Blóðugt stríð í borg englanna á fimmta áratugnum 24. janúar 2013 07:00 Gangster Squad Josh Brolin og Sean Penn í hlutverkum sínum sem lögreglumaðurinn John O‘Mara og glæpaforinginn Mickey Cohen. Glæpamyndin Gangster Squad verður frumsýnd í kvikmyndahúsum annað kvöld. Leikstjóri myndarinnar er hinn 38 ára gamli Ruben Fleischer. Sá hefur áður leikstýrt tveimur myndum í fullri lengd, Zombieland frá árinu 2009 og 30 Minutes or Less frá 2011. Fleischer hefur einnig getið sér gott orð sem leikstjóri tónlistarmyndbanda og hefur slík með meðal annarra söngkonunni M.I.A., Gold Chains og Electric Six á ferilskránni. Leikhópurinn í Gangster Squad er að sönnu glæsilegur og inniheldur Josh Brolin, Ryan Gosling, Nick Nolte, Emma Stone, Sean Penn, Michael Peña og Giovanni Ribisi. Sögusvið Gangster Squad er fimmti áratugur síðustu aldar og er handritið lauslega byggt á sögu nokkurra lögreglumanna og einkaspæjara í Los Angeles. Þeir taka höndum saman og stofna hóp sem þeir nefna „Gangster squad unit“ til að freista þess að verja borgina fyrir ágangi glæpamannsins Mickey Cohen, sem leikinn er af Sean Penn. Lögreglustjórinn Bill Parker (Nick Nolte) velur lögreglumanninn John O‘Mara (Josh Brolin) persónulega til að hefja stríð á hendur Cohen, en sá síðastnefndi er meðal voldugustu glæpamanna landsins og hefur sterk tengsl við mafíuna. O‘Mara velur harðsnúið lið til að heyja stríðið með sér og er tilgangurinn sá að hrekja Cohen og lið hans út úr Los Angeles til frambúðar. Aðeins einn af þeim sem O‘Mara setur á óskalistann fyrir liðið sitt þekkist ekki boðið, lögreglumaðurinn Jerry Wooters sem leikinn er af hjartaknúsaranum Ryan Gosling, en sá er náinn vinur O‘Mara og farið að leiðast þófið eftir margra ára dvöl í bandaríska hernum og krefjandi starf sem lögreglumaður í framhaldinu. Í kjölfar stofnunar hópsins fer fram óumflýjanlegt uppgjör og skothvellir og blóð eru aldrei langt undan. Gangster Squad hefur hlotið misjafna dóma frá gagnrýnendum. Á vefsíðunni Rottentomatoes.com hlýtur hún 33 prósent í einkunn frá gagnrýnendum og 66 prósent frá hinum almenna áhorfanda. Á vefsíðunni Imdb.com fær Gangster Squad 7,2 í einkunn. Í Chicago Sun-Times gefur gagnrýnandinn Roger Ebert myndinni tvær af fimm stjörnum og segir leikstjórann Fleischer ekki ráða við verkefnið. Ebert segir þó hasaratriðin vel útfærð og hrósar Sean Penn í hlutverki illmennisins Cohen. Menning Mest lesið Skilnaður handan við hornið hjá Kanye og Biöncu Lífið Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Eins og þruma úr heiðskíru lofti Lífið Bergrún Íris og Kolbrún keyptu í Hafnarfirði Lífið Kúltúrkettir landsins létu sig ekki vanta í Portið Menning Náði að sættast við bróður sinn fyrir andlátið Lífið Stjörnulífið: Skvísustælar við bakkann og áminning um óöryggi Lífið Fylgst með tímaskeiði í lífi konu sem greinist með krabbamein Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Glæpamyndin Gangster Squad verður frumsýnd í kvikmyndahúsum annað kvöld. Leikstjóri myndarinnar er hinn 38 ára gamli Ruben Fleischer. Sá hefur áður leikstýrt tveimur myndum í fullri lengd, Zombieland frá árinu 2009 og 30 Minutes or Less frá 2011. Fleischer hefur einnig getið sér gott orð sem leikstjóri tónlistarmyndbanda og hefur slík með meðal annarra söngkonunni M.I.A., Gold Chains og Electric Six á ferilskránni. Leikhópurinn í Gangster Squad er að sönnu glæsilegur og inniheldur Josh Brolin, Ryan Gosling, Nick Nolte, Emma Stone, Sean Penn, Michael Peña og Giovanni Ribisi. Sögusvið Gangster Squad er fimmti áratugur síðustu aldar og er handritið lauslega byggt á sögu nokkurra lögreglumanna og einkaspæjara í Los Angeles. Þeir taka höndum saman og stofna hóp sem þeir nefna „Gangster squad unit“ til að freista þess að verja borgina fyrir ágangi glæpamannsins Mickey Cohen, sem leikinn er af Sean Penn. Lögreglustjórinn Bill Parker (Nick Nolte) velur lögreglumanninn John O‘Mara (Josh Brolin) persónulega til að hefja stríð á hendur Cohen, en sá síðastnefndi er meðal voldugustu glæpamanna landsins og hefur sterk tengsl við mafíuna. O‘Mara velur harðsnúið lið til að heyja stríðið með sér og er tilgangurinn sá að hrekja Cohen og lið hans út úr Los Angeles til frambúðar. Aðeins einn af þeim sem O‘Mara setur á óskalistann fyrir liðið sitt þekkist ekki boðið, lögreglumaðurinn Jerry Wooters sem leikinn er af hjartaknúsaranum Ryan Gosling, en sá er náinn vinur O‘Mara og farið að leiðast þófið eftir margra ára dvöl í bandaríska hernum og krefjandi starf sem lögreglumaður í framhaldinu. Í kjölfar stofnunar hópsins fer fram óumflýjanlegt uppgjör og skothvellir og blóð eru aldrei langt undan. Gangster Squad hefur hlotið misjafna dóma frá gagnrýnendum. Á vefsíðunni Rottentomatoes.com hlýtur hún 33 prósent í einkunn frá gagnrýnendum og 66 prósent frá hinum almenna áhorfanda. Á vefsíðunni Imdb.com fær Gangster Squad 7,2 í einkunn. Í Chicago Sun-Times gefur gagnrýnandinn Roger Ebert myndinni tvær af fimm stjörnum og segir leikstjórann Fleischer ekki ráða við verkefnið. Ebert segir þó hasaratriðin vel útfærð og hrósar Sean Penn í hlutverki illmennisins Cohen.
Menning Mest lesið Skilnaður handan við hornið hjá Kanye og Biöncu Lífið Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Eins og þruma úr heiðskíru lofti Lífið Bergrún Íris og Kolbrún keyptu í Hafnarfirði Lífið Kúltúrkettir landsins létu sig ekki vanta í Portið Menning Náði að sættast við bróður sinn fyrir andlátið Lífið Stjörnulífið: Skvísustælar við bakkann og áminning um óöryggi Lífið Fylgst með tímaskeiði í lífi konu sem greinist með krabbamein Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira