Búinn að bíða lengi eftir þessum degi Gunnþóra Gunnarsdóttir skrifar 16. janúar 2014 16:00 Þau spila með Sinfóníunni í kvöld undir stjórn Bernharðs Wilkinsonar; Sölvi, Baldvin, Rannveig og Björg. Fréttablaðið/GVA Einleikarar kvöldsins með Sinfóníunni eiga það sameiginlegt að vera í tónlistarnámi og hafa verið valdir gegnum einleikarakeppni sem Listaháskólinn og Sinfóníuhljómsveit Íslands stóðu fyrir. Þetta eru Baldvin I. Tryggvason sem spilar á klarinettu, Björg Brjánsdóttir á flautu, Rannveig Marta Sarc á fiðlu og Sölvi Kolbeinsson á saxófón. „Ég er búinn að bíða lengi eftir þessum degi,“ segir Sölvi sem þó er bara 17 ára. Hann er nemandi bæði í Tónlistarskólanum í Reykjavík og MH. Í kvöld ætlar hann að spila konsert fyrir alt-saxófón og strengjahljómsveit eftir Alexander Glazunov, stykki sem hann spilaði fyrst fyrir nokkrum misserum og æfði upp aftur fyrir einleikarakeppnina. Spurður hvort hann sé í músík líka í MH svarar hann: „Ég fæ metið þar það sem ég geri í Tónlistarskólanum og svo spila ég í húsbandinu.“ „Þetta verður örugglega góð reynsla og skemmtileg,“ segir Marta sem tekst á við fiðlukonsert eftir J. Sibelius í kvöld. Hún nemur líka við Tónlistarskólann í Reykjavík og ætlar að útskrifast í vor, bæði þaðan og frá MH. Svo hyggst hún drífa sig til Bandaríkjanna í frekara tónlistarnám og býst við að fara þangað í prufuspil í vor. Eins og Sölvi hefur Marta komið fram á jólatónleikum Sinfóníunnar. „En þetta er alvöru verk og mun meira krefjandi,“ segir hún. Baldvin segir kvöldið leggjast vel í sig. „Þetta verður bara fjör,“ segir hann. Baldvin er á þriðja og síðasta ári í Listaháskólanum og útskrifast í maí, eftir það stefnir hann út fyrir landsteinana til náms. Skyldi hann vera vanur að spila með stórri hljómsveit? „Ekki einleik, nei, það hef ég aldrei gert áður,“ svarar Baldvin sem ætlar að spila klarínettukonsert eftir Aaron Copland í kvöld. „Ég er búinn að spila þetta stykki í um það bil ár og ætti að kunna það ágætlega,“ segir hann. Björg ætlar að leika konsert fyrir flautu og hljómsveit eftir Carl Nielsen. Hún kemur frá útlöndum gagngert til að spila í kvöld því hún er nemandi á öðru ári við Tónlistarháskóla Noregs í Ósló. Samhliða því lærir hún líkamstækni fyrir tónlistarmenn sem hún er fullviss um að eigi eftir að nýtast henni vel. „Þetta er kennaranám sem ég er hálfnuð með og er að fara í æfingakennslu núna í janúar.“ Björg spilaði með sinfóníunni tíu ára á jólatónleikum. „Það var í Háskólabíói en það er allt annað að vera í Hörpunni,“ segir hún og kveðst vona innilega að einhverjir mæti í kvöld, hvernig sem handboltinn fari. Menning Mest lesið Skilnaður handan við hornið hjá Kanye og Biöncu Lífið Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Kúltúrkettir landsins létu sig ekki vanta í Portið Menning Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Fylgst með tímaskeiði í lífi konu sem greinist með krabbamein Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Einleikarar kvöldsins með Sinfóníunni eiga það sameiginlegt að vera í tónlistarnámi og hafa verið valdir gegnum einleikarakeppni sem Listaháskólinn og Sinfóníuhljómsveit Íslands stóðu fyrir. Þetta eru Baldvin I. Tryggvason sem spilar á klarinettu, Björg Brjánsdóttir á flautu, Rannveig Marta Sarc á fiðlu og Sölvi Kolbeinsson á saxófón. „Ég er búinn að bíða lengi eftir þessum degi,“ segir Sölvi sem þó er bara 17 ára. Hann er nemandi bæði í Tónlistarskólanum í Reykjavík og MH. Í kvöld ætlar hann að spila konsert fyrir alt-saxófón og strengjahljómsveit eftir Alexander Glazunov, stykki sem hann spilaði fyrst fyrir nokkrum misserum og æfði upp aftur fyrir einleikarakeppnina. Spurður hvort hann sé í músík líka í MH svarar hann: „Ég fæ metið þar það sem ég geri í Tónlistarskólanum og svo spila ég í húsbandinu.“ „Þetta verður örugglega góð reynsla og skemmtileg,“ segir Marta sem tekst á við fiðlukonsert eftir J. Sibelius í kvöld. Hún nemur líka við Tónlistarskólann í Reykjavík og ætlar að útskrifast í vor, bæði þaðan og frá MH. Svo hyggst hún drífa sig til Bandaríkjanna í frekara tónlistarnám og býst við að fara þangað í prufuspil í vor. Eins og Sölvi hefur Marta komið fram á jólatónleikum Sinfóníunnar. „En þetta er alvöru verk og mun meira krefjandi,“ segir hún. Baldvin segir kvöldið leggjast vel í sig. „Þetta verður bara fjör,“ segir hann. Baldvin er á þriðja og síðasta ári í Listaháskólanum og útskrifast í maí, eftir það stefnir hann út fyrir landsteinana til náms. Skyldi hann vera vanur að spila með stórri hljómsveit? „Ekki einleik, nei, það hef ég aldrei gert áður,“ svarar Baldvin sem ætlar að spila klarínettukonsert eftir Aaron Copland í kvöld. „Ég er búinn að spila þetta stykki í um það bil ár og ætti að kunna það ágætlega,“ segir hann. Björg ætlar að leika konsert fyrir flautu og hljómsveit eftir Carl Nielsen. Hún kemur frá útlöndum gagngert til að spila í kvöld því hún er nemandi á öðru ári við Tónlistarháskóla Noregs í Ósló. Samhliða því lærir hún líkamstækni fyrir tónlistarmenn sem hún er fullviss um að eigi eftir að nýtast henni vel. „Þetta er kennaranám sem ég er hálfnuð með og er að fara í æfingakennslu núna í janúar.“ Björg spilaði með sinfóníunni tíu ára á jólatónleikum. „Það var í Háskólabíói en það er allt annað að vera í Hörpunni,“ segir hún og kveðst vona innilega að einhverjir mæti í kvöld, hvernig sem handboltinn fari.
Menning Mest lesið Skilnaður handan við hornið hjá Kanye og Biöncu Lífið Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Kúltúrkettir landsins létu sig ekki vanta í Portið Menning Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Fylgst með tímaskeiði í lífi konu sem greinist með krabbamein Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira