Nýr lúxusbíll frá Porsche

Bílaframleiðandinn Porsche hyggst kynna nýjan bíl í lok ársins. Um er að ræða fimm dyra útfærslu á Porsche 911 sem verður í flokki stærri lúxusbíla. Þessi nýja útfærsla verður líklega kynnt í september á þessu ári en fer þó ekki í sölu fyrr en árið 2009. Nýi bíllinn verður byggður á nýjum undirvagni og hugsanlegt að Porsche leiti aftur í samstarf við Volkswagen. Bíllinn verður líklega um 4,9 metra langur og verður boðinn með fjölbreytilegu safni véla.