Bíll fastur í snjóflóði

Ökumaður keyrði inn í snjóflóð rétt norðan við Sauðanes í Ólafsfjarðarmúla um hádegi í gær. Flóðið var um hálfur metri á þykkt og tíu til tuttugu metrar á breidd, samkvæmt lögreglunni á Dalvík. Bíllinn sat kolfastur og aðstoðaði lögreglan við að losa hann. Ruðningstæki Vegagerðarinnar var kallað til og opnaði leiðina. Lögreglan segir veðuráttina geta leitt til þess að smáflóð fari úr hlíðinni. Snjórinn sé mjög þéttur og ökumönnum beri að fara varlega.