Fjallað um Fischer á fimmtudag

Fjallað verður um málefni bandaríska skákmeistarans Bobby Fischers á fundi í allsherjarnefnd Alþingis á fimmtudaginn. Bjarni Benediktsson, formaður allsherjarnefndar, segir að tíminn milli funda sé notaður til að fara yfir málið og ákveða hvort kallað verður eftir frekari gögnum. Hann kvaðst í samtali við Fréttablaðið í gær ekki eiga von á að svo yrði og heldur ekki að lokaákvörðun yrði tekin. "Ég lít ekki svo á að við séum í tímapressu í þessu máli," sagði hann.