Úrgangur er gullnáma framtíðar 19. janúar 2013 10:00 Ragna Ingibjörg Halldórsdóttir með hina nýju endurvinnslupoka Sorpu í baksýn. Pokarnir eru tilvaldir til flokkunar á pappí og pappa heima við og fást afhentir á endurvinnslustöðvum Sorpu í byrjun febrúar. Mynd/Valli Hér er strax hafið mikið pappírsflóð og við í Sorpu erum vel undirbúin að taka á móti því öllu,“ upplýsir Ragna Ingibjörg Halldórsdóttir, deildarstjóri umhverfis- og fræðsludeildar Sorpu. Ragna segir að þrátt fyrir tunnuvæðingu sveitarfélaganna hafi það komið stjórnendum skemmtilega á óvart að íbúar höfuðborgarsvæðisins hafa ekki minnkað við sig að skila endurvinnanlegum pappír og pappa í grenndarstöðvar Sorpu. „Með átaki sveitarfélaga um flokkun og endurvinnslu pappírs sýnir sig að þau eru að ná inn pappír sem áður fór í tunnuna með heimilissorpinu. Enda er einfalt fyrir íbúana að hefja þetta verkefni, jafnvel þótt það kosti sérferð í sorpgeymsluna. Flestir hafa gott af hreyfingu og upplagt að líta á það sem líkamsrækt,“ segir Ragna kankvís, „og allur pappírinn fer að sjálfsögðu í endurvinnslu!“ Ragna segir flesta vel kunnuga Sorpu enda reki fyrirtækið sex endurvinnslustöðvar og áttatíu grenndargáma víðs vegar á höfuðborgarsvæðinu. „Sorpa sér ekki um sorphirðu sem slíka heldur eingöngu móttöku úrgangs. Í móttökustöð okkar í Gufunesi koma sorphirðubílar af öllu höfuðborgarsvæðinu og þar tökum við á móti blönduðum og flokkuðum úrgangi sem við komum í réttan farveg. Blandaður, óendurvinnanlegur úrgangur er urðaður í Álfsnesi en fer fyrst í hakkavél og þaðan á segulfæribönd sem nær úr honum sextíu prósentum alls málms sem einnig fer í endurvinnslu,“ útskýrir Ragna um dagleg kraftaverk Sorpu í þágu náttúrunnar. „Allur úrgangur er hráefni og í sorpi felast heilmikil verðmæti. Því má segja að Sorpa sé gullkista sem höfðar til gullgrafarans í okkur öllum,“ segir Ragna og vísar til Góða hirðisins, skrautfjöður Sorpu sem leiðir til endurnotkunar hluta. „Vísir að Góða hirðinum varð til árið 1994 þegar starfsmönnum endurvinnslustöðvar blöskraði hversu margir heillegir hlutir fóru í förgun. Sjarmi Góða hirðisins er að enginn veit hverju hann á von á; þar er enginn fastur lager heldur óvæntar gersemar úr ruslinu á hverjum degi,“ segir Ragna um nytjamarkaðinn vinsæla sem hefur nýst mörgum vel í upphafi búskapar eða við leit að einhverju einstöku á heimilið. Góði hirðirinn er gott dæmi um samstarf íbúa og endurvinnslustöðva þar sem allur ágóði er nýttur til góðgerðarmála og frá árinu 1999 hafa 130 milljónir verið gefnar. Í Sorpu er endurvinnanlegur úrgangur, eins og pappír og plast, sendur til endurvinnslu í Svíþjóð. „Sorpa tekur á móti 36 flokkum úrgangs á endurvinnslustöðvum sínum og flest verður aftur að verðmætum. Þar má nefna lager framtíðar í Álfsnesi þar sem leynist fjölbreytt hráefni. Nú þegar notum við lífrænan hluta sorps sem brotnar niður í hauggas og við hreinsum í metangas. Í dag er það svo flutt á Bíldshöfða sem vistvæn orka og eldsneyti á metanbílaflotann,“ útskýrir Ragna. Þess má geta að Sorpa tekur á móti hópum í fræðslu og mætir einnig í fyrirtæki. Sorpa hefur einnig látið útbúa flokkunartöflu og endurvinnslupoka fyrir flokkaðan úrgang til heimilisnota. Í flokkunartöflunni kemur fram hvaða úrgangur fer í hvern flokk, hvernig ganga á frá úrgangi, hvert á að skila honum og hvað verður um hann í endurvinnsluferlinu. Sjá meira á vef Sorpu. Mest lesið „Ég var búinn að heyra stríðssögur um hvað fyrstu mánuðirnir væru erfiðir“ Atvinnulíf Leiðir dýra útrás Collab meðfram MBA-námi Viðskipti innlent Borgaði klink fyrir Kastalann og ekki krónu fyrir Wok On Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Brúneggjamálið tekið fyrir í Hæstarétti Viðskipti innlent Að nálgast starfsmann sem líður illa, er reiður eða leiður Atvinnulíf Ósáttur með sætin og fær milljón endurgreidda Neytendur Stærsti Hiab krani í heimi á sumarsýningu Veltis Samstarf Sóttu fjármálastjóra til Landsbankans Viðskipti innlent Úr boltanum í tryggingarnar Viðskipti innlent Fleiri fréttir Einn glæsilegasti golfvöllur landsins í Kiðjabergi Stærsti Hiab krani í heimi á sumarsýningu Veltis Áhersla á öryggi viðskiptavina Eftirvagnar breyta aksturseigileikum bílsins Tæknin tekur yfir leigubílamarkaðinn Hægt að tilkynna holur á vegum á vegbót.is – FÍB er alltaf á vaktinni Brimborg lækkar verð á rafbílnum Volvo EX30 Nýr Peugeot E-3008 rafbíll frumsýndur í Brimborg Bílaumboðið Una skrifar undir samning við XPENG Skelltu þér í sólina í sumar Nýjungar á Hótel Grímsborgum Ánægðari börn, foreldrar og starfsfólk og öflugt fagstarf Brimborg lækkar verð á Polestar Iðnaðarmaður ársins 2024 er fundinn Ofursmart heilsárshús Glæsilegar íbúðir með frábæru útsýni Ný leið fyrir fyrirtæki til að rafvæða bílaflotann Toyota fagnar sumrinu á laugardag Þú þarft ekki að óttast rigninguna Eitt glæsilegasta byggingarsvæði höfuðborgarsvæðisins Sjá meira
Hér er strax hafið mikið pappírsflóð og við í Sorpu erum vel undirbúin að taka á móti því öllu,“ upplýsir Ragna Ingibjörg Halldórsdóttir, deildarstjóri umhverfis- og fræðsludeildar Sorpu. Ragna segir að þrátt fyrir tunnuvæðingu sveitarfélaganna hafi það komið stjórnendum skemmtilega á óvart að íbúar höfuðborgarsvæðisins hafa ekki minnkað við sig að skila endurvinnanlegum pappír og pappa í grenndarstöðvar Sorpu. „Með átaki sveitarfélaga um flokkun og endurvinnslu pappírs sýnir sig að þau eru að ná inn pappír sem áður fór í tunnuna með heimilissorpinu. Enda er einfalt fyrir íbúana að hefja þetta verkefni, jafnvel þótt það kosti sérferð í sorpgeymsluna. Flestir hafa gott af hreyfingu og upplagt að líta á það sem líkamsrækt,“ segir Ragna kankvís, „og allur pappírinn fer að sjálfsögðu í endurvinnslu!“ Ragna segir flesta vel kunnuga Sorpu enda reki fyrirtækið sex endurvinnslustöðvar og áttatíu grenndargáma víðs vegar á höfuðborgarsvæðinu. „Sorpa sér ekki um sorphirðu sem slíka heldur eingöngu móttöku úrgangs. Í móttökustöð okkar í Gufunesi koma sorphirðubílar af öllu höfuðborgarsvæðinu og þar tökum við á móti blönduðum og flokkuðum úrgangi sem við komum í réttan farveg. Blandaður, óendurvinnanlegur úrgangur er urðaður í Álfsnesi en fer fyrst í hakkavél og þaðan á segulfæribönd sem nær úr honum sextíu prósentum alls málms sem einnig fer í endurvinnslu,“ útskýrir Ragna um dagleg kraftaverk Sorpu í þágu náttúrunnar. „Allur úrgangur er hráefni og í sorpi felast heilmikil verðmæti. Því má segja að Sorpa sé gullkista sem höfðar til gullgrafarans í okkur öllum,“ segir Ragna og vísar til Góða hirðisins, skrautfjöður Sorpu sem leiðir til endurnotkunar hluta. „Vísir að Góða hirðinum varð til árið 1994 þegar starfsmönnum endurvinnslustöðvar blöskraði hversu margir heillegir hlutir fóru í förgun. Sjarmi Góða hirðisins er að enginn veit hverju hann á von á; þar er enginn fastur lager heldur óvæntar gersemar úr ruslinu á hverjum degi,“ segir Ragna um nytjamarkaðinn vinsæla sem hefur nýst mörgum vel í upphafi búskapar eða við leit að einhverju einstöku á heimilið. Góði hirðirinn er gott dæmi um samstarf íbúa og endurvinnslustöðva þar sem allur ágóði er nýttur til góðgerðarmála og frá árinu 1999 hafa 130 milljónir verið gefnar. Í Sorpu er endurvinnanlegur úrgangur, eins og pappír og plast, sendur til endurvinnslu í Svíþjóð. „Sorpa tekur á móti 36 flokkum úrgangs á endurvinnslustöðvum sínum og flest verður aftur að verðmætum. Þar má nefna lager framtíðar í Álfsnesi þar sem leynist fjölbreytt hráefni. Nú þegar notum við lífrænan hluta sorps sem brotnar niður í hauggas og við hreinsum í metangas. Í dag er það svo flutt á Bíldshöfða sem vistvæn orka og eldsneyti á metanbílaflotann,“ útskýrir Ragna. Þess má geta að Sorpa tekur á móti hópum í fræðslu og mætir einnig í fyrirtæki. Sorpa hefur einnig látið útbúa flokkunartöflu og endurvinnslupoka fyrir flokkaðan úrgang til heimilisnota. Í flokkunartöflunni kemur fram hvaða úrgangur fer í hvern flokk, hvernig ganga á frá úrgangi, hvert á að skila honum og hvað verður um hann í endurvinnsluferlinu. Sjá meira á vef Sorpu.
Mest lesið „Ég var búinn að heyra stríðssögur um hvað fyrstu mánuðirnir væru erfiðir“ Atvinnulíf Leiðir dýra útrás Collab meðfram MBA-námi Viðskipti innlent Borgaði klink fyrir Kastalann og ekki krónu fyrir Wok On Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Brúneggjamálið tekið fyrir í Hæstarétti Viðskipti innlent Að nálgast starfsmann sem líður illa, er reiður eða leiður Atvinnulíf Ósáttur með sætin og fær milljón endurgreidda Neytendur Stærsti Hiab krani í heimi á sumarsýningu Veltis Samstarf Sóttu fjármálastjóra til Landsbankans Viðskipti innlent Úr boltanum í tryggingarnar Viðskipti innlent Fleiri fréttir Einn glæsilegasti golfvöllur landsins í Kiðjabergi Stærsti Hiab krani í heimi á sumarsýningu Veltis Áhersla á öryggi viðskiptavina Eftirvagnar breyta aksturseigileikum bílsins Tæknin tekur yfir leigubílamarkaðinn Hægt að tilkynna holur á vegum á vegbót.is – FÍB er alltaf á vaktinni Brimborg lækkar verð á rafbílnum Volvo EX30 Nýr Peugeot E-3008 rafbíll frumsýndur í Brimborg Bílaumboðið Una skrifar undir samning við XPENG Skelltu þér í sólina í sumar Nýjungar á Hótel Grímsborgum Ánægðari börn, foreldrar og starfsfólk og öflugt fagstarf Brimborg lækkar verð á Polestar Iðnaðarmaður ársins 2024 er fundinn Ofursmart heilsárshús Glæsilegar íbúðir með frábæru útsýni Ný leið fyrir fyrirtæki til að rafvæða bílaflotann Toyota fagnar sumrinu á laugardag Þú þarft ekki að óttast rigninguna Eitt glæsilegasta byggingarsvæði höfuðborgarsvæðisins Sjá meira