Laus úr gæsluvarðhaldi

Maðurinn sem úrskurðaður var í einnar viku gæsluvarðhald síðastliðinn þriðjudag, eftir að um 200 kannabisplöntur og nokkur kíló af kannabisefnum fundust á heimili hans í uppsveitum Árnessýslu, hefur verið látinn laus.

Maðurinn kærði gæsluvarðhaldsúrskurðinn til Hæstaréttar sem staðfesti úrskurðinn. Rétt eftir miðnætti aðfaranótt laugardags þótti það hins vegar ekki þjóna rannsóknarhagsmunum að hafa manninn lengur í haldi og var honum sleppt lausum.