Besti grasvöllur í Noregi eyðilagður Kolbeinn Tumi Daðason skrifar 5. júní 2012 07:00 Líður best á grasinu. Matthías grætur gamla grasið á Kristiansand-leikvanginum sem var á dögunum skipt út fyrir gervigras. Hann er þó farinn að sætta sig við að spila á gervigrasi eins og er algengt í Noregi. Fréttablaðið/Vilhelm Matthías Vilhjálmsson hefur farið á kostum það sem af er tímabili með Start í Noregi. Matthías, sem er í láni hjá norska liðinu frá FH, hefur skorað sjö mörk í tíu leikjum Start sem situr í öðru sæti deildarinnar þegar fjögurra vikna frí er farið í hönd. „Ég hef verið að spila frammi hjá Start. Hjá FH var ég í aðeins meira varnarhlutverki en hér get ég einbeitt mér að vítateignum sem mér finnst ég vera góður í," segir Matthías um ástæðu þess hvers vegna svo vel gangi hjá honum í markaskorun í Noregi. Matthías, sem ættaður er frá Ísafirði, spilaði sem framherji upp alla yngri flokka sem er sú staða sem hann kann best við. „Ég leitaðist eftir því að komast að hjá félagi þar sem ég fengi að spila sem framherji. Hjá FH höfðum við fyrir tvo mjög góða framherja svo ég vissi að ég fengi ekki að spila þá stöðu mikið þar." Athygli vakti að Matthías og Guðmundur Kristjánsson, leikmaður Breiðabliks, skyldu fara að láni til liðs í næstefstu deild í Noregi. Frammistaða þeirra hefur ekki farið framhjá áhugafólki um knattspyrnu og menn hafa velt fyrir sér styrkleika deildarinnar. Komnir á gervigras„KR, FH og þessi helstu lið myndu pluma sig vel í þessari deild. En þar sem þetta er atvinnumennska eru menn yfirleitt í betri þjálfun. Þá er umgjörðin flottari, blaðamenn mættir á æfingar og svoleiðis. FH og KR gætu alveg unnið þessi lið í bikarleikjum heima og heiman en heilt yfir eru þessi topplið hérna þó mjög góð lið." Start ætlar sér stóra hluti og ekkert feimnismál að liðið ætlar upp í efstu deild. „Markmiðið hefur verið opinberað í fjölmiðlum, eiginlega bara of oft. Við ætlum að vinna þessa deild. Menn fara ekkert í grafgötur með það. Þetta er á réttri leið en það er nóg eftir," segir Matthías en bætir við að sorgardagur hafi verið hjá félaginu í síðustu viku. Þá var grasinu á leikvangi félagsins skipt út fyrir gervigras. „Þetta var einhver pólitísk ákvörðun hér í Kristiansand því það er víst svo dýrt fyrir félagið að halda grasinu úti en það þarf víst að borga okkur Gumma laun," segir Matthías glettinn og bætir við að um besta gras í Noregi hafi verið að ræða. Hann segist þó orðinn vanur gervigrasinu. „Það eru bara örfá lið í deildinni sem spila á grasi og það sama er uppi á teningnum í úrvalsdeildinni. Við erum búnir að væla lengi yfir gervigrasinu hjá Stjörnunni en það eru fleiri grasvellir á Íslandi heldur en í Noregi," segir Matthías sem segir þó alls ekki hægt að kvarta yfir gervigrasinu í Noregi. „Flestallt sem ég hef spilað á hingað til hefur verið mjög fínt. Flestir leikvangarnir eru glænýir og þeir eru duglegir að skipta um gervigras," segir Matthías. Matthías flutti til Noregs í febrúar og hefur verið fjarri konu og barni síðan, sem hann segir hafa verið erfitt. „Þú getur rétt ímyndað þér það. En þau kíktu til mín í heimsókn um daginn og flytja svo út til mín í júlí. Maður lifir þetta af," sagði Matthías. Líf atvinnumannsins getur verið einmanalegt og alls ekki gefið að sama stemning myndist í leikmannahópum eins og í félögunum hér á landi. Matthías ber þó liðsfélögum sínum hjá Start vel söguna. „Hópurinn er nánari en ég bjóst við. Hann er lítill með mörgum ungum strákum. Við höfum kynnst vel og félagsskapurinn er góður," segir Matthías. Vill komast í landsliðiðMatthías var ekki valinn í landsliðshóp Íslands fyrir leikina gegn Frakklandi og Svíþjóð í síðasta mánuði. Hann heyrði ekkert frá Lars Lagerbäck í aðdraganda leikjanna en telur reyndar að þeir Guðmundur hafi ekki verið gjaldgengir í leikina hvort eð var þar sem leikið var í deildinni á sama tíma. „Við vorum búnir að sætta okkur við að vera ekki í þessum hóp og stefnum bara á næsta leik. Markmiðið er að sjálfsögðu alltaf að spila með landsliðinu," segir Matthías sem er kominn til Íslands í tíu daga frí. Hann ætlar sér að æfa með FH í fríinu, fái hann leyfi, en Matthías fylgist vel með gangi mála FH frá Noregi. „Að sjálfsögðu. Við erum með tippkeppni í gangi og horfum á Pepsi-mörkin á kvöldin," segir Matthías sem leiðir í tippkeppninni, með naumindum þó. Matthías verður í herbúðum norska liðsins til áramóta. Þá snýr hann aftur í Hafnarfjörðinn en hann framlengdi við FH um eitt ár áður en hann hélt í víking. „Mér fannst það sanngjarnt gagnvart þeim enda hafa þeir sinnt mér vel." Fótbolti á Norðurlöndum Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Stöðvuðu bardaga alblóðugrar Valgerðar Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Í beinni: Víkingur - Þróttur | Geta enn komist ofar fyrir lokin „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Sjá meira
Matthías Vilhjálmsson hefur farið á kostum það sem af er tímabili með Start í Noregi. Matthías, sem er í láni hjá norska liðinu frá FH, hefur skorað sjö mörk í tíu leikjum Start sem situr í öðru sæti deildarinnar þegar fjögurra vikna frí er farið í hönd. „Ég hef verið að spila frammi hjá Start. Hjá FH var ég í aðeins meira varnarhlutverki en hér get ég einbeitt mér að vítateignum sem mér finnst ég vera góður í," segir Matthías um ástæðu þess hvers vegna svo vel gangi hjá honum í markaskorun í Noregi. Matthías, sem ættaður er frá Ísafirði, spilaði sem framherji upp alla yngri flokka sem er sú staða sem hann kann best við. „Ég leitaðist eftir því að komast að hjá félagi þar sem ég fengi að spila sem framherji. Hjá FH höfðum við fyrir tvo mjög góða framherja svo ég vissi að ég fengi ekki að spila þá stöðu mikið þar." Athygli vakti að Matthías og Guðmundur Kristjánsson, leikmaður Breiðabliks, skyldu fara að láni til liðs í næstefstu deild í Noregi. Frammistaða þeirra hefur ekki farið framhjá áhugafólki um knattspyrnu og menn hafa velt fyrir sér styrkleika deildarinnar. Komnir á gervigras„KR, FH og þessi helstu lið myndu pluma sig vel í þessari deild. En þar sem þetta er atvinnumennska eru menn yfirleitt í betri þjálfun. Þá er umgjörðin flottari, blaðamenn mættir á æfingar og svoleiðis. FH og KR gætu alveg unnið þessi lið í bikarleikjum heima og heiman en heilt yfir eru þessi topplið hérna þó mjög góð lið." Start ætlar sér stóra hluti og ekkert feimnismál að liðið ætlar upp í efstu deild. „Markmiðið hefur verið opinberað í fjölmiðlum, eiginlega bara of oft. Við ætlum að vinna þessa deild. Menn fara ekkert í grafgötur með það. Þetta er á réttri leið en það er nóg eftir," segir Matthías en bætir við að sorgardagur hafi verið hjá félaginu í síðustu viku. Þá var grasinu á leikvangi félagsins skipt út fyrir gervigras. „Þetta var einhver pólitísk ákvörðun hér í Kristiansand því það er víst svo dýrt fyrir félagið að halda grasinu úti en það þarf víst að borga okkur Gumma laun," segir Matthías glettinn og bætir við að um besta gras í Noregi hafi verið að ræða. Hann segist þó orðinn vanur gervigrasinu. „Það eru bara örfá lið í deildinni sem spila á grasi og það sama er uppi á teningnum í úrvalsdeildinni. Við erum búnir að væla lengi yfir gervigrasinu hjá Stjörnunni en það eru fleiri grasvellir á Íslandi heldur en í Noregi," segir Matthías sem segir þó alls ekki hægt að kvarta yfir gervigrasinu í Noregi. „Flestallt sem ég hef spilað á hingað til hefur verið mjög fínt. Flestir leikvangarnir eru glænýir og þeir eru duglegir að skipta um gervigras," segir Matthías. Matthías flutti til Noregs í febrúar og hefur verið fjarri konu og barni síðan, sem hann segir hafa verið erfitt. „Þú getur rétt ímyndað þér það. En þau kíktu til mín í heimsókn um daginn og flytja svo út til mín í júlí. Maður lifir þetta af," sagði Matthías. Líf atvinnumannsins getur verið einmanalegt og alls ekki gefið að sama stemning myndist í leikmannahópum eins og í félögunum hér á landi. Matthías ber þó liðsfélögum sínum hjá Start vel söguna. „Hópurinn er nánari en ég bjóst við. Hann er lítill með mörgum ungum strákum. Við höfum kynnst vel og félagsskapurinn er góður," segir Matthías. Vill komast í landsliðiðMatthías var ekki valinn í landsliðshóp Íslands fyrir leikina gegn Frakklandi og Svíþjóð í síðasta mánuði. Hann heyrði ekkert frá Lars Lagerbäck í aðdraganda leikjanna en telur reyndar að þeir Guðmundur hafi ekki verið gjaldgengir í leikina hvort eð var þar sem leikið var í deildinni á sama tíma. „Við vorum búnir að sætta okkur við að vera ekki í þessum hóp og stefnum bara á næsta leik. Markmiðið er að sjálfsögðu alltaf að spila með landsliðinu," segir Matthías sem er kominn til Íslands í tíu daga frí. Hann ætlar sér að æfa með FH í fríinu, fái hann leyfi, en Matthías fylgist vel með gangi mála FH frá Noregi. „Að sjálfsögðu. Við erum með tippkeppni í gangi og horfum á Pepsi-mörkin á kvöldin," segir Matthías sem leiðir í tippkeppninni, með naumindum þó. Matthías verður í herbúðum norska liðsins til áramóta. Þá snýr hann aftur í Hafnarfjörðinn en hann framlengdi við FH um eitt ár áður en hann hélt í víking. „Mér fannst það sanngjarnt gagnvart þeim enda hafa þeir sinnt mér vel."
Fótbolti á Norðurlöndum Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Stöðvuðu bardaga alblóðugrar Valgerðar Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Í beinni: Víkingur - Þróttur | Geta enn komist ofar fyrir lokin „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Sjá meira