Zidane verður aðstoðarmaður Ancelotti

Frakkinn Zinedine Zidane verður næsti aðstoðarþjálfari Carlo Ancelotti sem tók við Real Madrid í gær.

Zidane á langa sögu með spænska félaginu og lék þar frá árinu 2001-2006  en hann er að mörgum talinn einn besti knattspyrnumaður sögunar.

„Hann var stórbrotinn leikmaður,“ sagði Ancelotti við fjölmiðla á Spáni í dag.

„Það var hans vilji að taka að sér þetta verkefni og ég fagna því. Zidane hefur gríðarlega reynslu og  ég hlakka mikið til að vinna með honum.“