Kennarar fá full laun

Kennurum í Reykjavík verða greidd full föst laun fyrir nóvembermánuð sem ekki taka mið af því að þeir fengu greiddan allan septembermánuð, þó að kennsla hafi hætt tuttugasta þess mánaðar. Birgir Björn Sigurjónsson, formaður launanefndar sveitarfélaganna, segir að kennurum verði greitt samkvæmt þeim kjarasamningi sem var í gildi fyrir verkfall. Hann segir að forsvarsmönnum kennara hafi ekki enn verið tilkynnt um þetta en það verði gert á næstu mínútum.