Aðstoðarmaður ráðherra á gráa markaðinum Kjartan Atli Kjartansson skrifar 13. janúar 2014 11:58 Magnús Ragnarsson, aðstoðarmaður menntamálaráðherra er með Netflix, Hulu og Sky. Vísir/GVA „Þetta er hinn svokallaði grái markaður,“ útskýrir Magnús Ragnarsson, aðstoðarmaður menntamálaráðherra sem fjallaði um eigin notkun á myndveitum á borð við Netflix og Hulu í Fréttablaðinu í dag. „Ég er sjónvarpsfíkill – ekki það að ég horfi endilega mikið á sjónvarp – heldur er mér mjög umhugað um aðgang að sjónvarpsefni. Að vera með þessar erlendu myndveitur hefur ekki verið ákvörðuð sem ólögleg neysla,“ segir Magnús ennfremur. „Við viljum alls ekki mála einstaklinga sem lögbrjóta. Við beinum okkar spjótum að fyrirtækjum sem veita þessa þjónustu,“ segir Snæbjörn Steingrímsson, framkvæmdastjóri myndréttarhafa á Íslandi (SMÁÍS). Snæbjörn segir að vissulega sé þetta grár markaður. „Við verðum að gera okkur grein fyrir því að því stærri sem þessi grái markaður verður, þeim mun ólíklegra er að þessi fyrirtæki, eins og Netflix og Hulu, muni bjóða upp á löglega þjónustu hér á landi. Af hverju ættu þau að standa í því að sækja um öll leyfi hér á landi ef þau eru hvort sem er komin með stóran kúnnahóp?“ Magnús segir fjölda heimila nota þessar myndveitur og erlendar sjónvarpsstöðvar á borð við Sky. „Áætlað er að það séu vel á annan tug þúsunda heimila sem séu með aðgang að þessum myndveitum eða erlendum sjónvarpsstöðvum í gegnum gervihnött og mitt heimili er eitt af þeim.“ Magnús telur löggjafarvaldið vera á eftir tækninni í þessu máli.Vandamál örmarkaðarins Magnús er formaður rýnihóps á vegum menntamálaráðuneytisins og iðnaðarráðuneytisins sem skoðar hver aðkoma hins opinbera á að vera í þessum efnum; erlendum myndveitum og höfundarétti. „Við erum að reyna að gera það meira aðlaðandi fyrir erlendar myndveitur að koma hingað til lands, eða ýta undir að einhver innlendur aðili geti tekið þetta að sér. Það er náttúrulega kappsmál fyrir okkur öll að aðgengi neytenda að þessari þjónustu verði gert löglegt,“ segir Magnús. Hann telur markaðssvæðið Ísland vera of lítið til þess að erlend fyrirtæki telja að það taki því að kaupa sýningarrétt hér á landi. „Það er sama vinnan við að kaupa sýningarrétt í Póllandi og á Íslandi. En markaðurinn í Póllandi er auðvitað miklu stærri. Við glímum við vandamál örmarkaðarins.“ Hann telur að möguleikar hins opinbera gætu einnig falist í lækkun á virðisaukaskatti á myndefni. „Til dæmis er lægri virðisaukaskattur á Spotify og önnur fyrirtæki sem veita svipaða þjónustu, en fyrirtæki sem dreifa myndefni eru í efra virðisaukaskattsþrepinu,“ útskýrir Magnús.Snæbjörn Steingrímsson fagnar því að stjórnvöld séu að skoða málefni myndveita en bíður enn eftir aðgerðum í ólöglegu niðurhali.Vísir/Anton BrinkSMÁÍS fagna aðgerðum ríkisstjórnar Snæbjörn fagnar því að ríkisstjórnin skoði þessi mál. „Það liggur fyrir að hér eru engar hindranir fyrir þessar erlendu risa að koma hingað inn, en þeir vilja einfaldlega ekki koma. Við þurfum að búa til umhverfi þar sem hægt er að bjóða upp á þessa þjónustu hér, á löglegan hátt,“ útskýrir Snæbjörn. Hann segir SMÁÍS hafa það að markmiði að vernda þennan iðnað. „Að sjálfsögðu er það okkar markmið, við erum í þessu til að hlúa að þessum iðnaði. Samtök myndréttarhafa í Bandaríkjunum MPA myndu örugglega segja eitthvað ef íslensk myndveita myndi vera með tugþúsundir notenda í Bandaríkjunum. Eini munurinn er líklega sá að þá myndi eitthvað vera gert í raun,“ segir Snæbjörn. Misskilningur með greiðslur til höfunda Hann segir ákveðinn misskilning í umræðunni um myndveitur eins og Netflix og greiðslur til höfunda. „Yfirleitt er sýningarréttur á kvikmyndum keyptur á svokölluðu flötu verði. Höfundar fá ekki greitt í prósentum, heldur fá þeir eitthvað fast gjald, fyrir sýningarréttinn á ákveðnu markaðasvæði. Öll greiðsla fyrir sýningar utan þess svæðis fer því beint í vasa fyrirtækisins og höfundurinn situr eftir,“ útskýrir Snæbjörn. Hann vill að hægt sé að bjóða upp á þessa þjónustu löglega. „Aðgengi skiptir auðvitað miklu máli. Neytendur þurfa að geta nálgast efnið á þægilegan og skjótan hátt. Við fögnum því ef erlendar myndveitur koma hingað til lands, eða ef einhverjir innlendir aðilar byrja að bjóða upp á svona þjónustu. En við leggjum áherslu á að það sé allt löglegt, til þess að vernda iðnaðinn,“ útskýrir Snæbjörn.Ósáttur með aðgerðarleysi lögreglu og stjórnvalda Snæbjörn er ósáttur með aðgerðaleysi lögreglu og stjórnvaldaþegar kemur að ólöglegu niðurhali. „Nú eru að verða komin tvö ár síðan við lögðum inn kæru og vildum loka fyrir ákveðnar síður á netinu sem bjóða upp á ólöglegt niðurhal. Eftir því sem við best vitum hefur ekkert verið gert. Stærsta innlenda síðan er ennþá starfandi óáreitt,“ segir Snæbjörn. Athygli vekur að síðan býður nú upp á innlent hugverk; kvikmyndir, sjónvarpsþætti og tónlist, sem er nýbreytni þar á bæ. Við horfum gjarnan til Svíþjóðar og hvernig hlutunum var breytt þar. Fyrir ekki svo löngu var ástandið þar hrikalegt, þar var mikið um ólöglega dreifingu á efni sem var varið með höfundarétti. Löggjöfinni var í raun ekki breytt neitt sérstaklega mikið, heldur stofnuðu menn nýja deild innan lögreglunnar. Sem dæmi var maður dæmdur í desember fyrir að deila einni sænskri mynd og þurfti að greiða háa sekt. Svona aðgerðir fæla fólk frá þeirri ólöglegu iðju að deila myndefni sem eru höfundaréttarvarið,“ segir Snæbjörn. Netflix Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent Mennirnir tveir fundnir Innlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Ávaxtakarfan frumsýnd í Hveragerði Innlent Sagður hafa nauðgað konu fyrir níu árum Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira
„Þetta er hinn svokallaði grái markaður,“ útskýrir Magnús Ragnarsson, aðstoðarmaður menntamálaráðherra sem fjallaði um eigin notkun á myndveitum á borð við Netflix og Hulu í Fréttablaðinu í dag. „Ég er sjónvarpsfíkill – ekki það að ég horfi endilega mikið á sjónvarp – heldur er mér mjög umhugað um aðgang að sjónvarpsefni. Að vera með þessar erlendu myndveitur hefur ekki verið ákvörðuð sem ólögleg neysla,“ segir Magnús ennfremur. „Við viljum alls ekki mála einstaklinga sem lögbrjóta. Við beinum okkar spjótum að fyrirtækjum sem veita þessa þjónustu,“ segir Snæbjörn Steingrímsson, framkvæmdastjóri myndréttarhafa á Íslandi (SMÁÍS). Snæbjörn segir að vissulega sé þetta grár markaður. „Við verðum að gera okkur grein fyrir því að því stærri sem þessi grái markaður verður, þeim mun ólíklegra er að þessi fyrirtæki, eins og Netflix og Hulu, muni bjóða upp á löglega þjónustu hér á landi. Af hverju ættu þau að standa í því að sækja um öll leyfi hér á landi ef þau eru hvort sem er komin með stóran kúnnahóp?“ Magnús segir fjölda heimila nota þessar myndveitur og erlendar sjónvarpsstöðvar á borð við Sky. „Áætlað er að það séu vel á annan tug þúsunda heimila sem séu með aðgang að þessum myndveitum eða erlendum sjónvarpsstöðvum í gegnum gervihnött og mitt heimili er eitt af þeim.“ Magnús telur löggjafarvaldið vera á eftir tækninni í þessu máli.Vandamál örmarkaðarins Magnús er formaður rýnihóps á vegum menntamálaráðuneytisins og iðnaðarráðuneytisins sem skoðar hver aðkoma hins opinbera á að vera í þessum efnum; erlendum myndveitum og höfundarétti. „Við erum að reyna að gera það meira aðlaðandi fyrir erlendar myndveitur að koma hingað til lands, eða ýta undir að einhver innlendur aðili geti tekið þetta að sér. Það er náttúrulega kappsmál fyrir okkur öll að aðgengi neytenda að þessari þjónustu verði gert löglegt,“ segir Magnús. Hann telur markaðssvæðið Ísland vera of lítið til þess að erlend fyrirtæki telja að það taki því að kaupa sýningarrétt hér á landi. „Það er sama vinnan við að kaupa sýningarrétt í Póllandi og á Íslandi. En markaðurinn í Póllandi er auðvitað miklu stærri. Við glímum við vandamál örmarkaðarins.“ Hann telur að möguleikar hins opinbera gætu einnig falist í lækkun á virðisaukaskatti á myndefni. „Til dæmis er lægri virðisaukaskattur á Spotify og önnur fyrirtæki sem veita svipaða þjónustu, en fyrirtæki sem dreifa myndefni eru í efra virðisaukaskattsþrepinu,“ útskýrir Magnús.Snæbjörn Steingrímsson fagnar því að stjórnvöld séu að skoða málefni myndveita en bíður enn eftir aðgerðum í ólöglegu niðurhali.Vísir/Anton BrinkSMÁÍS fagna aðgerðum ríkisstjórnar Snæbjörn fagnar því að ríkisstjórnin skoði þessi mál. „Það liggur fyrir að hér eru engar hindranir fyrir þessar erlendu risa að koma hingað inn, en þeir vilja einfaldlega ekki koma. Við þurfum að búa til umhverfi þar sem hægt er að bjóða upp á þessa þjónustu hér, á löglegan hátt,“ útskýrir Snæbjörn. Hann segir SMÁÍS hafa það að markmiði að vernda þennan iðnað. „Að sjálfsögðu er það okkar markmið, við erum í þessu til að hlúa að þessum iðnaði. Samtök myndréttarhafa í Bandaríkjunum MPA myndu örugglega segja eitthvað ef íslensk myndveita myndi vera með tugþúsundir notenda í Bandaríkjunum. Eini munurinn er líklega sá að þá myndi eitthvað vera gert í raun,“ segir Snæbjörn. Misskilningur með greiðslur til höfunda Hann segir ákveðinn misskilning í umræðunni um myndveitur eins og Netflix og greiðslur til höfunda. „Yfirleitt er sýningarréttur á kvikmyndum keyptur á svokölluðu flötu verði. Höfundar fá ekki greitt í prósentum, heldur fá þeir eitthvað fast gjald, fyrir sýningarréttinn á ákveðnu markaðasvæði. Öll greiðsla fyrir sýningar utan þess svæðis fer því beint í vasa fyrirtækisins og höfundurinn situr eftir,“ útskýrir Snæbjörn. Hann vill að hægt sé að bjóða upp á þessa þjónustu löglega. „Aðgengi skiptir auðvitað miklu máli. Neytendur þurfa að geta nálgast efnið á þægilegan og skjótan hátt. Við fögnum því ef erlendar myndveitur koma hingað til lands, eða ef einhverjir innlendir aðilar byrja að bjóða upp á svona þjónustu. En við leggjum áherslu á að það sé allt löglegt, til þess að vernda iðnaðinn,“ útskýrir Snæbjörn.Ósáttur með aðgerðarleysi lögreglu og stjórnvalda Snæbjörn er ósáttur með aðgerðaleysi lögreglu og stjórnvaldaþegar kemur að ólöglegu niðurhali. „Nú eru að verða komin tvö ár síðan við lögðum inn kæru og vildum loka fyrir ákveðnar síður á netinu sem bjóða upp á ólöglegt niðurhal. Eftir því sem við best vitum hefur ekkert verið gert. Stærsta innlenda síðan er ennþá starfandi óáreitt,“ segir Snæbjörn. Athygli vekur að síðan býður nú upp á innlent hugverk; kvikmyndir, sjónvarpsþætti og tónlist, sem er nýbreytni þar á bæ. Við horfum gjarnan til Svíþjóðar og hvernig hlutunum var breytt þar. Fyrir ekki svo löngu var ástandið þar hrikalegt, þar var mikið um ólöglega dreifingu á efni sem var varið með höfundarétti. Löggjöfinni var í raun ekki breytt neitt sérstaklega mikið, heldur stofnuðu menn nýja deild innan lögreglunnar. Sem dæmi var maður dæmdur í desember fyrir að deila einni sænskri mynd og þurfti að greiða háa sekt. Svona aðgerðir fæla fólk frá þeirri ólöglegu iðju að deila myndefni sem eru höfundaréttarvarið,“ segir Snæbjörn.
Netflix Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent Mennirnir tveir fundnir Innlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Ávaxtakarfan frumsýnd í Hveragerði Innlent Sagður hafa nauðgað konu fyrir níu árum Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira