Steinninn hefur margs konar vísanir Gunnþóra Gunnarsdóttir skrifar 28. febrúar 2014 14:00 "Þetta er stór sýning og að líma hana saman er mjög flókið,“ segir Gretar Reynisson myndlistarmaður um uppsetninguna á óperunni Ragnheiði. Fréttablaðið/Pjetur „Hvern ætlið þið að hitta?“ spyr Björgvin Ploder tæknimaður er hann hittir okkur Pjetur ljósmyndara baksviðs í Hörpunni. Þegar við nefnum Gretar Reynisson myndlistarmann upplýsir hann að Gretar sé uppáhalds leikmyndahöfundurinn hans, því hann leggi sig fram við að nota lítið af dóti. Þetta skiljum við Pjetur ljósmyndari þegar Gretar leiðir okkur inn á sviðið. Það fyrsta sem fangar augað er einn steinn. Og ég sem hafði beðið Pjetur að taka eina mynd af Gretari og svo nokkrar af smáatriðum leikmyndarinnar. Einföld form frekar en skraut „Ég er mínimalískur og nota einföld form frekar en skraut. Ég bý líka til virkni og hjálpa sögunni áfram með einföldun hlutum sem færast til og búa til nýjar og nýjar stemningar. Gleymið því ekki að svo koma búningar með silki, gull og blúndur inn í þetta umhverfi og þrjátíu manna kór kemur nokkrum sinnum inn með kerti,“ segir Gretar þegar hann sér undrunarvipinn á okkur. Síðan útskýrir hann aðstæðurnar. „Eldborgin er mjög stór en hér er enginn sviðsrammi, enginn turn til að hífa hluti upp og niður, engin hliðarsvið og engar geymslur á bak við. Það er ekkert pláss fyrir stórar og miklar leikmyndir. Þær komast ekki fyrir. Maður verður bara að búa til eina mynd og nýta hana á sem fjölbreyttastan máta.“ Miðja sviðsins er hallandi og á bak við rísa tveir flekar. „Þessir flekar færast til á 27 vegu. Þeir eru á hjólum og það er hægt að færa þá til. Svo koma ljós, skuggar og vídeó inn í og skapa umgjörð um framvindu sögunnar,“ lýsir Gretar. Þegar sýningin hefst annað kvöld mun fífilbrekka í Skálholti blasa við gestum. Ragnheiður biskupsdóttir slítur upp fífil og sest með hann í Þorlákssæti, klett í túninu. Það er steinninn. „Með þessum steini vildi ég búa til náttúruelement en steinninn hefur margs konar vísanir, meðal annars í steinhjarta Brynjólfs biskups og legstein,“ segir Gretar. Hann segir fjölmargar senur í óperunni, bæði útisenur og innisenur, enda berist leikurinn frá Skálholti til Bræðratungu og allt til Kaupmannahafnar.Elmar Gilbertsson og Þóra Einarsdóttir í hlutverkum sínum sem Daði og Ragnheiður. Þetta er langt ferli Gretar er þrælvanur leikmyndahöfundur og setti meðal annars upp leikmynd fyrir óperuna Il Trovatore í Eldborg. Hann byrjaði hugmyndavinnu sína fyrir þetta verkefni í september ásamt Stefáni Baldurssyni óperustjóra og leikstjóra þessarar sýningar. Hann kveðst gera teikningar og módel heima og sýnir okkur möppu með blýantsteikningum og hárfínni skrift – allt í dálkum og köflum – sannkallað listaverk. „Ég teikna og teikna, útbý módel sem ég er með ljós í og nota fígúrur sem eru í kvarða. Svo teikna ég upp allar senur og skrái skiptingar. Í desember lauk ég við hugmyndavinnuna, í janúar var smíðað, síðan kom leikmyndin í hús. Þetta er langt ferli,“ segir hann sannfærandi. Stefán leikstjóri á leið um sviðið og leggur orð í belg. „Hann er snillingur hann Gretar, hvernig hann leysir hluti. Þetta hús er náttúrulega ekki leikhús og hér er enginn tæknibúnaður eða neitt. En það þarf að sjá til þess að allt heyrist vel og þess vegna býr Gretar til nokkurs konar lúður úr flekunum, umgjörðin er á ferð og flugi en alltaf sjónrænt flott.“ Gretar brosir og fræðir okkur um að daginn áður hafi hljómsveitarstjórinn, Petri Sakari, farið út í sal og gert hljóðprufu. Hann hafi verið stórhrifinn. „Þau orð voru látin falla að leikmyndin ætti að vera staðalbúnaður fyrir óperur í Eldborginni því hún varpaði söngnum svo vel. Það er mikið hrós og að fá það frá svona virtum stjórnanda er dýrmætt,“ segir Gretar. Fyllist lotningu Þótt leikmyndin sé einföld blandast mér ekki hugur um að hún sé listaverk. Gretar samsinnir því en segir það listaverk ekki geta staðið eitt og sér, heldur fullkomnist það með leikurum, söngvurum og sögunni. „Þetta er stór sýning með miklar tilfærslur og að líma hana saman er mjög flókið. En það er gaman,“ segir hann brosandi og bætir við. „Það er líka heiður að vinna með öllum þessum listamönnum að nýrri óperu um þetta rammíslenska efni. Þetta er ein frægasta ástarsaga Íslandssögunnar. Hún hefur allt, heilagleika, grimmd og ást. Það er svo margt sem kemur saman í henni að maður fyllist lotningu.“ Þetta er langt ferli Gretar er þrælvanur leikmyndahöfundur og setti meðal annars upp leikmynd fyrir óperuna Il Trovatore í Eldborg. Hann byrjaði hugmyndavinnu sína fyrir þetta verkefni í september ásamt Stefáni Baldurssyni óperustjóra og leikstjóra þessarar sýningar. Hann kveðst gera teikningar og módel heima og sýnir okkur möppu með blýantsteikningum og hárfínni skrift – allt í dálkum og köflum – sannkallað listaverk. „Ég teikna og teikna, útbý módel sem ég er með ljós í og nota fígúrur sem eru í kvarða. Svo teikna ég upp allar senur og skrái skiptingar. Í desember lauk ég við hugmyndavinnuna, í janúar var smíðað, síðan kom leikmyndin í hús. Þetta er langt ferli,“ segir hann sannfærandi. Stefán leikstjóri á leið um sviðið og leggur orð í belg. „Hann er snillingur hann Gretar, hvernig hann leysir hluti. Þetta hús er náttúrulega ekki leikhús og hér er enginn tæknibúnaður eða neitt. En það þarf að sjá til þess að allt heyrist vel og þess vegna býr Gretar til nokkurs konar lúður úr flekunum, umgjörðin er á ferð og flugi en alltaf sjónrænt flott.“ Gretar brosir og fræðir okkur um að daginn áður hafi hljómsveitarstjórinn, Petri Sakari, farið út í sal og gert hljóðprufu. Hann hafi verið stórhrifinn. „Þau orð voru látin falla að leikmyndin ætti að vera staðalbúnaður fyrir óperur í Eldborginni því hún varpaði söngnum svo vel. Það er mikið hrós og að fá það frá svona virtum stjórnanda er dýrmætt,“ segir Gretar. Fyllist lotningu Þótt leikmyndin sé einföld blandast mér ekki hugur um að hún sé listaverk. Gretar samsinnir því en segir það listaverk ekki geta staðið eitt og sér, heldur fullkomnist það með leikurum, söngvurum og sögunni. „Þetta er stór sýning með miklar tilfærslur og að líma hana saman er mjög flókið. En það er gaman,“ segir hann brosandi og bætir við. „Það er líka heiður að vinna með öllum þessum listamönnum að nýrri óperu um þetta rammíslenska efni. Þetta er ein frægasta ástarsaga Íslandssögunnar. Hún hefur allt, heilagleika, grimmd og ást. Það er svo margt sem kemur saman í henni að maður fyllist lotningu.“Óperan Ragnheiður fjallar um Ragnheiði Brynjólfsdóttur, biskupsdóttur í Skálholti á 17. öld, ástarsamband hennar við lærimeistara sinn, Daða Halldórsson, og fordæmingu föður hennar, Brynjólfs biskups Sveinssonar, á því sambandi. Aðalleikarar Þóra Einarsdóttir, Elmar Gilbertsson og Viðar Gunnarsson. Leikstjóri Stefán Baldursson Hljómsveitarstjóri Petri Sakari Aðstoðarhljómsveitarstjóri Guðmundur Óli Gunnarsson Höfundur tónlistar Gunnar Þórðarson Höfundur texta Friðrik Erlingsson Danshöfundur Ingibjörg Björnsdóttir Lýsing Páll Ragnarsson Búningar Þórunn S. Þorgrímsdóttir Leikmynd: Gretar Reynisson Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
"Þetta er stór sýning og að líma hana saman er mjög flókið,“ segir Gretar Reynisson myndlistarmaður um uppsetninguna á óperunni Ragnheiði. Fréttablaðið/Pjetur „Hvern ætlið þið að hitta?“ spyr Björgvin Ploder tæknimaður er hann hittir okkur Pjetur ljósmyndara baksviðs í Hörpunni. Þegar við nefnum Gretar Reynisson myndlistarmann upplýsir hann að Gretar sé uppáhalds leikmyndahöfundurinn hans, því hann leggi sig fram við að nota lítið af dóti. Þetta skiljum við Pjetur ljósmyndari þegar Gretar leiðir okkur inn á sviðið. Það fyrsta sem fangar augað er einn steinn. Og ég sem hafði beðið Pjetur að taka eina mynd af Gretari og svo nokkrar af smáatriðum leikmyndarinnar. Einföld form frekar en skraut „Ég er mínimalískur og nota einföld form frekar en skraut. Ég bý líka til virkni og hjálpa sögunni áfram með einföldun hlutum sem færast til og búa til nýjar og nýjar stemningar. Gleymið því ekki að svo koma búningar með silki, gull og blúndur inn í þetta umhverfi og þrjátíu manna kór kemur nokkrum sinnum inn með kerti,“ segir Gretar þegar hann sér undrunarvipinn á okkur. Síðan útskýrir hann aðstæðurnar. „Eldborgin er mjög stór en hér er enginn sviðsrammi, enginn turn til að hífa hluti upp og niður, engin hliðarsvið og engar geymslur á bak við. Það er ekkert pláss fyrir stórar og miklar leikmyndir. Þær komast ekki fyrir. Maður verður bara að búa til eina mynd og nýta hana á sem fjölbreyttastan máta.“ Miðja sviðsins er hallandi og á bak við rísa tveir flekar. „Þessir flekar færast til á 27 vegu. Þeir eru á hjólum og það er hægt að færa þá til. Svo koma ljós, skuggar og vídeó inn í og skapa umgjörð um framvindu sögunnar,“ lýsir Gretar. Þegar sýningin hefst annað kvöld mun fífilbrekka í Skálholti blasa við gestum. Ragnheiður biskupsdóttir slítur upp fífil og sest með hann í Þorlákssæti, klett í túninu. Það er steinninn. „Með þessum steini vildi ég búa til náttúruelement en steinninn hefur margs konar vísanir, meðal annars í steinhjarta Brynjólfs biskups og legstein,“ segir Gretar. Hann segir fjölmargar senur í óperunni, bæði útisenur og innisenur, enda berist leikurinn frá Skálholti til Bræðratungu og allt til Kaupmannahafnar.Elmar Gilbertsson og Þóra Einarsdóttir í hlutverkum sínum sem Daði og Ragnheiður. Þetta er langt ferli Gretar er þrælvanur leikmyndahöfundur og setti meðal annars upp leikmynd fyrir óperuna Il Trovatore í Eldborg. Hann byrjaði hugmyndavinnu sína fyrir þetta verkefni í september ásamt Stefáni Baldurssyni óperustjóra og leikstjóra þessarar sýningar. Hann kveðst gera teikningar og módel heima og sýnir okkur möppu með blýantsteikningum og hárfínni skrift – allt í dálkum og köflum – sannkallað listaverk. „Ég teikna og teikna, útbý módel sem ég er með ljós í og nota fígúrur sem eru í kvarða. Svo teikna ég upp allar senur og skrái skiptingar. Í desember lauk ég við hugmyndavinnuna, í janúar var smíðað, síðan kom leikmyndin í hús. Þetta er langt ferli,“ segir hann sannfærandi. Stefán leikstjóri á leið um sviðið og leggur orð í belg. „Hann er snillingur hann Gretar, hvernig hann leysir hluti. Þetta hús er náttúrulega ekki leikhús og hér er enginn tæknibúnaður eða neitt. En það þarf að sjá til þess að allt heyrist vel og þess vegna býr Gretar til nokkurs konar lúður úr flekunum, umgjörðin er á ferð og flugi en alltaf sjónrænt flott.“ Gretar brosir og fræðir okkur um að daginn áður hafi hljómsveitarstjórinn, Petri Sakari, farið út í sal og gert hljóðprufu. Hann hafi verið stórhrifinn. „Þau orð voru látin falla að leikmyndin ætti að vera staðalbúnaður fyrir óperur í Eldborginni því hún varpaði söngnum svo vel. Það er mikið hrós og að fá það frá svona virtum stjórnanda er dýrmætt,“ segir Gretar. Fyllist lotningu Þótt leikmyndin sé einföld blandast mér ekki hugur um að hún sé listaverk. Gretar samsinnir því en segir það listaverk ekki geta staðið eitt og sér, heldur fullkomnist það með leikurum, söngvurum og sögunni. „Þetta er stór sýning með miklar tilfærslur og að líma hana saman er mjög flókið. En það er gaman,“ segir hann brosandi og bætir við. „Það er líka heiður að vinna með öllum þessum listamönnum að nýrri óperu um þetta rammíslenska efni. Þetta er ein frægasta ástarsaga Íslandssögunnar. Hún hefur allt, heilagleika, grimmd og ást. Það er svo margt sem kemur saman í henni að maður fyllist lotningu.“ Þetta er langt ferli Gretar er þrælvanur leikmyndahöfundur og setti meðal annars upp leikmynd fyrir óperuna Il Trovatore í Eldborg. Hann byrjaði hugmyndavinnu sína fyrir þetta verkefni í september ásamt Stefáni Baldurssyni óperustjóra og leikstjóra þessarar sýningar. Hann kveðst gera teikningar og módel heima og sýnir okkur möppu með blýantsteikningum og hárfínni skrift – allt í dálkum og köflum – sannkallað listaverk. „Ég teikna og teikna, útbý módel sem ég er með ljós í og nota fígúrur sem eru í kvarða. Svo teikna ég upp allar senur og skrái skiptingar. Í desember lauk ég við hugmyndavinnuna, í janúar var smíðað, síðan kom leikmyndin í hús. Þetta er langt ferli,“ segir hann sannfærandi. Stefán leikstjóri á leið um sviðið og leggur orð í belg. „Hann er snillingur hann Gretar, hvernig hann leysir hluti. Þetta hús er náttúrulega ekki leikhús og hér er enginn tæknibúnaður eða neitt. En það þarf að sjá til þess að allt heyrist vel og þess vegna býr Gretar til nokkurs konar lúður úr flekunum, umgjörðin er á ferð og flugi en alltaf sjónrænt flott.“ Gretar brosir og fræðir okkur um að daginn áður hafi hljómsveitarstjórinn, Petri Sakari, farið út í sal og gert hljóðprufu. Hann hafi verið stórhrifinn. „Þau orð voru látin falla að leikmyndin ætti að vera staðalbúnaður fyrir óperur í Eldborginni því hún varpaði söngnum svo vel. Það er mikið hrós og að fá það frá svona virtum stjórnanda er dýrmætt,“ segir Gretar. Fyllist lotningu Þótt leikmyndin sé einföld blandast mér ekki hugur um að hún sé listaverk. Gretar samsinnir því en segir það listaverk ekki geta staðið eitt og sér, heldur fullkomnist það með leikurum, söngvurum og sögunni. „Þetta er stór sýning með miklar tilfærslur og að líma hana saman er mjög flókið. En það er gaman,“ segir hann brosandi og bætir við. „Það er líka heiður að vinna með öllum þessum listamönnum að nýrri óperu um þetta rammíslenska efni. Þetta er ein frægasta ástarsaga Íslandssögunnar. Hún hefur allt, heilagleika, grimmd og ást. Það er svo margt sem kemur saman í henni að maður fyllist lotningu.“Óperan Ragnheiður fjallar um Ragnheiði Brynjólfsdóttur, biskupsdóttur í Skálholti á 17. öld, ástarsamband hennar við lærimeistara sinn, Daða Halldórsson, og fordæmingu föður hennar, Brynjólfs biskups Sveinssonar, á því sambandi. Aðalleikarar Þóra Einarsdóttir, Elmar Gilbertsson og Viðar Gunnarsson. Leikstjóri Stefán Baldursson Hljómsveitarstjóri Petri Sakari Aðstoðarhljómsveitarstjóri Guðmundur Óli Gunnarsson Höfundur tónlistar Gunnar Þórðarson Höfundur texta Friðrik Erlingsson Danshöfundur Ingibjörg Björnsdóttir Lýsing Páll Ragnarsson Búningar Þórunn S. Þorgrímsdóttir Leikmynd: Gretar Reynisson
Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira