Savage úr leik hjá Íslandsmeisturunum?

Bandaríski markvörðurinn Kaitlyn Savage er ekki í leikmannahópi Þórs/KA sem mætir Stjörnunni í Meistarakeppni KSÍ klukkan 15.

Savage meiddist undir lok síns fyrsta leiks gegn Val í Lengjubikarnum á dögunum. Er jafnvel óttast að hún hafi slitið krossbönd. Mjög ólíklegt er að hún komi nokkuð við sögu hjá Íslandsmeisturunum í sumar.

Helena Jónsdóttir stendur vaktina í marki Þórs/KA í dag en leikurinn hefst klukkan 15. Hann verður í beinni textalýsingu hér á Vísi. Sjá hér.