Sækir um öll störf auglýst í Reykjavík Ólöf Skaftadóttir skrifar 12. júní 2014 11:30 Liversidge býr og starfar í London en verk hans teygja anga sína í ótal ólíka miðla. Í dag klukkan fimm verður opnuð í i8 sýning á verkum Peters Liversidge. Þetta er fyrsta einkasýning hans í galleríinu, en hún stendur til 9. ágúst. Liversidge býr og starfar í London. „Verk hans eru tilraunakennd í eðli sínu og endurspegla kraft skapandi hugsunar,“ segir Anna Júlía Friðbjörnsdóttir, í galleríi i8. „Undanfarin sextán ár hefur Liversidge hafið öll verk sín með því að vélrita fyrirmæli fyrir einstök verk eða verkagrúppur. Verkin eru af mörgum toga og teygja anga sína í ótal miðla, þar á meðal í skúlptúra, málverk, ljósmyndir og innsetningar, auk ýmissa gjörninga. Fyrirmælin eru rituð á gamla ritvél og lýsa allt í senn vel framkvæmanlegum hugmyndum sem og öðrum huglægari og jafnvel ógerlegum. Listamaðurinn setur sér ákveðin tímamörk til að vinna fyrirmæli hverrar sýningar eða verkefnis – og gefur sig að tilteknu rými, staðsetningu eða samfélagi,“ útskýrir Anna Júlía. Fyrir sýningu sína í i8 hefur Peter ritað fyrirmæli að 24 verkum og gjörningum. „Meðal þeirra verka sem hafa kvikna til lífsins á sýningunni er ljósaskilti með orðunum „BEFORE/AFTER“, sem komið hefur verið fyrir utandyra; litlir bátar unnir úr rekaviði og öðrum reka úr fjörum Reykjavíkur og nágrennis og gríma sem er afsteypa af kalksteinum sem safnað var úr hvítu klettunum við Dover á Suður-Englandi, steypt úr marmarasalla og gipsi.“ Peter hefur oft notfært sér póstþjónustuna við gerð verka sinna og póstleggur þá hluti án þess að þeim sé pakkað sérstaklega inn heldur eru þeir frímerktir eins og þeir koma fyrir. Peter hefur unnið eitt slíkt póstverk fyrir sýninguna. „Sem dæmi um huglægari fyrirmæli að verkum er hugmynd að þriggja daga tónlistarhátíð undir listrænni stjórn listamannsins og annað sem segir: Ég legg það til að sækja um öll störf sem auglýst verða í Reykjavík í júní, júlí og ágúst 2014.“ Nokkur verkanna á sýningunni eru gerð sérstaklega með staðsetningu sýningarinnar í huga, svo sem Rules for Iceland. Þetta er textaverk sem tíundar sautján reglur sem listamaðurinn byggir á reglum og leiðbeiningum sem hann hefur safnað á ferðalögum sínum um heiminn. Verkið verður bæði sýnt sem veggspjald í yfirstærð í galleríinu auk þess verður því dreift í formi plakats vítt og breitt um landið og mun það einnig birtast í nokkrum dagblöðum, hverfa- og héraðsblöðum.Kórverk eftir Liversidge fyrir 30 manna kór verður flutt við sólarlag opnunarkvöldið klukkan 23.56 við Reykjavíkurhöfn gegnt i8. Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Gátu ekki talað saman fyrir syngjandi þjónum Lífið Fanney Dóra og Aron gáfu syninum nafn Lífið Bergrún Íris og Kolbrún keyptu í Hafnarfirði Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Í dag klukkan fimm verður opnuð í i8 sýning á verkum Peters Liversidge. Þetta er fyrsta einkasýning hans í galleríinu, en hún stendur til 9. ágúst. Liversidge býr og starfar í London. „Verk hans eru tilraunakennd í eðli sínu og endurspegla kraft skapandi hugsunar,“ segir Anna Júlía Friðbjörnsdóttir, í galleríi i8. „Undanfarin sextán ár hefur Liversidge hafið öll verk sín með því að vélrita fyrirmæli fyrir einstök verk eða verkagrúppur. Verkin eru af mörgum toga og teygja anga sína í ótal miðla, þar á meðal í skúlptúra, málverk, ljósmyndir og innsetningar, auk ýmissa gjörninga. Fyrirmælin eru rituð á gamla ritvél og lýsa allt í senn vel framkvæmanlegum hugmyndum sem og öðrum huglægari og jafnvel ógerlegum. Listamaðurinn setur sér ákveðin tímamörk til að vinna fyrirmæli hverrar sýningar eða verkefnis – og gefur sig að tilteknu rými, staðsetningu eða samfélagi,“ útskýrir Anna Júlía. Fyrir sýningu sína í i8 hefur Peter ritað fyrirmæli að 24 verkum og gjörningum. „Meðal þeirra verka sem hafa kvikna til lífsins á sýningunni er ljósaskilti með orðunum „BEFORE/AFTER“, sem komið hefur verið fyrir utandyra; litlir bátar unnir úr rekaviði og öðrum reka úr fjörum Reykjavíkur og nágrennis og gríma sem er afsteypa af kalksteinum sem safnað var úr hvítu klettunum við Dover á Suður-Englandi, steypt úr marmarasalla og gipsi.“ Peter hefur oft notfært sér póstþjónustuna við gerð verka sinna og póstleggur þá hluti án þess að þeim sé pakkað sérstaklega inn heldur eru þeir frímerktir eins og þeir koma fyrir. Peter hefur unnið eitt slíkt póstverk fyrir sýninguna. „Sem dæmi um huglægari fyrirmæli að verkum er hugmynd að þriggja daga tónlistarhátíð undir listrænni stjórn listamannsins og annað sem segir: Ég legg það til að sækja um öll störf sem auglýst verða í Reykjavík í júní, júlí og ágúst 2014.“ Nokkur verkanna á sýningunni eru gerð sérstaklega með staðsetningu sýningarinnar í huga, svo sem Rules for Iceland. Þetta er textaverk sem tíundar sautján reglur sem listamaðurinn byggir á reglum og leiðbeiningum sem hann hefur safnað á ferðalögum sínum um heiminn. Verkið verður bæði sýnt sem veggspjald í yfirstærð í galleríinu auk þess verður því dreift í formi plakats vítt og breitt um landið og mun það einnig birtast í nokkrum dagblöðum, hverfa- og héraðsblöðum.Kórverk eftir Liversidge fyrir 30 manna kór verður flutt við sólarlag opnunarkvöldið klukkan 23.56 við Reykjavíkurhöfn gegnt i8.
Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Sykursalur orðinn einn vinsælasti veislusalur Reykjavíkur Lífið samstarf Gátu ekki talað saman fyrir syngjandi þjónum Lífið Fanney Dóra og Aron gáfu syninum nafn Lífið Bergrún Íris og Kolbrún keyptu í Hafnarfirði Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira