Umfjöllun, viðtöl og myndir: Valur - Afturelding 18-23 | Nýliðarnir skelltu Valsmönnum Anton Ingi Leifsson í Vodafone-höllinni skrifar 21. september 2014 00:01 Vísir/Valli Afturelding vann sinn annan sigur í jafnmörgum leikjum þegar þeir lögðu Val af af velli á Hlíðarenda í kvöld, en varnarleikur og markvarsla Aftureldingar var til mikillar fyrirmyndar. Þeir lentu undir í upphafi leiks, en góður kafli undir lok fyrri hálfleiks lagði grunninn að sigrinum. Þeir héldu svo vel á spöðunum í síðari hálfleik og unnu að lokum góðan sigur. Mikill hraði var í leiknum í upphafi, en bæði lið gerðu fjöldan allan af mistökum. Sóknarleikur beggja liða var stirður, en staðan var 5-3 eftir tíu mínútna leik í fyrri hálfleik Valsmönnum í vil. Þá skoruðu heimamenn þrjú mörk gegn einu marki gestanna og staðan skyndilega orðin 8-4. Þá vöknuðu Aftureldingarmenn á ný og skoruðu næstu tvö mörk og komu sér inn í leikinn. Stemningin var þeirra megin og þeir komu sér yfir og gott betur, en þeir leiddu með tveimur mörkum í hálfleik, 10-12. Sóknarleikur beggja liða var afar stirður í fyrri hálfleik, en það var dálítið stöngin út hjá Geir Guðmundssyni í fyrri hálfleik en hann hafði skotið sex sinnum og aðeins einu sinni fór hann inn. Valsmenn þurftu að ná honum og fleirum inn í leikinn ætluðu þeir sér eitt stig eða fleiri gegn sprækum nýliðum. Gestirnir byrjuðu síðari hálfleikinn af miklum krafti og þegar fimm mínútur voru liðnar af síðari hálfleik voru þeir komnir með fjögurra marka forystu, 11-15. Vörn þeirra var gífurlega góð og Valsmenn fundu fá svör framhjá sterkum varnarleik Aftureldingar og Davíð Svanssyni í markinu. Sjö mínútna markaþurrð kom um miðjan hálfleikinn en ekkert mark kom frá 40. mínútu þangað til á þeirri 47. mínútu. Varnir beggja liða voru góðar og markverðirnir í miklum ham. Valsmenn voru aldrei langt á eftir og þegar tæpar tíu mínútur voru til leiksloka leiddu strákarnir úr kjúklingabænum með fjórum mörkum, 15-19. Þeir spiluðu af mikilli áræðni og krafturinn og stemningin var algjörlega þeirra megin. Þeir enduðu með því að sigla öruggum sigri heim í Mosfellsbæ, en lokatölur á Hlíðarenda 18-23, Aftureldingu í vil. Markmenn beggja liða voru í miklum ham og voru einir af betri mönnum vallarins ef ekki þeir bestu. Báðir voru þeir með í kringum 50% markvörslu, en liðsheildin skipti sköpum hjá Aftureldingu. Þar skoruðu alls fimm menn fjögur mörk og það sýnir sterka liðsheild. Sóknarleikur Vals var afar stirður, vægast sagt. Finnur Ingi Stefánsson skoraði fjögur mörk fyrir þá og var markahæstur, en menn eins og til dæmis Geir Guðmundsson og Elvar Friðriksson áttu afar dapran dag.Einar Andri: Átti ekki von á svona stórum sigri „Varnarleikurinn var alveg frábær og Davíð var stórkostlegur þar fyrir aftan," sagði Einar Andri Einarsson, þjálfari Aftureldingar, í leikslok. „Sóknin var mjög erfið og stirð, sérstaklega fyrstu tuttugu mínúturnar. Við náðum hraðaupphlaupum í upphafi síðari hálfleiks. Við skoruðum ekki mikið af mörkum, en vörnin og markvarslan skóp sigurinn." „Góður kafli undir lok fyrri hálfleiks og í byrjun seinni hálfleiks gerði gæfumuninn. Þetta var góður tuttugu mínútna kafli þar sem við fórum úr því að vera þremur mörkum undir í að vera komnir yfir." „Ég átti alls ekki von á svona stórum sigri. Við bjuggum okkur undir mjög erfiðan leik og við ætluðum að reyna halda í við þá eins lengi og við gætum. Við ætluðum að reyna stela sigri hér á móti liðinu sem er spáð bestu gengi í vetur og þvið náðum að vinna." „Við þurfum að halda okkur niðri á jörðinni. Við eigum Íslandsmeistara ÍBV á heimavelli á laugradaginn í næstu viku. Við þurfum að undirbúa okkur vel og við getum ekki verið að líta eitthvað á töfluna strax," sagði Einar Andri í leikslok.Jón K: Sóknarleikurinn stirður „Það var fyrst og fremst sóknarleikurinn sem gekk ekki nægilega vel í dag," sagði Jón Kristjánsson, þjálfari Vals, í viðtali við Vísi í leikslok. „Hann gekk frekar hægt og var frekar þungur. Vörn og markvarsla var lengst af fín, en sóknarleikurinn var alls ekki nægilega vel. Við vorum ekki að fá þau færi sem við vildum." „Mér fannst sóknin aldrei ná sér á strik. Við vorum hægir og vorum að skora úr hraðaupphlaupum í fyrri hálfeik sem voru dálítið að bjarga okkur. Við þurfum að fókusera á að bæta sóknarleikinn." „Síðasti leikur var líka þannig að markvarsla og varnarleikur var betra en sóknarleikurinn. Við skoruðum 23 þá, en fengum einnig á okkur 23. Sóknin var líka léleg þá. Vörnin og markvarslan lítur vel út, en við þurfum að bæta sóknarleikinn til muna." „Menn hljóta að þyrsta í sigurinn. Við þurfum að vinna bara í þessum málum," sagði Jón í leikslok. Olís-deild karla Mest lesið Áhorfandi fékk sex milljónir fyrir ótrúlegt skot Fótbolti Leik lokið: Stjarnan - ÍA 3-0 | Stjarnan gerir atlögu að Evrópusætinu Íslenski boltinn Ten Hag verði ekki rekinn Enski boltinn Liverpool ekki meistaraefni: „Eru langt á eftir City og Arsenal“ Enski boltinn Leikurinn ekki stöðvaður þó svo maður hafi dáið í stúkunni Enski boltinn Dikembe Mutombo látinn Körfubolti „Viðbjóðsleg“ frammistaða sem lætur stjóra missa starfið Enski boltinn Ætla að sniðganga leikinn við Víking Fótbolti Simeone kennir Courtois um ólætin Fótbolti Spilar ekki gegn Arsenal eftir hávaðarifrildi Fótbolti Fleiri fréttir Lilja tognuð á ökkla og frá næsta mánuðinn Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Sjá meira
Afturelding vann sinn annan sigur í jafnmörgum leikjum þegar þeir lögðu Val af af velli á Hlíðarenda í kvöld, en varnarleikur og markvarsla Aftureldingar var til mikillar fyrirmyndar. Þeir lentu undir í upphafi leiks, en góður kafli undir lok fyrri hálfleiks lagði grunninn að sigrinum. Þeir héldu svo vel á spöðunum í síðari hálfleik og unnu að lokum góðan sigur. Mikill hraði var í leiknum í upphafi, en bæði lið gerðu fjöldan allan af mistökum. Sóknarleikur beggja liða var stirður, en staðan var 5-3 eftir tíu mínútna leik í fyrri hálfleik Valsmönnum í vil. Þá skoruðu heimamenn þrjú mörk gegn einu marki gestanna og staðan skyndilega orðin 8-4. Þá vöknuðu Aftureldingarmenn á ný og skoruðu næstu tvö mörk og komu sér inn í leikinn. Stemningin var þeirra megin og þeir komu sér yfir og gott betur, en þeir leiddu með tveimur mörkum í hálfleik, 10-12. Sóknarleikur beggja liða var afar stirður í fyrri hálfleik, en það var dálítið stöngin út hjá Geir Guðmundssyni í fyrri hálfleik en hann hafði skotið sex sinnum og aðeins einu sinni fór hann inn. Valsmenn þurftu að ná honum og fleirum inn í leikinn ætluðu þeir sér eitt stig eða fleiri gegn sprækum nýliðum. Gestirnir byrjuðu síðari hálfleikinn af miklum krafti og þegar fimm mínútur voru liðnar af síðari hálfleik voru þeir komnir með fjögurra marka forystu, 11-15. Vörn þeirra var gífurlega góð og Valsmenn fundu fá svör framhjá sterkum varnarleik Aftureldingar og Davíð Svanssyni í markinu. Sjö mínútna markaþurrð kom um miðjan hálfleikinn en ekkert mark kom frá 40. mínútu þangað til á þeirri 47. mínútu. Varnir beggja liða voru góðar og markverðirnir í miklum ham. Valsmenn voru aldrei langt á eftir og þegar tæpar tíu mínútur voru til leiksloka leiddu strákarnir úr kjúklingabænum með fjórum mörkum, 15-19. Þeir spiluðu af mikilli áræðni og krafturinn og stemningin var algjörlega þeirra megin. Þeir enduðu með því að sigla öruggum sigri heim í Mosfellsbæ, en lokatölur á Hlíðarenda 18-23, Aftureldingu í vil. Markmenn beggja liða voru í miklum ham og voru einir af betri mönnum vallarins ef ekki þeir bestu. Báðir voru þeir með í kringum 50% markvörslu, en liðsheildin skipti sköpum hjá Aftureldingu. Þar skoruðu alls fimm menn fjögur mörk og það sýnir sterka liðsheild. Sóknarleikur Vals var afar stirður, vægast sagt. Finnur Ingi Stefánsson skoraði fjögur mörk fyrir þá og var markahæstur, en menn eins og til dæmis Geir Guðmundsson og Elvar Friðriksson áttu afar dapran dag.Einar Andri: Átti ekki von á svona stórum sigri „Varnarleikurinn var alveg frábær og Davíð var stórkostlegur þar fyrir aftan," sagði Einar Andri Einarsson, þjálfari Aftureldingar, í leikslok. „Sóknin var mjög erfið og stirð, sérstaklega fyrstu tuttugu mínúturnar. Við náðum hraðaupphlaupum í upphafi síðari hálfleiks. Við skoruðum ekki mikið af mörkum, en vörnin og markvarslan skóp sigurinn." „Góður kafli undir lok fyrri hálfleiks og í byrjun seinni hálfleiks gerði gæfumuninn. Þetta var góður tuttugu mínútna kafli þar sem við fórum úr því að vera þremur mörkum undir í að vera komnir yfir." „Ég átti alls ekki von á svona stórum sigri. Við bjuggum okkur undir mjög erfiðan leik og við ætluðum að reyna halda í við þá eins lengi og við gætum. Við ætluðum að reyna stela sigri hér á móti liðinu sem er spáð bestu gengi í vetur og þvið náðum að vinna." „Við þurfum að halda okkur niðri á jörðinni. Við eigum Íslandsmeistara ÍBV á heimavelli á laugradaginn í næstu viku. Við þurfum að undirbúa okkur vel og við getum ekki verið að líta eitthvað á töfluna strax," sagði Einar Andri í leikslok.Jón K: Sóknarleikurinn stirður „Það var fyrst og fremst sóknarleikurinn sem gekk ekki nægilega vel í dag," sagði Jón Kristjánsson, þjálfari Vals, í viðtali við Vísi í leikslok. „Hann gekk frekar hægt og var frekar þungur. Vörn og markvarsla var lengst af fín, en sóknarleikurinn var alls ekki nægilega vel. Við vorum ekki að fá þau færi sem við vildum." „Mér fannst sóknin aldrei ná sér á strik. Við vorum hægir og vorum að skora úr hraðaupphlaupum í fyrri hálfeik sem voru dálítið að bjarga okkur. Við þurfum að fókusera á að bæta sóknarleikinn." „Síðasti leikur var líka þannig að markvarsla og varnarleikur var betra en sóknarleikurinn. Við skoruðum 23 þá, en fengum einnig á okkur 23. Sóknin var líka léleg þá. Vörnin og markvarslan lítur vel út, en við þurfum að bæta sóknarleikinn til muna." „Menn hljóta að þyrsta í sigurinn. Við þurfum að vinna bara í þessum málum," sagði Jón í leikslok.
Olís-deild karla Mest lesið Áhorfandi fékk sex milljónir fyrir ótrúlegt skot Fótbolti Leik lokið: Stjarnan - ÍA 3-0 | Stjarnan gerir atlögu að Evrópusætinu Íslenski boltinn Ten Hag verði ekki rekinn Enski boltinn Liverpool ekki meistaraefni: „Eru langt á eftir City og Arsenal“ Enski boltinn Leikurinn ekki stöðvaður þó svo maður hafi dáið í stúkunni Enski boltinn Dikembe Mutombo látinn Körfubolti „Viðbjóðsleg“ frammistaða sem lætur stjóra missa starfið Enski boltinn Ætla að sniðganga leikinn við Víking Fótbolti Simeone kennir Courtois um ólætin Fótbolti Spilar ekki gegn Arsenal eftir hávaðarifrildi Fótbolti Fleiri fréttir Lilja tognuð á ökkla og frá næsta mánuðinn Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Sjá meira