Með sterkustu taugarnar Eiríkur Stefán Ásgeirsson skrifar 29. júlí 2013 06:00 Sunna og Birgir Leifur með bikarana. fréttablaðið/daníel Birgir Leifur Hafþórsson vann sinn fimma Íslandsmeistaratitil í höggleik er hann hafði betur í taugastríðinu gegn heimamanninum Haraldi Franklín Magnús, meistara síðasta árs. Í kvennaflokki varð hin átján ára Sunna Víðisdóttir meistari eftir ótrúlega spennandi lokasprett. Heimamaðurinn Haraldur Franklín hafði verið með forystu en tveggja högga forysta hans fyrir lokadaginn hvarf strax á þriðju holu. Birgir Leifur komst svo fram úr á níundu en mestu munaði um að Haraldur Franklín lentu í miklu basli á 16. holu, þar sem hann tapaði þremur höggum. Sigur Birgis Leifs var aldrei í vafa eftir það. „Biggi notaði mig sem héra. Ég leiddi allt mótið og hann tók svo fram úr í restina,“ sagði Haraldur Franklín, sem tók ósigrinum vel þrátt fyrir að vera tapsár að eigin sögn. „Ég sló í tré á 16. og lenti við gamalt torfufar. Ég þurfti að leggja upp þaðan líka og gat því ekki slegið inn á grín,“ sagði hann og hét því að hann myndi vinna Birgi Leif á næsta Íslandsmóti.Komin yfir settan dag Birgir Leifur spilaði jafnt og gott golf í gær. Hann tapaði bara einu höggi og var á samtals þremur undir – tíu undir í það heila. „Mestu skiptir að halda boltanum í leik og vera þolinmóður. Ætli ég hafi ekki unnið þolinmæðisvinnuna vel á mótinu,“ sagði hann eftir sigurinn í gær. Birgir Leifur og Elísabet, eiginkona hans, eiga von á þriðja barni sínu hvað af hverju. Elísabet er komin yfir settan dag og Birgir Leifur var efins um að taka yfir höfuð þátt. „Hún er svo yndisleg að hún rak mig alltaf áfram. Það var hún sem hvatti mig til að taka þátt. Ég gæti þá bara komið á fæðingardeildina ef allt færi af stað. Við tókum bara einn dag í einu,“ segir hann.Dramatík hjá konunum Það voru miklar sviptingar í kvennaflokki allan daginn. Valdís Þóra Jónsdóttir, Íslandsmeistari síðasta árs, og Guðrún Brá Björgvinsdóttir höfðu skipst á að vera í forystu en um miðjan lokahringinn fór Sunna að blanda sér í baráttuna. Allar voru saman í lokahollinu. En Ólafía Þórunn Kristinsdóttir spilaði einnig frábærlega á lokasprettinum og náði að blanda sér í baráttuna með góðri frammistöðu. 18. holan reyndist mikill örlagavaldur. Valdís Þóra var í kjörstöðu en lenti í miklum vandræðum og fékk þrefaldan skolla. Sunna púttaði fyrir sigrinum en slík var spennan að hún gerði sér ekki almennilega grein fyrir því. En púttið geigaði og á endanum urðu hún, Ólafía og Guðrún efstar og jafnar. Ólafía tapaði höggi á fyrsta holu umspilsins af þremur og náði ekki að brúa bilið aftur. Sunna og Guðrún voru hnífjafnar og þurfti því bráðabana til að knýja fram úrslit. Þar hafði Sunna betur. Hún sagði að það hefði gengið vel að róa taugarnar og þakkaði mömmu sinni fyrir. „Hún var á pokanum og við reyndum bara að spjalla um eitthvað allt annað en golf. En ég er himinlifandi með sigurinn, sérstaklega eftir að hafa byrjað illa í mótinu. Það er frábært að hafa náð að koma til baka,“ segir Sunna, sem stóð uppi sem sigurvegari þrátt fyrir að hafa spilað á tíu höggum yfir pari fyrsta keppnisdaginn. Golf Mest lesið Albert skoraði sigurmarkið eftir að De Gea varði tvær vítaspyrnur Fótbolti Man United ekki byrjað verr síðan 1989 Enski boltinn Körfuboltakvöld: Tilþrif 1. umferðar Körfubolti „Erum ennþá með þetta í okkar höndum“ Fótbolti „Menn eru að henda sér fyrir bolta og hlaupa úr sér lungun“ Fótbolti „Þegar þeir misstíga sig þá misstígum við okkur líka“ Fótbolti Sjáðu vandræðalegt vítaklúður Viðars Íslenski boltinn Sjáðu atvikið: Reiður Rúnar sá rautt Íslenski boltinn Uppgjörið: Víkingur - Stjarnan 2-2 | Óskar Örn bjargaði stigi fyrir Víking Íslenski boltinn „Þú ert skilgreindur af nútíðinni“ Íslenski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira
Birgir Leifur Hafþórsson vann sinn fimma Íslandsmeistaratitil í höggleik er hann hafði betur í taugastríðinu gegn heimamanninum Haraldi Franklín Magnús, meistara síðasta árs. Í kvennaflokki varð hin átján ára Sunna Víðisdóttir meistari eftir ótrúlega spennandi lokasprett. Heimamaðurinn Haraldur Franklín hafði verið með forystu en tveggja högga forysta hans fyrir lokadaginn hvarf strax á þriðju holu. Birgir Leifur komst svo fram úr á níundu en mestu munaði um að Haraldur Franklín lentu í miklu basli á 16. holu, þar sem hann tapaði þremur höggum. Sigur Birgis Leifs var aldrei í vafa eftir það. „Biggi notaði mig sem héra. Ég leiddi allt mótið og hann tók svo fram úr í restina,“ sagði Haraldur Franklín, sem tók ósigrinum vel þrátt fyrir að vera tapsár að eigin sögn. „Ég sló í tré á 16. og lenti við gamalt torfufar. Ég þurfti að leggja upp þaðan líka og gat því ekki slegið inn á grín,“ sagði hann og hét því að hann myndi vinna Birgi Leif á næsta Íslandsmóti.Komin yfir settan dag Birgir Leifur spilaði jafnt og gott golf í gær. Hann tapaði bara einu höggi og var á samtals þremur undir – tíu undir í það heila. „Mestu skiptir að halda boltanum í leik og vera þolinmóður. Ætli ég hafi ekki unnið þolinmæðisvinnuna vel á mótinu,“ sagði hann eftir sigurinn í gær. Birgir Leifur og Elísabet, eiginkona hans, eiga von á þriðja barni sínu hvað af hverju. Elísabet er komin yfir settan dag og Birgir Leifur var efins um að taka yfir höfuð þátt. „Hún er svo yndisleg að hún rak mig alltaf áfram. Það var hún sem hvatti mig til að taka þátt. Ég gæti þá bara komið á fæðingardeildina ef allt færi af stað. Við tókum bara einn dag í einu,“ segir hann.Dramatík hjá konunum Það voru miklar sviptingar í kvennaflokki allan daginn. Valdís Þóra Jónsdóttir, Íslandsmeistari síðasta árs, og Guðrún Brá Björgvinsdóttir höfðu skipst á að vera í forystu en um miðjan lokahringinn fór Sunna að blanda sér í baráttuna. Allar voru saman í lokahollinu. En Ólafía Þórunn Kristinsdóttir spilaði einnig frábærlega á lokasprettinum og náði að blanda sér í baráttuna með góðri frammistöðu. 18. holan reyndist mikill örlagavaldur. Valdís Þóra var í kjörstöðu en lenti í miklum vandræðum og fékk þrefaldan skolla. Sunna púttaði fyrir sigrinum en slík var spennan að hún gerði sér ekki almennilega grein fyrir því. En púttið geigaði og á endanum urðu hún, Ólafía og Guðrún efstar og jafnar. Ólafía tapaði höggi á fyrsta holu umspilsins af þremur og náði ekki að brúa bilið aftur. Sunna og Guðrún voru hnífjafnar og þurfti því bráðabana til að knýja fram úrslit. Þar hafði Sunna betur. Hún sagði að það hefði gengið vel að róa taugarnar og þakkaði mömmu sinni fyrir. „Hún var á pokanum og við reyndum bara að spjalla um eitthvað allt annað en golf. En ég er himinlifandi með sigurinn, sérstaklega eftir að hafa byrjað illa í mótinu. Það er frábært að hafa náð að koma til baka,“ segir Sunna, sem stóð uppi sem sigurvegari þrátt fyrir að hafa spilað á tíu höggum yfir pari fyrsta keppnisdaginn.
Golf Mest lesið Albert skoraði sigurmarkið eftir að De Gea varði tvær vítaspyrnur Fótbolti Man United ekki byrjað verr síðan 1989 Enski boltinn Körfuboltakvöld: Tilþrif 1. umferðar Körfubolti „Erum ennþá með þetta í okkar höndum“ Fótbolti „Menn eru að henda sér fyrir bolta og hlaupa úr sér lungun“ Fótbolti „Þegar þeir misstíga sig þá misstígum við okkur líka“ Fótbolti Sjáðu vandræðalegt vítaklúður Viðars Íslenski boltinn Sjáðu atvikið: Reiður Rúnar sá rautt Íslenski boltinn Uppgjörið: Víkingur - Stjarnan 2-2 | Óskar Örn bjargaði stigi fyrir Víking Íslenski boltinn „Þú ert skilgreindur af nútíðinni“ Íslenski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira