Formannsskipti hjá Landssambandi hestamannafélaga

Í dag hefst þing Landssambands hestamannafélaga í Borgarnesi. Það er í boði Hestamannafélagsins Skugga og stendur fram á seinnipart laugardags.

Reiknað er með um 160 fulltrúum á þinginu sem eru 26 fleiri en á síðasta þingi, það skýrist af því að íslenskum hestamannafélögum hefur farið fjölgandi á undanförnum árum. Fyrir þinginu liggur meðal annars að kjósa nýjan formann því Jón Albert Sigurbjörnsson, núverandi formaður, gefur ekki kost á sér til endurkjörs.