Líst ekki vel á miðlunartillöguna

"Við fyrstu sýn líst mér ekki vel á miðlunartillögu ríkissáttasemjara og mér heyrist svona almennt á kennurum að hún leggist ekki vel í þá," segir Elín Kristófersdóttir umsjónakennari 10. bekkjar og líffræðikennari unglingadeildar hjá Austurbæjarskóla. Hún eigi eftir að leggjast betur yfir tillöguna. "Ég er tilbúin að vinna eins og ég vinn núna en ég hefði viljað fá hærri laun. Mér finnst allt of lítið að eftir fjögur ár fari launin upp í 219 þúsund krónur."