Fundust heil á húfi

Laust eftir klukkan 17.00 í dag voru björgunarsveitir á Hellissandi og Ólafsvík kallaðar út vegna neyðarkalls sem borist hafði úr farsíma við sunnanverðan Snæfellsjökul. Ferðamenn höfðu villst sunnanmegin í Snæfellsjökli. Alls fóru 18. björgunarsveitarmenn á þremur bílum og með 8 vélsleða til leitar. Um klukkan 19.20, fundu björgunarsveitarmenn þá týndu við jökulrætur. Á svæðinu var lágskýjað og nokkur þokusúld. Fólkið var heilt á húfi, en nokkuð kalt.