Vangaveltur um hið smáa og stóra Friðrika Benónýsdóttir skrifar 11. júní 2014 13:00 Reykjavík Midsummer Music. "Í ár hverfist allt um þetta stóra og smáa og vangaveltur um það hvað er stórt og hvað smátt,“ segir Víkingur Heiðar. „Ég stofnaði þessa hátíð 2012 eftir að hafa hugsað um hana í mörg ár,“ segir Víkingur Heiðar Ólafsson píanóleikari um tónlistarhátíðina Reykjavík Midsummer Music sem hefst á föstudaginn. „Þegar Harpa var risin vissi ég að hún væri akkúrat rétti staðurinn til að laða kollega mína erlendis til landsins, enda vilja allir koma og spila á þessari hátíð sem ég leyfi mér að álykta að sé bæði vegna listræns metnaðar viðkomandi tónlistarmanns og löngunar til að koma til Íslands og spila í Hörpu. Það hefur reynst alveg ótrúlega auðvelt fyrir mig að fá frábæra listamenn til landsins til þess að gera eitthvað skemmtilegt.“ Þema hátíðarinnar í ár er Minimal-Maximal og eru hugleiðingar um hið stóra og hið smáa rauði þráðurinn í gegnum fjölbreytta dagskrá alls níu tónleika, þar sem saman kemur tón- og hljóðlist úr ýmsum áttum, frá strengjakvartettum til plötusnúða. „Mér er umhugað um að engin árgerð af hátíðinni líkist öðrum árgerðum hennar,“ segir Víkingur Heiðar. „Mér finnst gaman að reyna að finna óvæntar tengingar og búa til boga yfir þessa níu tónleika. Í ár hverfist allt um þetta stóra og smáa og vangaveltur um það hvað er stórt og hvað smátt.“ Á opnunartónleikunum á föstudaginn leikur Víkingur Goldberg-tilbrigði Bachs og auk þess sem japanska fiðlustjarnan Sayaka Shoji, sem leikur á Stradivariusfiðlu frá 1729, leikur Chaconnu Bachs. Síðan reka hverjir tónleikarnir aðra, þrennir á laugardag, þrennir á sunnudag og tvennir á mánudag, en Víkingur segir hápunktinn sennilega vera tónleika Mahler Chamber Orchestra og finnska fiðluleikarans Pekka Kuusisto í Eldborg á sunnudaginn. „Það eru rosaspennandi tónleikar, finnst mér,“ segir hann. „Þau eru með prógramm sem er mjög minimal/maximal þar sem Bach er teflt saman við bandarísku minimalistana John Adams og Steve Reich.“ Menningarhúsið Skúrinn tekur þátt í hátíðinni með sínum hætti, en honum hefur þegar verið komið fyrir við Hörpu. „Skúrinn er náttúrulega hjarta hátíðarinnar,“ segir Víkingur Heiðar. „Um leið og ég var búinn að ákveða þetta minimal/maximal þema þá kom ekkert annað til greina en að Skúrinn yrði æfingaaðstaða hátíðarinnar. Hann tekur sér mjög maximal stöðu við hliðina á Hörpu og varpar annars vegar ljósi á líf tónlistarmannsins; að vera 99 prósent af tímanum að æfa sig við spastískar aðstæður, og eitt prósent að spila í Hörpu eða einhverjum fínum sölum. Hins vegar er Skúrinn opinn æfingasalur með tveimur píanóum í misgóðu ástandi þar sem ég æfi mitt prógramm í eftirmiðdaginn – og fæ vonandi fleiri með mér þegar hátíðin hefst – svo fólk getur komið og fylgst með hátíðinni verða til. Mér finnst klassísk tónlist vera dálítið bundin af því að einblína á hina endanlegu útkomu, þessar níutíu mínútur á sviðinu á tónleikum, og mér finnst skemmtilegt að veita fólki pínu innsýn í ferlið. Það er svo margt í því sem hefur ekki mikið verið miðlað.“ Meðal erlendra listamanna hátíðarinnar í ár er ísraelski víóluleikarinn Amihai Grosz, sem er leiðari í Berlínar-Fílharmóníunni og meðal innlendra listamanna má nefna Sigrúnu Eðvaldsdóttur, Bryndísi Höllu Gylfadóttur, Davíð Þór Jónsson, Pétur Grétarsson, Ghostigital og Finnboga Pétursson. Hátíðinni lýkur svo með úrvinnslu þýska plötusnúðsins DJ Georg Konrad á efni hennar, þar sem hann nýtur liðsinnis einleikara úr Mahler Chamber Orchestra. Allar upplýsingar um dagskrá hátíðarinnar og listamennina sem fram koma er að finna á heimasíðu hátíðarinnar. Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Ég stofnaði þessa hátíð 2012 eftir að hafa hugsað um hana í mörg ár,“ segir Víkingur Heiðar Ólafsson píanóleikari um tónlistarhátíðina Reykjavík Midsummer Music sem hefst á föstudaginn. „Þegar Harpa var risin vissi ég að hún væri akkúrat rétti staðurinn til að laða kollega mína erlendis til landsins, enda vilja allir koma og spila á þessari hátíð sem ég leyfi mér að álykta að sé bæði vegna listræns metnaðar viðkomandi tónlistarmanns og löngunar til að koma til Íslands og spila í Hörpu. Það hefur reynst alveg ótrúlega auðvelt fyrir mig að fá frábæra listamenn til landsins til þess að gera eitthvað skemmtilegt.“ Þema hátíðarinnar í ár er Minimal-Maximal og eru hugleiðingar um hið stóra og hið smáa rauði þráðurinn í gegnum fjölbreytta dagskrá alls níu tónleika, þar sem saman kemur tón- og hljóðlist úr ýmsum áttum, frá strengjakvartettum til plötusnúða. „Mér er umhugað um að engin árgerð af hátíðinni líkist öðrum árgerðum hennar,“ segir Víkingur Heiðar. „Mér finnst gaman að reyna að finna óvæntar tengingar og búa til boga yfir þessa níu tónleika. Í ár hverfist allt um þetta stóra og smáa og vangaveltur um það hvað er stórt og hvað smátt.“ Á opnunartónleikunum á föstudaginn leikur Víkingur Goldberg-tilbrigði Bachs og auk þess sem japanska fiðlustjarnan Sayaka Shoji, sem leikur á Stradivariusfiðlu frá 1729, leikur Chaconnu Bachs. Síðan reka hverjir tónleikarnir aðra, þrennir á laugardag, þrennir á sunnudag og tvennir á mánudag, en Víkingur segir hápunktinn sennilega vera tónleika Mahler Chamber Orchestra og finnska fiðluleikarans Pekka Kuusisto í Eldborg á sunnudaginn. „Það eru rosaspennandi tónleikar, finnst mér,“ segir hann. „Þau eru með prógramm sem er mjög minimal/maximal þar sem Bach er teflt saman við bandarísku minimalistana John Adams og Steve Reich.“ Menningarhúsið Skúrinn tekur þátt í hátíðinni með sínum hætti, en honum hefur þegar verið komið fyrir við Hörpu. „Skúrinn er náttúrulega hjarta hátíðarinnar,“ segir Víkingur Heiðar. „Um leið og ég var búinn að ákveða þetta minimal/maximal þema þá kom ekkert annað til greina en að Skúrinn yrði æfingaaðstaða hátíðarinnar. Hann tekur sér mjög maximal stöðu við hliðina á Hörpu og varpar annars vegar ljósi á líf tónlistarmannsins; að vera 99 prósent af tímanum að æfa sig við spastískar aðstæður, og eitt prósent að spila í Hörpu eða einhverjum fínum sölum. Hins vegar er Skúrinn opinn æfingasalur með tveimur píanóum í misgóðu ástandi þar sem ég æfi mitt prógramm í eftirmiðdaginn – og fæ vonandi fleiri með mér þegar hátíðin hefst – svo fólk getur komið og fylgst með hátíðinni verða til. Mér finnst klassísk tónlist vera dálítið bundin af því að einblína á hina endanlegu útkomu, þessar níutíu mínútur á sviðinu á tónleikum, og mér finnst skemmtilegt að veita fólki pínu innsýn í ferlið. Það er svo margt í því sem hefur ekki mikið verið miðlað.“ Meðal erlendra listamanna hátíðarinnar í ár er ísraelski víóluleikarinn Amihai Grosz, sem er leiðari í Berlínar-Fílharmóníunni og meðal innlendra listamanna má nefna Sigrúnu Eðvaldsdóttur, Bryndísi Höllu Gylfadóttur, Davíð Þór Jónsson, Pétur Grétarsson, Ghostigital og Finnboga Pétursson. Hátíðinni lýkur svo með úrvinnslu þýska plötusnúðsins DJ Georg Konrad á efni hennar, þar sem hann nýtur liðsinnis einleikara úr Mahler Chamber Orchestra. Allar upplýsingar um dagskrá hátíðarinnar og listamennina sem fram koma er að finna á heimasíðu hátíðarinnar.
Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira