Erlendar

Fréttamynd

Man Utd yfir í hálfleik

Manchester United er 2-0 yfir gegn döpru liði Birmingham í ensku úrvalsdeildinni í knattspyrnu. Ryan Giggs skoraði bæði mörkin, það fyrra með glæsilegri aukaspyrnu en hið seinna eftir lipra sókn og góða sendingu frá Wayne Rooney. Ruud Van Nistelrooy er ekki í byrjunarliði United sem hefur verið miklu mun betra í leiknum og á að vera komið lengra yfir í leiknum.

Sport
Fréttamynd

Öruggur sigur Loeb

Franski ökuþórinn Sébastien Loeb sigraði örugglega í Katalóníurallinu sem fór fram um helgina á Spáni. Loeb ekur Citroën Xsara fyrir Kronos-liðið en hann endaði 48,2 sekúndum á undan Spánverjanum Dani Sordo, sem einnig ekur um á Citroën Xsara. Í þriðja sæti varð Finninn Marcus Grönholm á Ford Focus, 1,45 mínútum á eftir Loeb.

Sport
Fréttamynd

Charlton vann Newcastle

Charlton bar sigurorð af Newcastle í ensku úrvalsdeildinni í dag. Hermann Hreiðarsson lék allan leikinn fyrir Charlton og átti skínandi dag í hjarta varnarinnar, líkt og endranær.

Sport
Fréttamynd

Frábær sigur Boro á Bolton

Middlesbrough vann frábæran 4-3 sigur á Bolton í stórskemmtilegum leik liðanna í ensku úrvalsdeildinni í knattspyrnu í dag. Þrátt fyrir tilraunir Howard Webb dómara til að vera hvað mest í sviðsljósinu var það skemmtanagildi leiksins sem stóð uppúr í lokin.

Sport
Fréttamynd

Allir vilja enskan landsliðseinvald

Sam Allardyce stjóri Bolton telur að allir Englendingar vilji sá Englending stýra enska landsliðinu þegar Sven Göran Eriksson hættir með liðið eftir HM í sumar. Allardyce hefur verið sterklega orðaður við starfið sem hann hefur aldrei farið dult með aðdáun sinni á.

Sport
Fréttamynd

Vilja breyta Meistaradeildinni

G-14 hópurinn, þar sem saman eru komin átján af stærstu knattspyrnuliðum heims, vilja breyta Meistaradeildinni í knattspyrnu á nýjan leik til að fá sautján leikdaga í stað þrettán eins og staðan er í dag.

Sport
Fréttamynd

Línurnar að skýrast í Vesturdeildinni

Fjórir leikir fóru fram í NBA deildinni í nótt. Línur eru teknar að skýrast fyrir úrslitakeppnina í Vesturdeildinni, en Sacramento vann mjög mikilvægan útisigur á Utah Jazz 91-89 í beinni útsendingu á NBA TV í nótt og tók þar með stórt skref í að tryggja sér sæti í úrslitakeppninni.

Sport
Fréttamynd

Góður sigur Lemgo

Lemgo vann í dag mikilvægan sigur á Gummersbach á útivelli 29-27 í fyrri leik liðanna í undanúrslitum Áskorendakeppni Evrópu í handbolta. Guðjón Valur Sigurðsson skoraði 7 mörk fyrir heimamenn og Róbert Gunnarsson 1, en Logi Geirsson skoraði 4 mörk fyrir Lemgo, sem er nú með pálmann í höndunum fyrir síðari leikinn.

Sport
Fréttamynd

Þetta var hendi

Framherjinn Didier Drogba viðurkenndi að hann hefði fengið knöttinn í höndina þegar hann skoraði annað mark Chelsea í sigrinum á Manchester City í dag, en Sylvain Distin leikmanni City var vikið af leikvelli fyrir kröftug mótmæli sín vegna atviksins.

Sport
Fréttamynd

Gerrard lærir af mistökunum

Rafa Benitez, stjóri Liverpool, segir að Steven Gerrard muni læra af mistökum sínum í dag þegar hann lét reka sig af velli í leiknum gegn Everton eftir aðeins 18 mínútna leik. Benitez var þó ánægður með að sínir menn skyldu ná að vinna leikinn þrátt fyrir að vera manni færri lengst af.

Sport
Fréttamynd

Chelsea lagði Manchester City

Chelsea gefur ekkert eftir í baráttunni um enska meistaratitilinn og í dag lagði liðið Manchester City 2-0 á Stamford Bridge með tveimur mörkum frá Didier Drogba á þriggja mínútna kafla í fyrri hálfleik, hið fyrra eftir sendingu Eiðs Smára Guðjohnsen. Sylvain Distin var rekinn af leikvelli í liði City á 45. mínútu. Chelsea hefur nú 14 stiga forskot á toppi deildarinnar og á leik til góða á Liverpool sem er í öðru sætinu.

Sport
Fréttamynd

Leik Portsmouth og Arsenal frestað

Leik Portsmouth og Arsenal sem fara átti fram nú síðdegis hefur verið frestað. Mikið hefur rignt á suðurströnd Englands að undanförnu og þótti dómara leiksins Mike Riley ekki ráðlegt að spila á vellinum sem var nánast á floti.

Sport
Fréttamynd

Reading í úrvalsdeild

Íslendingaliðið Reading tryggði sér í dag sæti í ensku úrvalsdeildinni að ári þegar liðið gerði 1-1 jafntefli við Leicester City á útivelli í ensku 1. deildinni. Reading hefur verið í nokkrum sérflokki í deildinni í vetur og nú geta þeir Ívar Ingimarsson og Brynjar Björn Gunnarsson fagnað því að vera komnir á meðal þeirra bestu á Englandi.

Sport
Fréttamynd

James fór á kostum í 4. leikhluta

LeBron James var heldur betur í stuði í 4. leikhlutanum á leik Cleveland og Boston, en hann skoraði þá 19 af 36 stigum sínum í leiknum og tryggði Cleveland sigur 94-82. Paul Pierce var stigahæstur í liði Boston með 24 stig.

Sport
Fréttamynd

Gæti misst af Masters-mótinu

Stigahæsti kylfingur heims, Tiger Woods, gæti misst af Masters-mótinu í golfi í næsta mánuði vegna veikinda föður hans sem berst við krabbamein. Woods var ekki með á æfingum fyrir Players-mótinu sem nú stendur yfir til að vera með föður sínum og útilokar ekki að draga sig í hlé á næstunni til að vera með veikum föður sínum.

Sport
Fréttamynd

Mourning frá í 2-4 vikur

Miðherjinn Alonzo Mourning hjá Miami Heat verður frá keppni í tvær til fjórar vikur eftir að hann reif vöðva í kálfa í leik með liðinu á miðvikudagskvöldið. Mourning hefur verið lykilmaður í liði Miami í vetur og fyllti hann skarð Shaquille O´Neal vel þegar hann meiddist í haust. Mourning hefur skorað 7,8 stig, hirt 5,5 fráköst og varið 2,66 skot að meðaltali í leik í vetur.

Sport
Fréttamynd

Vill leikara í leikbönn

Arsene Wenger, stjóri Arsenal, segir einfalda lausn vera til svo bregðast megi við auknum vandamálum í kring um leikaraskap á knattspyrnuvellinum, en mörgum er í fersku minni þegar Shaun Wright-Phillips hjá Chelsea fiskaði leikmann Newcastle útaf í leik á dögunum.

Sport
Fréttamynd

Chelsea og Liverpool leika á Old Trafford

Nú hefur verið ákveðið að leikur Chelsea og Liverpool í undanúrslitum enska bikarsins muni fara fram á Old Trafford, heimavelli Manchester United, laugardaginn 22. apríl en undanúrslitaleikirnir og úrslitaleikurinn í keppninni eru jafnan haldnir á hlutlausum völlum. West Ham mætir svo annað hvort Charlton eða Middlesbrough á Villa Park í Birmingham daginn eftir.

Sport
Fréttamynd

Defoe er ekki til sölu

Eins og búast mátti við varð Daniel Levy, stjórnarformaður Tottenham Hotspurs, ekki sérlega ánægður með ummæli Rafa Benitez hjá Liverpool í dag, en stjórinn sagði að Lundúnaliðið væri að reyna allt sem það gæti til að selja framherja sinn Jermain Defoe.

Sport
Fréttamynd

Ekki í viðræðum við Notthingham Forest

Umboðsmaður miðjumannsins Roy Keane hefur neitað orðrómi um að hann sé í viðræðum við gamla félagið sitt Nottingham Forest um að taka við knattspyrnustjórastöðunni þar á bæ.

Sport
Fréttamynd

Aðstoðarökumaður lét lífið

Þýski aðstoðarökumaðurinn Jorg Basturk lét lífið í Katalóníurallinu í dag þegar hann varð fyrir öðrum keppnisbíl sem fór út af veginum á sama stað og bíll Basturk og félaga hans Aaron Burkhart. Þeir voru að skipta um dekk á bíl sínum þegar óhappið varð, en Basturk lést af meiðslum sínum um borð í þyrlu sem flutti hann á sjúkrahús.

Sport
Fréttamynd

Tottenham vill losna við Defoe

Rafa Benitez heldur því fram að forráðamenn Tottenham séu að reyna allt sem í þeirra valdi stendur til að losa sig við framherjann Jermain Defoe og telur það líklegustu skýringuna á því að félagið hafi verið orðað við Djibril Cisse hjá Liverpool.

Sport
Fréttamynd

Kirkland frá út leiktíðina

Markvörðurinn Chris Kirkland mun að öllum líkindum ekki spila meira með liði sínum West Brom á lokasprettinum í ensku úrvalsdeildinni eftir að hafa fingurbrotnað. Þetta eru slæm tíðindi fyrir lærisveina Bryan Robson sem eru í mikilli fallbaráttu í deildinni líkt og í fyrra.

Sport
Fréttamynd

Enskir framherjar eru eins og hnefaleikamenn

Spænski markvörðurinn Jose Reina hjá Liverpool stefnir óðfluga á að verða fyrsti markvörðurinn í sögu Liverpool til að halda hreinu í fleiri en 34 leikjum á einu keppnistímabili, en sá árangur hefur þrisvar náðst í sögu félagsins. Reina segir það hafa verið hálfgert áfall fyrir sig þegar hann kynntist hörkunni í ensku úrvalsdeildinni eftir að hafa leikið á Spáni áður.

Sport
Fréttamynd

Heinze snýr hugsanlega aftur í vor

Aðstoðarknattspyrnustjóri Manchester United telur ekki loku fyrir það skotið að Argentíumaðurinn Gabriel Heinze muni koma eitthvað við sögu í síðustu leikjum liðsins á tímabilinu í vor, en að sögn Carlos Queiroz gengur varnarmanninum mjög vel í endurhæfingu sinni eftir hnémeiðslin sem hann hlaut í meistaradeildinni í haust.

Sport
Fréttamynd

Þetta verður erfiður leikur

Rafa Benitez, stjóri Liverpool, segir að hann eigi von á mjög erfiðum leik gegn Englandsmeisturum Chelsea eftir að í ljós kom að liðin mætast í undanúrslitum enska bikarins í næsta mánuði.

Sport
Fréttamynd

Hættir hjá PSV í vor

Orðrómur um að hollenski þjálfarinn Guus Hiddink verði næsti landsliðsþjálfari Englendinga hefur nú öðlast nýtt líf þar í landi eftir að Hiddink lýsti því yfir í dag að hann yrði alveg örugglega ekki stjóri hollenska liðsins PSV Eindhoven á næsta ári.

Sport
Fréttamynd

Chelsea og Liverpool mætast

Nú er búið að draga um hvaða lið mætast í undanúrslitum enska bikarsins. Chelsea og Liverpool mætast annarsvegar og þá leikur annað hvort Middlesbrough eða Charlton við West Ham. Leikirnir fara fram helgina 22-23. apríl nk.

Sport
Fréttamynd

Stytta af Karl Malone afhjúpuð í Salt Lake City

Sérstök athöfn var haldin fyrir leik Utah Jazz og Washington Wizards í nótt til að heiðra Karl Malone sem lék með liði Utah í 18 af þeim 19 árum sem hann spilaði í NBA deildinni á ferlinum. Treyja Malone var hengd upp í rjáfur í Delta Center og stytta úr bronsi afhjúpuð af honum fyrir utan höllina, við hlið styttunnar sem fyrir skömmu var afhjúpuð af félaga hans John Stockton.

Sport
Fréttamynd

Stoudemire sneri aftur

Framherjinn Amare Stoudemire sneri aftur til leiks með liði Phoenix Suns í nótt þegar það burstaði Portland 125-108. Stoudemire náði sér vel á strik í fyrsta leik sínum í langan tíma, skoraði 20 stig og hirti 9 fráköst og á eflaust eftir að styrkja lið sitt gríðarlega á lokasprettinum í vor. Viktor Khryapa skoraði 22 stig og hirti 12 fráköst fyrir Portland.

Sport

Mest lesið