Hver sem er getur grillað fisk 18. júní 2004 00:01 "Það er yfir höfuð dauðaeinfalt að grilla. Aðalatriðið er bara að hafa góðan félagsskap," segir Kristófer Ásmundsson, matreiðslumaður á matsölustaðnum og fiskversluninni Gallerý fiski. "Áhugi fyrir grillun á fisk hefur aukist mjög mikið og færist grilltíminn alltaf framar og framar á almanakinu. Fyrir um tíu árum byrjaði fólk að kaupa grillfisk í júlí en nú í dag kaupir fólk grillfisk í stórum stíl strax um miðjan maí," segir Kristófer. Klassískir fiskar til að grilla eru lúða, skötuselur og lax en einnig hefur Gallerý fiskur verið að kynna fólk fyrir hlýra, löngu og blálöngu á grillið. "Nú er fólk búið að grilla yfir sig af kjöti og hefur því öðlast traust við grillmennskuna. Nú þorir fólk að prófa meira og eftir því sem það grillar oftar eykst færnin. Þá er fólk tilbúið að færa sig yfir í viðkvæmara grillfæði og leikur sér líka með grænmeti á grillinu," segir Kristófer og heldur að ein af ástæðum aukinna vinsælda grillfisks sé að heilsubylgjan hafi tekið allt með trompi. "Áhrif bylgjunnar sem Gaui litli kom af stað með því að stíga á vigtina gætir ennþá." Að sögn Kristófers getur samt hver sem er grillað fisk. "Mikilvægast er að hafa grindina hreina, olíuborna og vel heita. Áður en fisknum er skellt á grillið er örlítilli olíu bætt á hann líka. Byrjað er að grilla á góðum hita en síðan er lækkað undir. Varminn er þá kominn í grindina þannig að hún brennur frá fisknum. Þá losnar hann frá grindinni og hægt er að snúa fisknum við. Þá er fiskurinn orðinn mjög fallegur og fínar rendur á honum," segir Kristófer, sem leggur áherslu á það að aðeins á að grilla fisk einu sinni á hvorri hlið. "Fyrir þá sem eru alveg að byrja er gott að nota álbakka eða hamborgaraklemmu og skella fisknum í bakka eða klemmu á sjóðandi heitt grillið í svona eina til tvær mínútur og snúa svo. Það er alveg sáraeinfalt. Svo getur fólk prófað sig áfram með eitt og eitt stykki. Þá er gott að nota frekar stinnan fisk eins og lúðu, lax, skötusel, keilu eða steinbít," segir Kristófer og bætir við að hægt sé að grilla allt - nema kannski hrísgrjón. "Ég nota allt grænmeti, bæði eitt og sér og á teini, og baka líka kartöflur og hita þær á grillinu. Síðan er gott að hafa ferskt salat og einhverja góða kalda sósu með. Kosturinn við grillmeðlæti er að hægt er að laga það nokkru áður en gestirnir koma þannig að það er allt tilbúið." segir Kristófer að lokum. Matur Mest lesið Út um allar koppagrundir Alþingis: „Froðan flæðir endalaust, það er bara froða froða“ Menning Fóru líka upp á eiginkonuna fyrir besta útsýni landsins Lífið Stjörnulífið: „Virkilega slæm vika fyrir all my haters“ Lífið „Stolt af mínum konum sem geisluðu af gleði“ Lífið Áttu að nefna kvenmannsnöfn sem byrja á D og F Lífið Útilokar ekki að bjóða sig aftur fram Lífið Flogið þangað sem enginn kemst nema í draumi Lífið Sprite Zero Klan gefur út SS pylsulagið í fullri lengd Lífið samstarf Stórborgar fílingur í sögufrægu húsi Jóns Davíðs og Birgittu Lífið Draumkennt brúðkaup á Sardiníu Lífið Fleiri fréttir Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
"Það er yfir höfuð dauðaeinfalt að grilla. Aðalatriðið er bara að hafa góðan félagsskap," segir Kristófer Ásmundsson, matreiðslumaður á matsölustaðnum og fiskversluninni Gallerý fiski. "Áhugi fyrir grillun á fisk hefur aukist mjög mikið og færist grilltíminn alltaf framar og framar á almanakinu. Fyrir um tíu árum byrjaði fólk að kaupa grillfisk í júlí en nú í dag kaupir fólk grillfisk í stórum stíl strax um miðjan maí," segir Kristófer. Klassískir fiskar til að grilla eru lúða, skötuselur og lax en einnig hefur Gallerý fiskur verið að kynna fólk fyrir hlýra, löngu og blálöngu á grillið. "Nú er fólk búið að grilla yfir sig af kjöti og hefur því öðlast traust við grillmennskuna. Nú þorir fólk að prófa meira og eftir því sem það grillar oftar eykst færnin. Þá er fólk tilbúið að færa sig yfir í viðkvæmara grillfæði og leikur sér líka með grænmeti á grillinu," segir Kristófer og heldur að ein af ástæðum aukinna vinsælda grillfisks sé að heilsubylgjan hafi tekið allt með trompi. "Áhrif bylgjunnar sem Gaui litli kom af stað með því að stíga á vigtina gætir ennþá." Að sögn Kristófers getur samt hver sem er grillað fisk. "Mikilvægast er að hafa grindina hreina, olíuborna og vel heita. Áður en fisknum er skellt á grillið er örlítilli olíu bætt á hann líka. Byrjað er að grilla á góðum hita en síðan er lækkað undir. Varminn er þá kominn í grindina þannig að hún brennur frá fisknum. Þá losnar hann frá grindinni og hægt er að snúa fisknum við. Þá er fiskurinn orðinn mjög fallegur og fínar rendur á honum," segir Kristófer, sem leggur áherslu á það að aðeins á að grilla fisk einu sinni á hvorri hlið. "Fyrir þá sem eru alveg að byrja er gott að nota álbakka eða hamborgaraklemmu og skella fisknum í bakka eða klemmu á sjóðandi heitt grillið í svona eina til tvær mínútur og snúa svo. Það er alveg sáraeinfalt. Svo getur fólk prófað sig áfram með eitt og eitt stykki. Þá er gott að nota frekar stinnan fisk eins og lúðu, lax, skötusel, keilu eða steinbít," segir Kristófer og bætir við að hægt sé að grilla allt - nema kannski hrísgrjón. "Ég nota allt grænmeti, bæði eitt og sér og á teini, og baka líka kartöflur og hita þær á grillinu. Síðan er gott að hafa ferskt salat og einhverja góða kalda sósu með. Kosturinn við grillmeðlæti er að hægt er að laga það nokkru áður en gestirnir koma þannig að það er allt tilbúið." segir Kristófer að lokum.
Matur Mest lesið Út um allar koppagrundir Alþingis: „Froðan flæðir endalaust, það er bara froða froða“ Menning Fóru líka upp á eiginkonuna fyrir besta útsýni landsins Lífið Stjörnulífið: „Virkilega slæm vika fyrir all my haters“ Lífið „Stolt af mínum konum sem geisluðu af gleði“ Lífið Áttu að nefna kvenmannsnöfn sem byrja á D og F Lífið Útilokar ekki að bjóða sig aftur fram Lífið Flogið þangað sem enginn kemst nema í draumi Lífið Sprite Zero Klan gefur út SS pylsulagið í fullri lengd Lífið samstarf Stórborgar fílingur í sögufrægu húsi Jóns Davíðs og Birgittu Lífið Draumkennt brúðkaup á Sardiníu Lífið Fleiri fréttir Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira