Ölfus og OR sýni náttúruperlum nærgætni

Bæjarstjórn Hveragerðisbæjar vill að Sveitarfélagið Ölfus og Orkuveita Reykjavíkur gangi af virðingu og nærgætni um náttúruperlur Hengilssvæðisins í skipulagsmálum og framkvæmdum næstu ára. Þetta kemur fram í ályktun frá bæjarfélaginu.

Bent er á að margar náttúruperlur Ölfuss, eins og Reykjadalur, Grændalur og Ölkeldurháls, séu í næsta nágrenni Hveragerðis og þær laði til sín fjölmargt útivistarfólk og náttúruunnendur á ári hverju. Enn fremur segir bæjarstjórn Hveragerðis skýrt kveðið á um umhverfisbætur og bætt aðgengi fyrir ferðafólk á Hengilsvæðinu í samningi Orkuveitu Reykjavíkur og bæjarins frá árinu 2004.