Blái hnötturinn verðlaunaður Friðrika Benónýsdóttir skrifar 9. júlí 2014 11:30 Andri Snær Magnason: „Það er lúxusvandamál höfundar þegar sögur hans hafa svona langan hala.“ Vísir/Valli Höfundar frá Suður-Afríku og Kanada hafa fengið þessi verðlaun, en þeir skrifa auðvitað á ensku og þetta er í fyrsta sinn sem þýdd bók hlýtur þau,“ segir Andri Snær Magnason spurður hvort þetta sé ekki örugglega í fyrsta sinn sem erlendur höfundur hlýtur hin virtu UKLA-verðlaun sem bók hans Sagan af bláa hnettinum hlaut í síðustu viku. Þýðingin er eftir Júlían Meldon D'Arcy og Áslaug Jónsdóttir myndskreytti bókina. Verðlaunin eru veitt í nokkrum flokkum og hlaut Sagan af bláa hnettinum þau í flokki bóka fyrir sjö til ellefu ára börn. UKLA er skammstöfun fyrir The United Kingdom Literacy Association, bresk samtök sem leggja áherslu á læsi skólabarna. „Þau skilgreina læsi mjög víðtækt,“ segir Andri Snær. „Samtökin fagna einmitt fimmtíu ára afmæli í ár og ég er nýkominn heim af stórri ráðstefnu í Brighton í tilefni af því.“ Andri Snær segir hugmyndina að baki verðlaununum vera þá að vekja athygli á og hvetja kennara til að fylgjast með því besta sem sé að gerast í barnabókmenntum. „Rannsóknir sýna að ef kennarar eru vel með á nótunum og duglegir að kynna bækur fyrir börnunum þá ná þau betri árangri í námi.“ Spurður hvaða þýðingu verðlaunin hafi fyrir hann sem höfund segir Andri Snær að fyrst og fremst sé bara mjög skemmtilegt að hljóta þessa viðurkenningu. „Þetta er mikill heiður og ég er auðvitað mjög montinn. Mér finnst þetta líka skemmtilegt í ljósi þess hversu ótrúlega langan tíma það tók að koma bókinni út á ensku. Það eru fimmtán ár síðan hún kom fyrst út hér heima en það var ekki fyrr en á síðasta ári sem enska þýðingin leit dagsins ljós.“ Á ráðstefnunni í Brighton hitti Andri Snær kennara sem höfðu verið að lesa Söguna af bláa hnettinum með nemendum og segist hann hafa glaðst mest yfir umsögnum þeirra. „Það var með bestu viðbrögðum sem ég hef fengið síðan bókin kom út. Þeir sögðu krakkana hafa púað þegar átti að hætta að lesa og helst viljað lesa söguna allan daginn.“ Leikritið sem gert var eftir Sögunni af bláa hnettinum gerir líka víðreist; var sýnt bæði í Gdansk í Póllandi og borgarleikhúsinu í Álaborg í Danmörku í vor og verður sett upp í Chicago í Bandaríkjunum í febrúar á næsta ári. „Hún mallar alveg ótrúlega vel, þessi saga,“ segir Andri Snær. „Ég er búinn að fara í þrjár utanlandsferðir vegna hennar það sem af er þessu ári. Það er lúxusvandamál höfundar þegar sögur hans hafa svona langan hala.“ Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Höfundar frá Suður-Afríku og Kanada hafa fengið þessi verðlaun, en þeir skrifa auðvitað á ensku og þetta er í fyrsta sinn sem þýdd bók hlýtur þau,“ segir Andri Snær Magnason spurður hvort þetta sé ekki örugglega í fyrsta sinn sem erlendur höfundur hlýtur hin virtu UKLA-verðlaun sem bók hans Sagan af bláa hnettinum hlaut í síðustu viku. Þýðingin er eftir Júlían Meldon D'Arcy og Áslaug Jónsdóttir myndskreytti bókina. Verðlaunin eru veitt í nokkrum flokkum og hlaut Sagan af bláa hnettinum þau í flokki bóka fyrir sjö til ellefu ára börn. UKLA er skammstöfun fyrir The United Kingdom Literacy Association, bresk samtök sem leggja áherslu á læsi skólabarna. „Þau skilgreina læsi mjög víðtækt,“ segir Andri Snær. „Samtökin fagna einmitt fimmtíu ára afmæli í ár og ég er nýkominn heim af stórri ráðstefnu í Brighton í tilefni af því.“ Andri Snær segir hugmyndina að baki verðlaununum vera þá að vekja athygli á og hvetja kennara til að fylgjast með því besta sem sé að gerast í barnabókmenntum. „Rannsóknir sýna að ef kennarar eru vel með á nótunum og duglegir að kynna bækur fyrir börnunum þá ná þau betri árangri í námi.“ Spurður hvaða þýðingu verðlaunin hafi fyrir hann sem höfund segir Andri Snær að fyrst og fremst sé bara mjög skemmtilegt að hljóta þessa viðurkenningu. „Þetta er mikill heiður og ég er auðvitað mjög montinn. Mér finnst þetta líka skemmtilegt í ljósi þess hversu ótrúlega langan tíma það tók að koma bókinni út á ensku. Það eru fimmtán ár síðan hún kom fyrst út hér heima en það var ekki fyrr en á síðasta ári sem enska þýðingin leit dagsins ljós.“ Á ráðstefnunni í Brighton hitti Andri Snær kennara sem höfðu verið að lesa Söguna af bláa hnettinum með nemendum og segist hann hafa glaðst mest yfir umsögnum þeirra. „Það var með bestu viðbrögðum sem ég hef fengið síðan bókin kom út. Þeir sögðu krakkana hafa púað þegar átti að hætta að lesa og helst viljað lesa söguna allan daginn.“ Leikritið sem gert var eftir Sögunni af bláa hnettinum gerir líka víðreist; var sýnt bæði í Gdansk í Póllandi og borgarleikhúsinu í Álaborg í Danmörku í vor og verður sett upp í Chicago í Bandaríkjunum í febrúar á næsta ári. „Hún mallar alveg ótrúlega vel, þessi saga,“ segir Andri Snær. „Ég er búinn að fara í þrjár utanlandsferðir vegna hennar það sem af er þessu ári. Það er lúxusvandamál höfundar þegar sögur hans hafa svona langan hala.“
Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira