Essien leiður á óvissunni

Mikael Essien vill ólmur komast til Chelsea frá Lyon í Frakklandi, en tveimur tilboðum ensku meistarana hefur þegar verið hafnað í leikmanninn. Essien segist ekki geta hugsað sér að sleppa svo góðu tækifæri. "Ég er sannfærður um að á endanum muni ég leika fyrir Chelsea. Þó síðustu vikur hafi verið erfiðar, vegna þess að framtíð mín hefur verið óljós, er vilji min alveg skýr. Ég vil leika í ensku úrvalsdeildinni og vonandi verður gengið frá samningum sem allra fyrst."