Erlendar

Inter - Ajax í beinni í kvöld

Síðari leikur Inter Milan og Ajax í 16-liða úrslitum Meistaradeildar Evrópu verður sýndur beint á Sýn í kvöld klukkan 19:30. Inter stendur vel að vígi því liðið náði 2-2 jafntefli í fyrri leiknum í Hollandi og nægir því markalaust jafntefli á heimavelli sínum í kvöld til að komast áfram. Sigurvegarinn í kvöld mætir spænska liðinu Villareal í 8-liða úrslitum keppninnar.

Sport 14.3.2006 16:03

McLaren vill halda í Raikkönen

Forráðamenn McLaren í Formúlu eitt vilja ólmir ná að halda í finnska ökuþórinn Kimi Raikkönen lengur en út þetta keppnistímabil, en orðrómur er uppi um að hann hafi undirritað samkomulag um að ganga til liðs við Ferrari á næsta ári. Liðsmenn McLaren vilja heldur ólmir sjá þá Raikkönen og Fernando Alonso vera ökuþóra liðsins um ókomin ár, en Alonso gengur til liðs við McLaren á næsta ári.

Sport 14.3.2006 15:18

Fabregas fer ekki fet

Umboðsmaður hins unga Cesc Fabregas hjá Arsenal gerði allt nema að hlæja að fregnum um að Real Madrid hefði áhuga á skjólstæðingi sínum þegar hann var spurður út í málið í dag, en forseti spænska liðsins hefur lýst því yfir í fjölmiðlum að Fabregas sé einmitt maðurinn sem Real vanti. Umboðsmaðurinn segir ekkert í spilunum um að leikmaðurinn yfirgefi Highbury.

Sport 14.3.2006 15:07

Gagnrýnir Knattspyrnusamband Evrópu

Rio Ferdinand, leikmaður Manchester United og enska landsliðsins, gagnrýnir Knattspyrnusamband Evrópu harðlega fyrir lélegar tilraunir til að bregðast við fordómum í knattspyrnu og er fylgismaður reglugerðar sem er í smíðum sem kveður á um að leikir þar sem kynþáttafordómar komi upp verði flautaðir af.

Sport 14.3.2006 14:56

Beckham er ekki á leið til Arsenal

Peter Hill-Wood, stjórnarformaður Arsenal, segir að fréttir þess efnis að David Beckham væri á leið til Arsenal frá Real Madrid séu algjört bull, en orðrómur var uppi um að Arsenal mundi reyna að krækja í hann eftir að Arsene Wenger talaði vel um hann í viðtali eftir viðureign liðanna í Meistaradeildinni á dögunum.

Sport 14.3.2006 14:54

Ballack vill fara til Chelsea fyrir HM

Miðjumaðurinn Michael Ballack hjá Chelsea vill að sögn umboðsmanns hans ganga til liðs við Chelsea áður en HM hefst í Þýskalandi í sumar, en Chelsea er talið eina liðið sem hefur raunhæfa möguleika á að landa honum. Talið er að Ballack muni gera fjögurra ára samning við enska liðið sem færi honum um 120.000 pund í vikulaun.

Sport 14.3.2006 14:47

Stórleikur Kaman gegn Clippers

Hinn smáfríði miðherji LA Clippers, Chris Kaman, leiddi lið sitt til sigurs 95-87 gegn Minnesota í sjónvarpsleiknum á NBA TV í nótt. Kaman skoraði 24 stig og hirti 23 fráköst fyrir Clippers en Ricky Davis skoraði 20 stig fyrir Minnesota.

Sport 14.3.2006 14:33

Stoke lá heima

Stoke City steinlá 3-1 á heimavelli sínum fyrir Crystal Palace í leik kvöldsins í ensku 1. deildinni, en sigurinn var afar dýrmætur fyrir lið Palace sem stefnir að því að komast upp í úrvalsdeildina á ný. Hannes Sigurðsson spilaði síðustu 18 mínútur leiksins fyrir Stoke.

Sport 13.3.2006 22:06

Tottenham hefur áhuga ungum Skota

Úrvalsdeildarlið Tottenham ku vera á höttunum eftir ungum miðjumanni að nafni Craig Bryson hjá Clyde í Skotlandi. Bryson þessi er 19 ára gamall og hefur farið á kostum með liði Clyde í vetur. Hann skoraði meðal annars mark í fræknum sigri liðsins á Celtic í skoska bikarnum á dögunum.

Sport 13.3.2006 17:14

Hefur áhuga á Pavel Nedved

Jose Mourinho, stjóri Chelsea, viðurkennir að hann hafi lengi verið aðdáandi tékkneska landsliðsmannsins Pavel Nedved hjá Juventus, en segist búast við því að hann klári ferilinn hjá ítalska liðinu.

Sport 13.3.2006 17:03

Ég er ekki fordómafullur

Deila þeirra Alan Pardew hjá West Ham og Arsene Wenger hjá Arsenal um áhrif erlendra leikmanna í ensku úrvalsdeildinni heldur áfram og nú hefur Pardew þvertekið fyrir þær ásakanir Wenger að hann sé fordómafullur.

Sport 13.3.2006 16:52

Forráðamenn Renault biðja Fisichella afsökunar

Forráðamenn Renault í Formúlu 1 hafa beðið ökuþórinn Giancarlo Fisichella afsökunar á því að hafa skaffað honum illa búinn bíl í keppni helgarinnar í Barein, þar sem Fisichella þurfti að hætta keppni eftir aðeins 21 hring vegna leka í vökvakerfi bílsins.

Sport 13.3.2006 16:39

Luke Donald á topp tíu

Breski kylfingurinn Luke Donald komst í dag í fyrsta skipti inn lista tíu efstu kylfinga heims í golfi eftir að hann sigraði á Honda-Classic mótinu í Flórida um helgina. "Það er frábært að vera kominn inn á topp tíu, en ég set stefnuna hærra og nú er bara að fara að vinna stórmót," sagði kappinn. Tiger Woods er sem fyrr í efsta sæti styrkleikalistans.

Sport 13.3.2006 16:32

Agassi vill kaupa verðlaun Björns Borg

Ameríski tenniskappinn Andre Agassi vill ekki að verðlaunagripir Björns Borg frá Wimbeldon mótinu árið 1980 endi í höndum auðmanna og hefur því sjálfur gefið í skyn a hann muni bjóða í þá á þegar þeir verða settir á uppboð vegna fjárhagserfiðleika eigandans.

Sport 13.3.2006 15:54

Tjáir sig lítið um enska landsliðið

Stuart Pearce segist ekki hugsa neitt um það að hann verði hugsanlega einn af þeim sem boðaðir verða í viðtal fyrir ráðningu landsliðsþjálfara Englendinga í stað Sven-Göran Eriksson og segir að hann einbeiti sér að fullu að því að ná árangri með Manchester City.

Sport 13.3.2006 14:56

Þýðir ekkert að spila upp á jafntefli

Roberto Mancini hefur varað sína menn í Inter Milan við að reyna að spila upp á jafntefli í leiknum við PSV Eindhoven frá Hollandi í síðari leik liðanna í 16-liða úrslitum Meistaradeildarinnar annað kvöld, en ítalska liðið náði 2-2 jafntefli á útivelli í fyrri leiknum.

Sport 13.3.2006 14:44

Logi skoraði 28 stig

Landsliðsmaðurinn Logi Gunnarsson er sjóðheitur með liði sínu Bayreuth í þýsku 2. deildinni þessa dagana og í gær skoraði Logi 28 stig í sigri liðsins á Crailsheim 89-74. Jón Arnór Stefánsson og hans menn í ítalska liðinu Napoli lögðu Livorno 89-82 í úrvalsdeildinni þar í landi í gær og skoraði Jón Arnór 7 stig í leiknum.

Sport 13.3.2006 14:37

Forsetinn staðfestir áhuga sinn á Fabregas

Fernando Martin, nýkjörinn forseti Real Madrid á Spáni, hefur nú staðfest að félagið hafi mikinn áhuga á að fá til sín hinn unga Cesc Fabregas hjá Arsenal og segir hann einmitt manninn sem spænska liðið þurfi í sínar raðir.

Sport 13.3.2006 14:28

Dwayne Wade vann einvígið við LeBron James

Undrabarnið LeBron James skoraði 47 stig fyrir lið sitt Cleveland í leik gegn Miami í nótt, en það dugði skammt gegn Dwayne Wade og félögum. Wade skoraði 35 stig, hirti 9 fráköst og gaf 7 stoðsendingar fyrir Miami í 98-92 sigri liðsins.

Sport 13.3.2006 14:09

Staðfestir áhuga sinn á Ballack

Jose Mourinho, stjóri Chelsea, hefur nú staðfest áhuga sinn á að gera samning við þýska miðjumanninn Michael Ballack hjá Bayern Munchen, en hann er með lausa samninga í sumar. "Ég vil fá hann hingað, hann vildi tíma til að hugsa sig um og ég virði það. Nú er boltinn alfarið hjá honum," sagði Mourinho í morgun.

Sport 13.3.2006 13:59

New Orleans - New Jersey í beinni

Leikur New Orleans/Oklahoma City Hornets og New Jersey Nets verður sýndur í beinni útsendingu á NBA TV á miðnætti í nótt. New Orleans hefur komið allra liða mest á óvart í vetur undir dyggri stjórn nýliðans Chris Paul - sem á titilinn nýliði ársins í NBA vísan í vor.

Sport 12.3.2006 22:59

Osasuna lagði Barcelona

Spútniklið Osasuna vann góðan 2-1 sigur á Barcelona í kvöldleiknum í spænsku úrvalsdeildinni í knattspyrnu í kvöld, en Börsungar misstu tvö menn af velli með rauð spjöld í leiknum. Valdo og Punal skoruðu mörk Osasuna, en Henrik Larsson minnkaði muninn fyrir gestina, sem hafa þó enn 9 stiga forskot á toppi deildarinnar. Osasuna situr sem fyrr í fjórða sætinu.

Sport 12.3.2006 22:15

Juventus í þægilegri stöðu

Meistarar Juventus hafa þægilegt 10 stiga forskot á toppi ítölsku deildarinnar eftir markalaust stórmeistarajafntefli við AC Milan á heimavelli sínum í kvöld í leik sem olli nokkrum vonbrigðum. Gennaro Gattuso var vikið af leikvelli um miðjan síðari hálfleikinn, en heimamenn gerðu sér jafnteflið að góðu og fátt bendir til annars en að þeir verji titil sinn á Ítalíu. Leikurinn var í beinni útsendingu á Sýn.

Sport 12.3.2006 21:36

Tapið var mér að kenna

Steven Gerrard, fyrirliði Liverpool, viðurkennir að tapið gegn Arsenal í ensku úrvalsdeildinni í dag hafi verið sér að kenna. Gerrard gaf Arsenal sigurinn á silfurfati eftir að hann renndi boltanum til baka beint í lappirnar á Thierry Henry sem skoraði auðveldlega.

Sport 12.3.2006 20:22

Góð endurkoma Markúsar Mána

Markús Máni Michaelsson átti vel heppnaða endurkomu með liði sínu Dusseldorf í þýsku úrvalsdeildinni í dag þegar liðið lagði Snorra Stein Guðjónsson og félaga í Minden 35-27. Markús hefur verið frá keppni í nokkra mánuði vegna meiðsla. Snorri Steinn skoraði 4 mörk fyrir Minden og Markús skoraði 3 fyrir Dusseldorf.

Sport 12.3.2006 18:53

Vildi að Rooney væri í mínu liði

"Wayne Rooney er uppáhalds sóknarmaðurinn minn ásamt Thierry Henry og ég vildi óska þess að hann væri í mínu liði," sagði Glenn Roader, stjóri Newcastle, eftir að Rooney skoraði tvö mörk á fjórum mínútum í sigri Manchester United á Newcastle í dag. Alex Ferguson var líka ánægður með sinn mann.

Sport 12.3.2006 19:17

Grétar Rafn skoraði

Landsliðsmaðurinn Grétar Rafn Steinsson fór á kostum í liði AZ Alkmaar í dag þegar liðið lagði Willem II 3-1 á útivelli í hollensku úrvalsdeildinni í dag. Grétar skoraði eitt marka liðsins og lagði annað upp. Alkmaar er sem fyrr í þriðja sæti deildarinnar á eftir PSV Eindhoven og Ajax.

Sport 12.3.2006 18:44

Skoraði tvö og lagði upp eitt

Hörður Sveinsson og Bjarni Ólafur Eiríksson spiluðu sinn fyrsta leik fyrir Silkeborg í dönsku úrvalsdeildinni í knattspyrnu í dag og ekki er hægt að segja annað en að þeir hafi átt fljúgandi start. Hörður skoraði tvö mörk og lagði upp eitt í 3-2 sigri liðsins á Viborg á útivelli.

Fótbolti 12.3.2006 18:37

Juventus - AC Milan í beinni á Sýn í kvöld

Leikur ársins í ítalska boltanum verður sýndur í beinni útsendingu á Sýn í kvöld þegar meistarar Juventus taka á móti erkifjendum sínum í AC Milan á Delle Alpi. Útsending hefst klukkan 19:20, en þá verður viðureign Osasuna og Barcelona í spænska boltanum í beinni útsendingu á Sýn Extra og hefst útsending þar klukkan 19:55.

Sport 12.3.2006 18:15

Mistök Gerrard tryggðu Arsenal sigurinn

Arsenal lagði Liverpool 2-1 á Highbury í ensku úrvalsdeildinni í dag og nældu þar í mikilvæg stig í baráttunni um meistaradeildarsæti. Thierry Henry kom Arsenal yfir á 21. mínútu með laglegu marki, en Luis Garcia jafnaði metin á 76. mínútu. Það var svo Henry sem gerði út um leikinn eftir hræðileg mistök Steven Gerrard á 83. mínútu og þar við sat.

Sport 12.3.2006 17:56