Grafík hefur gengið í gegnum ýmis skeið Lilja Katrín Gunnarsdóttir skrifar 22. ágúst 2014 12:30 Soffía segir nóg um að vera þessa dagana en tekur lífinu létt enda nýtur hún starfsins í Grafíkfélaginu. vísir/vilhelm „Þetta er kröftugur félagsskapur. Fyrir fimm árum varð félagið fjörutíu ára og þá þrykktum við stéttina á Lækjartorgi með stórum valtara á refil. Það er spurning hvað við gerum eftir fimm ár. Við látum okkur detta eitthvað í hug. Það er ekkert ómögulegt,“ segir Soffía Sæmundsdóttir, formaður félagsins Íslensk grafík, sem einnig er kallað Grafíkfélagið. Félagið fagnar 45 ára afmæli sínu í ár og er nóg að gera hjá félagsmönnum enda mikið í gangi. Í tilefni af afmælinu verður opnuð sýning í Artóteki Borgarbókasafns á Menningarnótt klukkan 18. Þar verða listaverk eftir félagsmenn til sýnis og eru þau öll í stærðinni 30x30 sentímetrar. Heiðursfélagi á afmælisárinu er Björg Þorsteinsdóttir og verða þrjú verk til sýnis eftir hana. Þá tók félagið einnig á móti grafíklistamönnum úr Boston Printmakers Association í vikunni en þeir komu gagngert til landsins til að njóta menningar, samfagna íslenskum félögum sínum á tímamótunum og kynna grafíklistina. Enn fremur verður verkstæði Grafíkfélagsins í Hafnarhúsinu opið á Menningarnótt frá klukkan þrjú til átta. Soffía hlakkar til að opna verkstæði félagsins og vonast til að veita gestum innblástur. „Við erum boðberar þess að halda grafík á lofti. Hefðin í grafík er gömul og við viljum viðhalda henni. Við sýnum gamlar aðferðir og hvernig þær eru unnar en síðan erum við líka að þróa miðilinn og sýna aðrar leiðir. Þetta er mjög vakandi miðill og mjög spennandi að skoða hann. Þessi miðill átti sinn blómatíma á áttunda áratugnum og grafíkin hefur gengið í gegnum ýmis skeið sem er gaman að skoða. Mér persónulega finnst alltaf þessi aðferð að þrykkja og sambandið við pappírinn skemmtilegust,“ segir Soffía. Soffía er að sigla inn í sitt fjórða og síðasta ár sem formaður en Íslensk grafík kýs sér formann til fjögurra ára í senn. Henni líkar hlutverkið vel. „Þetta er mjög skemmtilegt. Ég er líka sjálf með vinnustofu og mála og sýni og þess háttar en grafíkin snýst mikið um samskipti. Við stöndum fyrir sýningum, undirbúum heimsóknir erlendra gesta og sýnum erlendis svo eitthvað sé nefnt. Ég er svolítið allt í öllu og finnst mér það afskaplega gefandi, sérstaklega á Menningarnótt og Safnanótt þegar við opnum dyrnar og bjóðum fólki að ganga í bæinn.“ En lumar hún á góðum ráðum fyrir næsta formann? „Maður þarf alltaf að horfa fram í tímann. Það er til dæmis búið að standa yfir lengi að fá Boston Printmakers Association til landsins og ég trúi því varla að listafólkið sé komið. Nú þarf strax að fara að hugsa hvað við ætlum að gera eftir tvö ár. Maður þarf alltaf að vera aðeins á undan. Og einnig taka sig hæfilega alvarlega. Í listinni á fólk oft til að taka sig alvarlega en það er líka mikilvægt að hafa svolítið gaman. Borða góðan mat, drekka gott kaffi og spjall er líka hluti af lífinu og listinni.“ Menning Mest lesið Eins og þruma úr heiðskíru lofti Lífið „Fólk í kringum þessa einstaklinga er á nálum“ Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Fanney Dóra og Aron gáfu syninum nafn Lífið Covidsmitaður Al Pacino var nær dauða en lífi Lífið Byltingarkennd nýjung fyrir blondínur frá JOHN FRIEDA Lífið samstarf „Það er önnur hver gella með í vörunum“ Lífið „Ég var heppinn. En ekki hann“ Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Þetta er kröftugur félagsskapur. Fyrir fimm árum varð félagið fjörutíu ára og þá þrykktum við stéttina á Lækjartorgi með stórum valtara á refil. Það er spurning hvað við gerum eftir fimm ár. Við látum okkur detta eitthvað í hug. Það er ekkert ómögulegt,“ segir Soffía Sæmundsdóttir, formaður félagsins Íslensk grafík, sem einnig er kallað Grafíkfélagið. Félagið fagnar 45 ára afmæli sínu í ár og er nóg að gera hjá félagsmönnum enda mikið í gangi. Í tilefni af afmælinu verður opnuð sýning í Artóteki Borgarbókasafns á Menningarnótt klukkan 18. Þar verða listaverk eftir félagsmenn til sýnis og eru þau öll í stærðinni 30x30 sentímetrar. Heiðursfélagi á afmælisárinu er Björg Þorsteinsdóttir og verða þrjú verk til sýnis eftir hana. Þá tók félagið einnig á móti grafíklistamönnum úr Boston Printmakers Association í vikunni en þeir komu gagngert til landsins til að njóta menningar, samfagna íslenskum félögum sínum á tímamótunum og kynna grafíklistina. Enn fremur verður verkstæði Grafíkfélagsins í Hafnarhúsinu opið á Menningarnótt frá klukkan þrjú til átta. Soffía hlakkar til að opna verkstæði félagsins og vonast til að veita gestum innblástur. „Við erum boðberar þess að halda grafík á lofti. Hefðin í grafík er gömul og við viljum viðhalda henni. Við sýnum gamlar aðferðir og hvernig þær eru unnar en síðan erum við líka að þróa miðilinn og sýna aðrar leiðir. Þetta er mjög vakandi miðill og mjög spennandi að skoða hann. Þessi miðill átti sinn blómatíma á áttunda áratugnum og grafíkin hefur gengið í gegnum ýmis skeið sem er gaman að skoða. Mér persónulega finnst alltaf þessi aðferð að þrykkja og sambandið við pappírinn skemmtilegust,“ segir Soffía. Soffía er að sigla inn í sitt fjórða og síðasta ár sem formaður en Íslensk grafík kýs sér formann til fjögurra ára í senn. Henni líkar hlutverkið vel. „Þetta er mjög skemmtilegt. Ég er líka sjálf með vinnustofu og mála og sýni og þess háttar en grafíkin snýst mikið um samskipti. Við stöndum fyrir sýningum, undirbúum heimsóknir erlendra gesta og sýnum erlendis svo eitthvað sé nefnt. Ég er svolítið allt í öllu og finnst mér það afskaplega gefandi, sérstaklega á Menningarnótt og Safnanótt þegar við opnum dyrnar og bjóðum fólki að ganga í bæinn.“ En lumar hún á góðum ráðum fyrir næsta formann? „Maður þarf alltaf að horfa fram í tímann. Það er til dæmis búið að standa yfir lengi að fá Boston Printmakers Association til landsins og ég trúi því varla að listafólkið sé komið. Nú þarf strax að fara að hugsa hvað við ætlum að gera eftir tvö ár. Maður þarf alltaf að vera aðeins á undan. Og einnig taka sig hæfilega alvarlega. Í listinni á fólk oft til að taka sig alvarlega en það er líka mikilvægt að hafa svolítið gaman. Borða góðan mat, drekka gott kaffi og spjall er líka hluti af lífinu og listinni.“
Menning Mest lesið Eins og þruma úr heiðskíru lofti Lífið „Fólk í kringum þessa einstaklinga er á nálum“ Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Fanney Dóra og Aron gáfu syninum nafn Lífið Covidsmitaður Al Pacino var nær dauða en lífi Lífið Byltingarkennd nýjung fyrir blondínur frá JOHN FRIEDA Lífið samstarf „Það er önnur hver gella með í vörunum“ Lífið „Ég var heppinn. En ekki hann“ Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira