Fjallar um ást og dauða 14. apríl 2013 14:30 "Það er einhver eilífð á þessum stað sem passar akkúrat verkinu,“ segir Sigtryggur sem er hér við Dillonshús ásamt sambýliskonu sinni og aðalleikkonu verksins, Svandísi Dóru. Mynd/Stefán „Ég er að fjalla um heillandi viðfangsefni, ástina og dauðann og það er, held ég, meiri fegurð í þessu verki en þeim sem ég hef gert áður,“ segir Sigtryggur Magnason leikskáld um nýjasta verk sitt, Nú er himneska sumarið komið. Umfjöllunarefnið er ást langömmu hans og langafa sem náði út yfir gröf og dauða. Hún lést úr berklum 28 ára að aldri en nokkru eftir andlát hennar byrjaði hönd hans að hreyfast og skrifa, þar sem hann sat við borð og fyrstu orðin voru ástarorð til hans að handan. „Þetta er svo stór saga í eðli sínu að ég vissi ekki hvernig ég ætti að finna henni farveg. Sumir mundu segja: Þetta er kvikmynd. Aðrir: Þetta er skáldsaga – en flestar mínar hugmyndir leita í leikhús. Það tók mig hins vegar talsverðan tíma að fjarlægja mig sögunni og búa til listaverk úr henni,“ segir Sigtryggur. Hann ólst upp í húsi langafa síns og langömmu í Reykjahverfi í Suður-Þingeyjarsýslu og því er hann ánægður með að fá að sýna leikritið í Dillonshúsi sem tilheyri gömlum tíma. „Það er einhver eilífð á þessum stað sem passar akkúrat verkinu. Í því er ung kona sem flýr erfiðleikana í sínu ástalífi í þá kyrrstöðu sem ríkir hjá afa hennar. Hann hefur einangrað sig og hún ekki hitt hann í tuttugu og tvö ár.“ Þetta er fimmta leikverk Sigtryggs og hann hefur áður sýnt á óhefðbundnum stöðum, til dæmis heima hjá sér og á strippklúbbi. „Það sem er gaman við að sýna á skrítnum stöðum er að þá fær maður svo hugrakka áhorfendur,“ segir hann. „Það er jú visst öryggi í því að setjast í sitt númeraða sæti í leikhúsi en þegar fólk er í svona mikilli nálægð við leikarana er það ekki bara að taka inn verkið sjálft heldur miklu meira og mörk leiks og veruleika verða óljós.“ Hann reiknar með að um þrjátíu áhorfendur rúmist í stofunni í Dillonshúsi og hlær þegar því er slegið fram að þá standi sýningar í nokkur ár. „Það fer eftir hvernig gengur. Við stefnum á sex sýningar núna á einni viku.“ Leikstjóri verksins er Una Þorleifsdóttir og með hlutverkin fara Hjalti Rögnvaldsson og Svandís Dóra Einarsdóttir, sambýliskona Sigtryggs. Búningar eru eftir Agnieszku Baranowsku og höfundurinn ber lof á allt þetta fólk. Nú er himneska sumarið komið tekur um það bil eina og hálfa klukkustund í sýningu. Miðapantanir eru á himneska@gmail.com og nánari upplýsingar eru á Facebook-síðu sýningarinnar. Menning Mest lesið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Eins og þruma úr heiðskíru lofti Lífið Móðir Whitney Houston látin Lífið Kúltúrkettir landsins létu sig ekki vanta í Portið Menning Sykursalur orðinn einn vinsælasti veislusalur Reykjavíkur Lífið samstarf Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Ég er að fjalla um heillandi viðfangsefni, ástina og dauðann og það er, held ég, meiri fegurð í þessu verki en þeim sem ég hef gert áður,“ segir Sigtryggur Magnason leikskáld um nýjasta verk sitt, Nú er himneska sumarið komið. Umfjöllunarefnið er ást langömmu hans og langafa sem náði út yfir gröf og dauða. Hún lést úr berklum 28 ára að aldri en nokkru eftir andlát hennar byrjaði hönd hans að hreyfast og skrifa, þar sem hann sat við borð og fyrstu orðin voru ástarorð til hans að handan. „Þetta er svo stór saga í eðli sínu að ég vissi ekki hvernig ég ætti að finna henni farveg. Sumir mundu segja: Þetta er kvikmynd. Aðrir: Þetta er skáldsaga – en flestar mínar hugmyndir leita í leikhús. Það tók mig hins vegar talsverðan tíma að fjarlægja mig sögunni og búa til listaverk úr henni,“ segir Sigtryggur. Hann ólst upp í húsi langafa síns og langömmu í Reykjahverfi í Suður-Þingeyjarsýslu og því er hann ánægður með að fá að sýna leikritið í Dillonshúsi sem tilheyri gömlum tíma. „Það er einhver eilífð á þessum stað sem passar akkúrat verkinu. Í því er ung kona sem flýr erfiðleikana í sínu ástalífi í þá kyrrstöðu sem ríkir hjá afa hennar. Hann hefur einangrað sig og hún ekki hitt hann í tuttugu og tvö ár.“ Þetta er fimmta leikverk Sigtryggs og hann hefur áður sýnt á óhefðbundnum stöðum, til dæmis heima hjá sér og á strippklúbbi. „Það sem er gaman við að sýna á skrítnum stöðum er að þá fær maður svo hugrakka áhorfendur,“ segir hann. „Það er jú visst öryggi í því að setjast í sitt númeraða sæti í leikhúsi en þegar fólk er í svona mikilli nálægð við leikarana er það ekki bara að taka inn verkið sjálft heldur miklu meira og mörk leiks og veruleika verða óljós.“ Hann reiknar með að um þrjátíu áhorfendur rúmist í stofunni í Dillonshúsi og hlær þegar því er slegið fram að þá standi sýningar í nokkur ár. „Það fer eftir hvernig gengur. Við stefnum á sex sýningar núna á einni viku.“ Leikstjóri verksins er Una Þorleifsdóttir og með hlutverkin fara Hjalti Rögnvaldsson og Svandís Dóra Einarsdóttir, sambýliskona Sigtryggs. Búningar eru eftir Agnieszku Baranowsku og höfundurinn ber lof á allt þetta fólk. Nú er himneska sumarið komið tekur um það bil eina og hálfa klukkustund í sýningu. Miðapantanir eru á himneska@gmail.com og nánari upplýsingar eru á Facebook-síðu sýningarinnar.
Menning Mest lesið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Eins og þruma úr heiðskíru lofti Lífið Móðir Whitney Houston látin Lífið Kúltúrkettir landsins létu sig ekki vanta í Portið Menning Sykursalur orðinn einn vinsælasti veislusalur Reykjavíkur Lífið samstarf Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira