Umfjöllun, viðtöl, myndir og einkunnir: Víkingur - ÍBV 1-0 | Varamaðurinn tryggði Víkingum þrjú stig Kristinn Páll Teitsson á Víkingsvelli skrifar 25. ágúst 2015 09:11 Finnur Ólafsson í leiknum í kvöld. Vísir/Andri Marinó Andri Rúnar Bjarnason skoraði sigurmark Víkings í kvöld í 1-0 sigri á ÍBV í 17. umferð Pepsi-deild karla. Með sigrinum skaust Víkingur upp í 6. sæti Pepsi-deildarinnar og gekk langt með að tryggja sæti sitt í deild þeirra bestu á næsta ári.Andri Marinó Karlsson, ljósmyndari Vísis og Fréttablaðsins, var á leiknum í kvöld og náði þessum myndum hér fyrir ofan. Leikurinn var gríðarlega mikilvægur fyrir bæði lið í fallbaráttunni með með sigri gat ÍBV jafnað Víking að stigum í töflunni. Að sama skapi gat Víkingur aðgreint sig frá fallbaráttunni með sigri fyrir erfiða leiki gegn FH og Breiðablik. Liðunum gekk illa að fóta sig frá fyrstu mínútur og komst fyrir vikið aldrei gott flæði í leikinn. Einkenndist leikurinn af misheppnuðum sendingum og miðjubaráttu sem gerði það að verkum að leikurinn varð ekki mikið fyrir augað. Heimamenn voru með betri tök á leiknum og fengu betri færi í fyrri hálfleik ef færi skal kalla en það besta féll í skaut Vladimir Tufegdzic þegar hann skallaði fyrirgjöf Rolfs Toft framhjá. Eyjamenn sátu aftarlega og sköpuðu sér fá færi en hefðu hugsanlega átt að fá vítaspyrnu á áttundu mínútu er rifið var í Avni Pepa í vítateig Víkings. Var fyrri hálfleikurinn afar tíðindarlaus en það dróg til tíðinda strax á sjöundu mínútu seinni hálfleiks. Renndi þá Rolf Toft boltanum inn á vítateig ÍBV þar sem Arnþór Ingi Kristinsson setti boltann yfir fyrir opnu marki af hálfs meters færi. Sannkallað dauðafæri og leit lengst af út fyrir að það myndi kosta Víking tvö stig. ÍBV reyndi að færa sig framar á völlinn eftir því sem leið á leikinn og náðu leikmenn liðsins að skapa sér nokkur færi á síðustu tíu mínútum leiksins. Var það því nokkuð óvænt þegar Víkingur skoraði sigurmark leiksins á þriðju mínútu uppbótartíma. Eftir góða spilamennsku upp vinstri kantinn fékk Davíð Örn Atlason boltann og renndi boltanum inn á varamanninn Andra Rúnar Bjarnason sem lagði boltann í netið af vítapunktinum. Glæsileg sókn og kom á besta tíma en Guðmundur Ársæll Guðmundsson, góður dómari leiksins, flautaði leikinn af aðeins örfáum sekúndum síðar. Gríðarlega mikilvægur sigur Víkings staðreynd sem með sigrinum gekk langt með að gulltryggja sæti sitt í Pepsi-deildinni á næsta ári. Hefur liðið fengið alls 12 stig af 18 mögulegum undir stjórn Milosar og er sjö stigum frá fallsæti þegar aðeins fimm umferðir eru eftir. Leikmenn ÍBV hljóta að sjá á eftir stiginu en þeir eru enn með eins stigs forskot á Leikni í fallsæti. Spilamennska liðsins í kvöld var slök, sérstaklega fram á við en varnarleikur liðsins hélt uppteknu striki og leit vel út í kvöld. Það verður sannkallaður fallbaráttuslagur í næstu umferð þegar ÍBV tekur á móti Keflavík á Hásteinsvelli en sama dag á Víkingur erfiðan leik fyrir höndum gegn FH í Kaplakrika. Milos: Hélt að þetta yrði enn eitt jafnteflið„Maður var orðinn þreyttur á öllum þessum jafnteflum og ég hélt að þetta yrði enn einn jafnteflisleikurinn,“ sagði Milos Milojevic, þjálfari Víkings, létt eftir að hafa séð leikmenn sína skora sigurmarkið á 93. mínútu. „Við gerðum það sem við höfum verið að reyna að æfa síðustu daga á æfingarsvæðinu og náðum að klára leikinn á því. Upp úr því fáum við þrjú kærkomin stig á heimavelli.“ Með sigrinum eru leikmenn Víkings nánast búnir að tryggja sæti sitt í Pepsi-deildinni að ári en hefði leikurinn tapast hefði liðið sogast niður í fallbaráttuna. „Allir sigrar eru stórir og maður veit aldrei í þessu. Við reynum bara að einbeita okkur að okkar leik og næsti leikur liðsins er gríðarlega mikilvægur leikur gegn FH. Þeir unnu síðasta leik okkar 1-0 og það verður gaman að sjá hvar við erum staddir gegn þeim í næstu umferð.“ Milos tók undir að spilamennska liðanna í kvöld hefði ekki verið til fyrirmyndar en liðunum gekk illa að skapa sér færi. „Mér fannst spilamennska liðsins vera allt í lagi í fyrri hálfleik. Við vorum að spila vel upp völlinn en svo var alltaf eitthvað sem fór úrskeiðis á lokaþriðjungi vallarins. Í seinni hálfleik var þetta meira kaflaskipt, þeir voru meira með boltann heldur en í fyrri en fengu engin færi.“ Milos sagðist vera hrifinn af ÍBV liðinu. „Þeir eru með flott lið með góðum einstaklingum. Spænski framherjinn þeirra er einn af bestu leikmönnum deildarinnar í sinni stöðu og svo er Gunnar Heiðar alltaf hættulegur.“ Ásmundur: Ekkert sérstakur leikur„Það er alltaf grátlegt að vera í tapliðinu þegar sigurmarkið kemur svona seint í leiknum,“ sagði Ásmundur Arnarson, þjálfari ÍBV, svekktur eftir leikinn. „Við áttum ekki góðan dag í dag, sérstaklega í fyrri hálfleik. Við vorum undir á öllum sviðum fótboltans að mínu mati og heppnir að fara inn í hálfleik í stöðunni 0-0.“ Ásmundur gerði breytingar á liðinu um miðbik seinni hálfleiksins sem skilaði sér í auknum sóknarþunga af hálfu ÍBV. „Liðinu tókst að vinna sig vel inn í leikinn og að mínu mati stjórnuðum við leiknum síðustu tuttugur mínúturnar. Við fengum færi til að skora sem gerir það ennþá súrara að fá þetta í andlitið í lokin.“ Ásmundur var ekki hrifinn af spilamennskuni í dag en lítið flæði var í leik liðanna. „Það var margt í okkar leik sem var stirt í dag, sérstaklega framan af. Ég er sammála því að það hafi verið lítið flæði í spilamennskunni og hreint út sagt var þetta ekkert sérstakur leikur.“vísir/andri marinó Pepsi Max-deild karla Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Tap hjá Sverri í Aþenuslagnum Fótbolti Ólæti vörpuðu skugga á dramatískan borgarslag Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Guðmundur og Arnór fögnuðu góðum sigri Handbolti „Gleymist að við tókum líka Kjarnafæðisbikarinn og getum unnið þrefalt“ Sport Uppgjörið: KR - Fram 7-1 | Benóný Breki og KR með sýningu Íslenski boltinn Fleiri fréttir Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Fram fær liðsstyrk úr Breiðholti „Þetta er dýrmætur tími og maður finnur hvað þetta skiptir mann miklu máli“ Gísli Gottskálk verðlaunaður með nýjum samningi Hermann hættur með ÍBV Bestu guttarnir í Bestu deild karla Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Sjá meira
Andri Rúnar Bjarnason skoraði sigurmark Víkings í kvöld í 1-0 sigri á ÍBV í 17. umferð Pepsi-deild karla. Með sigrinum skaust Víkingur upp í 6. sæti Pepsi-deildarinnar og gekk langt með að tryggja sæti sitt í deild þeirra bestu á næsta ári.Andri Marinó Karlsson, ljósmyndari Vísis og Fréttablaðsins, var á leiknum í kvöld og náði þessum myndum hér fyrir ofan. Leikurinn var gríðarlega mikilvægur fyrir bæði lið í fallbaráttunni með með sigri gat ÍBV jafnað Víking að stigum í töflunni. Að sama skapi gat Víkingur aðgreint sig frá fallbaráttunni með sigri fyrir erfiða leiki gegn FH og Breiðablik. Liðunum gekk illa að fóta sig frá fyrstu mínútur og komst fyrir vikið aldrei gott flæði í leikinn. Einkenndist leikurinn af misheppnuðum sendingum og miðjubaráttu sem gerði það að verkum að leikurinn varð ekki mikið fyrir augað. Heimamenn voru með betri tök á leiknum og fengu betri færi í fyrri hálfleik ef færi skal kalla en það besta féll í skaut Vladimir Tufegdzic þegar hann skallaði fyrirgjöf Rolfs Toft framhjá. Eyjamenn sátu aftarlega og sköpuðu sér fá færi en hefðu hugsanlega átt að fá vítaspyrnu á áttundu mínútu er rifið var í Avni Pepa í vítateig Víkings. Var fyrri hálfleikurinn afar tíðindarlaus en það dróg til tíðinda strax á sjöundu mínútu seinni hálfleiks. Renndi þá Rolf Toft boltanum inn á vítateig ÍBV þar sem Arnþór Ingi Kristinsson setti boltann yfir fyrir opnu marki af hálfs meters færi. Sannkallað dauðafæri og leit lengst af út fyrir að það myndi kosta Víking tvö stig. ÍBV reyndi að færa sig framar á völlinn eftir því sem leið á leikinn og náðu leikmenn liðsins að skapa sér nokkur færi á síðustu tíu mínútum leiksins. Var það því nokkuð óvænt þegar Víkingur skoraði sigurmark leiksins á þriðju mínútu uppbótartíma. Eftir góða spilamennsku upp vinstri kantinn fékk Davíð Örn Atlason boltann og renndi boltanum inn á varamanninn Andra Rúnar Bjarnason sem lagði boltann í netið af vítapunktinum. Glæsileg sókn og kom á besta tíma en Guðmundur Ársæll Guðmundsson, góður dómari leiksins, flautaði leikinn af aðeins örfáum sekúndum síðar. Gríðarlega mikilvægur sigur Víkings staðreynd sem með sigrinum gekk langt með að gulltryggja sæti sitt í Pepsi-deildinni á næsta ári. Hefur liðið fengið alls 12 stig af 18 mögulegum undir stjórn Milosar og er sjö stigum frá fallsæti þegar aðeins fimm umferðir eru eftir. Leikmenn ÍBV hljóta að sjá á eftir stiginu en þeir eru enn með eins stigs forskot á Leikni í fallsæti. Spilamennska liðsins í kvöld var slök, sérstaklega fram á við en varnarleikur liðsins hélt uppteknu striki og leit vel út í kvöld. Það verður sannkallaður fallbaráttuslagur í næstu umferð þegar ÍBV tekur á móti Keflavík á Hásteinsvelli en sama dag á Víkingur erfiðan leik fyrir höndum gegn FH í Kaplakrika. Milos: Hélt að þetta yrði enn eitt jafnteflið„Maður var orðinn þreyttur á öllum þessum jafnteflum og ég hélt að þetta yrði enn einn jafnteflisleikurinn,“ sagði Milos Milojevic, þjálfari Víkings, létt eftir að hafa séð leikmenn sína skora sigurmarkið á 93. mínútu. „Við gerðum það sem við höfum verið að reyna að æfa síðustu daga á æfingarsvæðinu og náðum að klára leikinn á því. Upp úr því fáum við þrjú kærkomin stig á heimavelli.“ Með sigrinum eru leikmenn Víkings nánast búnir að tryggja sæti sitt í Pepsi-deildinni að ári en hefði leikurinn tapast hefði liðið sogast niður í fallbaráttuna. „Allir sigrar eru stórir og maður veit aldrei í þessu. Við reynum bara að einbeita okkur að okkar leik og næsti leikur liðsins er gríðarlega mikilvægur leikur gegn FH. Þeir unnu síðasta leik okkar 1-0 og það verður gaman að sjá hvar við erum staddir gegn þeim í næstu umferð.“ Milos tók undir að spilamennska liðanna í kvöld hefði ekki verið til fyrirmyndar en liðunum gekk illa að skapa sér færi. „Mér fannst spilamennska liðsins vera allt í lagi í fyrri hálfleik. Við vorum að spila vel upp völlinn en svo var alltaf eitthvað sem fór úrskeiðis á lokaþriðjungi vallarins. Í seinni hálfleik var þetta meira kaflaskipt, þeir voru meira með boltann heldur en í fyrri en fengu engin færi.“ Milos sagðist vera hrifinn af ÍBV liðinu. „Þeir eru með flott lið með góðum einstaklingum. Spænski framherjinn þeirra er einn af bestu leikmönnum deildarinnar í sinni stöðu og svo er Gunnar Heiðar alltaf hættulegur.“ Ásmundur: Ekkert sérstakur leikur„Það er alltaf grátlegt að vera í tapliðinu þegar sigurmarkið kemur svona seint í leiknum,“ sagði Ásmundur Arnarson, þjálfari ÍBV, svekktur eftir leikinn. „Við áttum ekki góðan dag í dag, sérstaklega í fyrri hálfleik. Við vorum undir á öllum sviðum fótboltans að mínu mati og heppnir að fara inn í hálfleik í stöðunni 0-0.“ Ásmundur gerði breytingar á liðinu um miðbik seinni hálfleiksins sem skilaði sér í auknum sóknarþunga af hálfu ÍBV. „Liðinu tókst að vinna sig vel inn í leikinn og að mínu mati stjórnuðum við leiknum síðustu tuttugur mínúturnar. Við fengum færi til að skora sem gerir það ennþá súrara að fá þetta í andlitið í lokin.“ Ásmundur var ekki hrifinn af spilamennskuni í dag en lítið flæði var í leik liðanna. „Það var margt í okkar leik sem var stirt í dag, sérstaklega framan af. Ég er sammála því að það hafi verið lítið flæði í spilamennskunni og hreint út sagt var þetta ekkert sérstakur leikur.“vísir/andri marinó
Pepsi Max-deild karla Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Tap hjá Sverri í Aþenuslagnum Fótbolti Ólæti vörpuðu skugga á dramatískan borgarslag Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Guðmundur og Arnór fögnuðu góðum sigri Handbolti „Gleymist að við tókum líka Kjarnafæðisbikarinn og getum unnið þrefalt“ Sport Uppgjörið: KR - Fram 7-1 | Benóný Breki og KR með sýningu Íslenski boltinn Fleiri fréttir Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Fram fær liðsstyrk úr Breiðholti „Þetta er dýrmætur tími og maður finnur hvað þetta skiptir mann miklu máli“ Gísli Gottskálk verðlaunaður með nýjum samningi Hermann hættur með ÍBV Bestu guttarnir í Bestu deild karla Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Sjá meira
Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn