefði gert tónlist við barnaleikrit vaknaði áhugi á að skoða það. „Þá komust þeir að því að þetta leikrit hafði orðið sökksess út um allan heim og ákváðu að ráðast í að koma því á svið,“ segir Erling. Sýningin var unnin af alþjóðlegu listamannateymi og auk Erlings var múm hluti af ferlinu og samdi tónlistina mikið til upp á nýtt. Leikmyndin var hönnuð af Iza Toroniewicz, sem hefur hannað búninga og leikmynd við meira en hundrað sýningar, bæði í hefðbundnu leikhúsi sem og í brúðuleikhúsi. Í sýningunni leika leikarar barnaleikhússins Teatr Miniatura og er hún leikin á pólsku. Fimm sýningar verða á verkinu á Íslandi og hefst sú fyrsta þeirra í Tjarnarbíói klukkan 18 í dag, tvær sýningar verða á sama stað á morgun og tvær sýningar í Samkomuhúsinu á Akureyri um helgina.
Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Gátu ekki talað saman fyrir syngjandi þjónum Lífið Fanney Dóra og Aron gáfu syninum nafn Lífið Bergrún Íris og Kolbrún keyptu í Hafnarfirði Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira