Miklu púðri eytt í tittlingaskít Haukur Viðar Alfreðsson skrifar 16. apríl 2013 11:07 Birgitta segir nauðsynlegt að stigið sé varlega til jarðar í aðdraganda kosninganna. „ Lítill fugl hvíslaði að þér að það eigi að skúbba einhverju um mig frá því að ég bjó í Hveragerði þegar ég var 14 ára.“ Þetta skrifaði Birgitta Jónsdóttir, oddviti Pírata í Suðvesturkjördæmi, á Facebook-síðu sína í gærkvöldi. Birgitta skrifar um tilraunir sínar með sjóveikispillur, barnaperra sem hún reyndi að fá vikið frá störfum, og að lokum gagnrýnir hún fjölmiðla fyrir fréttaflutning í aðdraganda kosninganna.„Annars þá finnst mér þessar persónulegu árásir í kringum þingkosningarnar með einhverju því alömurlegasta sem ég man eftir. Ég ætla ekki að fara á þetta sama plan og mun ekki eyða einni einustu mínútu í að leita uppi slíka hluti um frambjóðendur annarra framboða.“ Vísir hafði samband við Birgittu og spurði hana nánar út í færsluna. „Það var hringt í mig og ég látin vita að það væri verið að reyna að grafa eitthvað upp um mig sem tengdist Hveragerði, og þetta var það eina sem mér datt í hug að fólk hefði getað grafið upp um mig þar. Ég hef alltaf komið hreint og beint fram með mína fortíð og ég er bara ánægð með hana þar sem hún varð til þess að ég er aðeins skárri manneskja í dag. En auðvitað var þetta háð líka. Þetta er komið út í svo mikla vitleysu.“ Birgitta vísar þar til fréttaflutnings síðustu daga þar sem bakgrunnur frambjóðenda til Alþingis hefur verið skoðaður. Hún segir samanburð við Wikileaks ekki eiga við. „Wikileaks gengur ekki út á að pósta upplýsingum um einstaklinga sem skipta ekki máli heldur að pósta upplýsingum sem eiga erindi til almennings út af almannaheillum, opinberum upplýsingum sem almenningur á að hafa aðgengi að.“ Aðspurð hvort kjósendur eigi ekki rétt á að vita sem mest um þá sem þeir greiða atkvæði segir hún það vera gott í sumum tilfellum. „Mér fannst mjög fínt að vita af þessum mönnum í 14. sæti hjá okkur sem hefðu hugsanlega getað orðið varamenn ef við hefðum fengið 200 þúsund atkvæði. En það voru mikil mistök að tína til mál mannsins hjá Alþýðuhreyfingunni sem missti heimili sitt. Síðan kemur í ljós að hann hafði unnið málið í Hæstarétti. Það á ekki að setja hann í sama hóp og menn sem hafa verið dæmdir fyrir ofbeldisverk.“Finnst kosningabaráttan orðin ljót Birgitta segir það þjóðfélagsmein hversu erfitt það er fyrir fólk sem setið hefur í fangelsi að koma aftur inn í samfélagið. „Það væri athyglisvert að taka það saman hversu há prósenta Íslendinga hafa verið dæmdir. Þeir sem hafa verið dæmdir og hafa tekið út sína refsingu eiga fullan rétt á því að fá að taka þátt í samfélaginu. Hjörleifur, þessi sem er í 14. sæti á mínum lista, ef við værum búin að innleiða þingsályktunina sem ég lagði fram áður en þinginu lauk um að afglæpavæða fíkniefnaneyslu þá væri þessi maður ekki með svona marga dóma á bakinu og væri væntanlega ekki í sömu vandræðum og hann hefur verið í lífinu.“ Birgitta segir nauðsynlegt að stigið sé varlega til jarðar í aðdraganda kosninganna. „Mér finnst þessi kosningabarátta núna orðin pínu ljót. Það er miklu púðri eytt í það sem ég kalla tittlingaskít, fyrir utan þetta mál með hann Inga sem var hjá okkur. Þá er ég bara að tala almennt, ég upplifi okkur ekki sem eitthvað fórnarlamb í þessu máli. Við höfum alveg bein í nefinu til að taka því þó menn dragi upp sjö ára gamlar bloggfærslur. Almennt séð vona ég að við séum ekki að fara út í þannig tegund af kosningabaráttu að hún fari að snúast um smáatriðin á meðan stóru málin eru ekki rædd.“ Kosningar 2013 Mest lesið Hafi verið látinn fljúga þrátt fyrir þekkt andleg veikindi Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Bogi les sinn síðasta fréttatíma á morgun Innlent Telur að Selenskí geti samþykkt að gefa eftir Krímskaga Erlent Rúmur helmingur óhress með Trump Erlent „Ég vildi óska að fólk gæti séð drenginn minn eins og hann er“ Innlent Hljóðheimur sumarsins í hættu: Mikil fækkun lóu og spóa Innlent Tekur við sem framkvæmdastjóri Bergsins Headspace Innlent Ökumaðurinn í Vancouver ákærður fyrir manndráp Erlent Fleiri fréttir Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Mikill viðsnúningur hjá Árborg í fjármálum sveitarfélagsins Amman handleggsbrotin eftir hundsbit með barnabarnið í göngutúr Kvenkyns ökumönnum fækkað: Áhyggjuefni ef almenningur treystir ekki leigubílstjórum Áhyggjur leigubílstjóra og kólnandi hagkerfi Óvissa um heimshagkerfið og úrsögn Sólveigar Önnu „Ég vildi óska að fólk gæti séð drenginn minn eins og hann er“ Töldu Akureyringa ekki reka alvöruflugfélag Hefur áhyggjur af rekstri skólans undir Rafmennt Vita ekki hver áhrif fyrirætlanna Meta verða Jón Ólafsson segir skilið við útvarpið Nýtt og glæsilegt svínabú í Eyjafirði fyrir 400 gyltur Aukið eftirlit til muna eftir brot bílstjórans gegn konunni Útför páfa og afbrot leigubílstjóra Hreindýr í sjónum við Djúpavog Sjá meira
„ Lítill fugl hvíslaði að þér að það eigi að skúbba einhverju um mig frá því að ég bjó í Hveragerði þegar ég var 14 ára.“ Þetta skrifaði Birgitta Jónsdóttir, oddviti Pírata í Suðvesturkjördæmi, á Facebook-síðu sína í gærkvöldi. Birgitta skrifar um tilraunir sínar með sjóveikispillur, barnaperra sem hún reyndi að fá vikið frá störfum, og að lokum gagnrýnir hún fjölmiðla fyrir fréttaflutning í aðdraganda kosninganna.„Annars þá finnst mér þessar persónulegu árásir í kringum þingkosningarnar með einhverju því alömurlegasta sem ég man eftir. Ég ætla ekki að fara á þetta sama plan og mun ekki eyða einni einustu mínútu í að leita uppi slíka hluti um frambjóðendur annarra framboða.“ Vísir hafði samband við Birgittu og spurði hana nánar út í færsluna. „Það var hringt í mig og ég látin vita að það væri verið að reyna að grafa eitthvað upp um mig sem tengdist Hveragerði, og þetta var það eina sem mér datt í hug að fólk hefði getað grafið upp um mig þar. Ég hef alltaf komið hreint og beint fram með mína fortíð og ég er bara ánægð með hana þar sem hún varð til þess að ég er aðeins skárri manneskja í dag. En auðvitað var þetta háð líka. Þetta er komið út í svo mikla vitleysu.“ Birgitta vísar þar til fréttaflutnings síðustu daga þar sem bakgrunnur frambjóðenda til Alþingis hefur verið skoðaður. Hún segir samanburð við Wikileaks ekki eiga við. „Wikileaks gengur ekki út á að pósta upplýsingum um einstaklinga sem skipta ekki máli heldur að pósta upplýsingum sem eiga erindi til almennings út af almannaheillum, opinberum upplýsingum sem almenningur á að hafa aðgengi að.“ Aðspurð hvort kjósendur eigi ekki rétt á að vita sem mest um þá sem þeir greiða atkvæði segir hún það vera gott í sumum tilfellum. „Mér fannst mjög fínt að vita af þessum mönnum í 14. sæti hjá okkur sem hefðu hugsanlega getað orðið varamenn ef við hefðum fengið 200 þúsund atkvæði. En það voru mikil mistök að tína til mál mannsins hjá Alþýðuhreyfingunni sem missti heimili sitt. Síðan kemur í ljós að hann hafði unnið málið í Hæstarétti. Það á ekki að setja hann í sama hóp og menn sem hafa verið dæmdir fyrir ofbeldisverk.“Finnst kosningabaráttan orðin ljót Birgitta segir það þjóðfélagsmein hversu erfitt það er fyrir fólk sem setið hefur í fangelsi að koma aftur inn í samfélagið. „Það væri athyglisvert að taka það saman hversu há prósenta Íslendinga hafa verið dæmdir. Þeir sem hafa verið dæmdir og hafa tekið út sína refsingu eiga fullan rétt á því að fá að taka þátt í samfélaginu. Hjörleifur, þessi sem er í 14. sæti á mínum lista, ef við værum búin að innleiða þingsályktunina sem ég lagði fram áður en þinginu lauk um að afglæpavæða fíkniefnaneyslu þá væri þessi maður ekki með svona marga dóma á bakinu og væri væntanlega ekki í sömu vandræðum og hann hefur verið í lífinu.“ Birgitta segir nauðsynlegt að stigið sé varlega til jarðar í aðdraganda kosninganna. „Mér finnst þessi kosningabarátta núna orðin pínu ljót. Það er miklu púðri eytt í það sem ég kalla tittlingaskít, fyrir utan þetta mál með hann Inga sem var hjá okkur. Þá er ég bara að tala almennt, ég upplifi okkur ekki sem eitthvað fórnarlamb í þessu máli. Við höfum alveg bein í nefinu til að taka því þó menn dragi upp sjö ára gamlar bloggfærslur. Almennt séð vona ég að við séum ekki að fara út í þannig tegund af kosningabaráttu að hún fari að snúast um smáatriðin á meðan stóru málin eru ekki rædd.“
Kosningar 2013 Mest lesið Hafi verið látinn fljúga þrátt fyrir þekkt andleg veikindi Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Bogi les sinn síðasta fréttatíma á morgun Innlent Telur að Selenskí geti samþykkt að gefa eftir Krímskaga Erlent Rúmur helmingur óhress með Trump Erlent „Ég vildi óska að fólk gæti séð drenginn minn eins og hann er“ Innlent Hljóðheimur sumarsins í hættu: Mikil fækkun lóu og spóa Innlent Tekur við sem framkvæmdastjóri Bergsins Headspace Innlent Ökumaðurinn í Vancouver ákærður fyrir manndráp Erlent Fleiri fréttir Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Mikill viðsnúningur hjá Árborg í fjármálum sveitarfélagsins Amman handleggsbrotin eftir hundsbit með barnabarnið í göngutúr Kvenkyns ökumönnum fækkað: Áhyggjuefni ef almenningur treystir ekki leigubílstjórum Áhyggjur leigubílstjóra og kólnandi hagkerfi Óvissa um heimshagkerfið og úrsögn Sólveigar Önnu „Ég vildi óska að fólk gæti séð drenginn minn eins og hann er“ Töldu Akureyringa ekki reka alvöruflugfélag Hefur áhyggjur af rekstri skólans undir Rafmennt Vita ekki hver áhrif fyrirætlanna Meta verða Jón Ólafsson segir skilið við útvarpið Nýtt og glæsilegt svínabú í Eyjafirði fyrir 400 gyltur Aukið eftirlit til muna eftir brot bílstjórans gegn konunni Útför páfa og afbrot leigubílstjóra Hreindýr í sjónum við Djúpavog Sjá meira