Íbúð stórskemmdist í bruna

Íbúinn í kjallaraíbúðinni sagðist í samtali við Fréttablaðið hafa verið að steikja franskar kartöflur en ákveðið að skjótast út í búð meðan þær væru að verða tilbúnar og kaupa eitthvað sem sig vanhagaði um í matinn. Íbúðin var hinsvegar alelda þegar hann kom úr þessari skjótu verslunarferð. Að sögn Sigurðar Ómars var slökkviliðið ekki nema tvær til þrjár mínútur á vettvang. Í slökkviliðinu kváðust menn aldrei hafa verið smeykir um að eldurinn breiddist út.