Erlendar

Fréttamynd

Ætlar í mál við Wayne Rooney

David Moyes, stjóri Everton, ætlar að fara í mál við knattspyrnumanninn Wayne Rooney vegna ummæla hans um fyrrum þjálfara sinn í nýútkominni ævisögu sinni. Þar sakar Rooney þjálfara sinn um að hafa flæmt sig frá Everton á sínum tíma og sættir Moyes sig ekki við þá yfirlýsingu og nokkrar aðrar yfirlýsingar í bókinni.

Sport
Fréttamynd

Rio Ferdinand missir af leiknum við Andorra

Varmarmaðurinn Rio Ferdinand hjá Manchester United verður ekki í leikmannahópi Englendinga á morgun þegar liðið mætir Andorra í undankeppni EM, en hann er meiddur á tá. Steve McClaren landsliðsþjálfari segir þá Michael Dawson hjá Tottenham og Wes Brown frá Manchester United vera klára í að fylla skarð Ferdinand á morgun, en vonar að leikmaðurinn verði búinn að ná sér fyrir leikinn gegn Makedónum í næstu viku.

Sport
Fréttamynd

Grikkir lögðu Bandaríkjamenn

Evrópumeistarar Grikkja gerðu sér lítið fyrir og lögðu Bandaríkjamenn 101-95 á HM í körfubolta sem fram fer í Japan og tryggðu sér þar með sæti í úrslitaleik mótsins á sunnudag. Bandaríkjamenn áttu ekkert svar við einföldum en árangursríkum sóknarleik gríska liðsins, sem nýtti 63% skota sinna í leiknum og því verða Bandaríkjamenn í besta falli að sætta sig við bronsverðlaun á mótinu líkt og á Ólympíuleikunum fyrir tveimur árum.

Körfubolti
Fréttamynd

Ashley Cole til Chelsea

Chelsea gekk í gærkvöld frá kaupum á enska landsliðsmanninum Ashley Cole frá Arsenal og fékk í skiptum franska landsliðsmanninn William Gallas. Chelsea borgaði fimm milljónir punda á milli og stóðust báðir leikmenn læknisskoðun í gærkvöld um það leiti sem félagaskiptaglugginn lokaði. Cole hefur undirritað fimm ára samning við Chelsea.

Sport
Fréttamynd

Repúblikanarnir eru að eyðileggja landið

Fyrrum körfuboltamaðurinn Charles Barkley íhugar nú að fara í framboð til fylkisstjóra í Alabama og í viðtali við Fox sjónvarpsstöðina sem fer í loftið á sunnudag, segir Barkley að Repúblikanar séu að fara eyðileggja Bandaríkin. Hann sagðist ennfremur ekkert hafa á móti því að samkynhneigðir fengju að ganga í hjónaband.

Körfubolti
Fréttamynd

Pascal Cygan farinn til Spánar

Varnarmaðurinn Pascal Cygan hefur verið seldur frá enska úrvalsdeildarfélaginu Arsenal til spænska félagsins Villarreal fyrir tvær milljónir punda. Cygan hefur skrifað undir tveggja ára samning við spænska liðið. Enn er ekkert að frétta af málum Ashley Cole, en óstaðfestar fregnir herma að hann sé á leið til Chelsea í skiptum fyrir William Gallas og að Englandsmeistararnir muni borga fimm milljónir punda á milli.

Sport
Fréttamynd

Við getum staðið í hvaða liði sem er

Alan Pardew var skiljanlega í skýjunum í dag eftir að West Ham landaði óvænt tveimur ungum stórlöxum úr argentínska landsliðinu fyrir lokun félagaskiptagluggans. Pardew telur að með tilkomu þeirra Carlos Tevez og Javier Mascherano geti West Ham velgt hvaða liði sem er á Englandi eða Evrópu undir uggum.

Sport
Fréttamynd

Lamaðist tímabundið eftir skurðaðgerð

Gamla brýnið Bobby Robson, sem gekkst undir skurðaðgerð vegna heilaæxlis á dögunum, lamaðist tímabundið á vinstri helmingi líkama síns í dag eftir að bólgur mynduðust í heila hans. Læknar segja þetta eðlileg eftirköst skurðaðgerðarinnar og segja Robson hinn hressasta en sá gamli er nú á sjúkrahúsi þar sem hann fylgist náið með gangi mála á lokasprettinum áður en félagaskiptaglugganum lokar í Evrópuboltanum.

Sport
Fréttamynd

Jan Kromkamp farinn frá Liverpool

Enska úrvalsdeildarfélagið Liverpool seldi í dag hollenska varnarmanninn Jan Kromkamp til PSV Eindhoven í heimalandi hans. Kromkamp gekk í raðir Liverpool frá Villarreal í janúar í fyrra en fékk fá tækifæri með aðalliði þeirra rauðu.

Sport
Fréttamynd

Baptista til Arsenal - Reyes til Madrid

Arsenal og Real Madrid gengu nú rétt í þessu frá leikmannaskiptum sín á milli þar sem spænski landsliðsmaðurinn Jose Antonio Reyes fer til Real Madrid og Arsenal fær í staðinn brasilíska miðjumanninn Julio Baptista. Hér er um að ræða lánssamning í fyrstu, en til greina kemur að skiptin verði gerð að fullu

Fótbolti
Fréttamynd

Kilbane til Wigan

Enska úrvalsdeildarfélagið Wigan hefur fest kaup á írska landsliðsmanninum Kevin Kilbane frá Everton fyrir um 2 milljónir punda. Kilbane er 29 ára gamall og hefur skrifað undir þriggja ára samning við Wigan með möguleika á eins árs framlengingu.

Sport
Fréttamynd

Arsenal í viðræðum við Real Madrid og Chelsea

Ensku stórliðin Arsenal og Chelsea hafa ekki látið mikið í sér heyra á leikmannamarkaðnum á Englandi í dag, en þó er Arsenal sagt vera í viðræðum við Chelsea og Real Madrid vegna þeirra Jose Antonio Reyes og Ashley Cole. Breska sjónvarpið telur sig hafa heimildir fyrir því að Arsenal og Real muni skipta á þeim Reyes og Julio Baptista á lánssamningum og að enn sé ekki loku fyrir það skotið að Chelsea kaupi Ashley Cole. Frekari frétta er að vænta af þessu máli í kvöld.

Sport
Fréttamynd

Við verðum að stöðva Eið Smára

David Healy, leikmaður Leeds og norður-írska landsliðsins, segir það algjört lykilatriði fyrir sína menn að halda aftur af Eiði Smára Guðjohnsen á laugardaginn þegar Íslendingar sækja Norður-Íra heim í fyrsta leik sínum í undankeppni EM.

Sport
Fréttamynd

Tevez og Mascherano í liði Argentínu

West Ham leikmennirnir Carlos Teves og Javier Mascherano eru í landsliðshópi Argentínumanna sem mæta Brasilíumönnum í æfingaleik á Emirates Stadium í London á sunnudag. Brassar mæta einnig með sterkt lið til leiks um helgina og verður leikurinn sýndur beint á Sýn klukkan 15:00.

Sport
Fréttamynd

Landslið Wales þurfti að nauðlenda

Nokkur óróleiki greip um sig í dag þegar Boeing 737 flugvél sem hafði landslið Wales í knattspyrnu innanborðs þurfti að nauðlenda í Bornemouth á leið sinni frá Cardiff eftir að framrúða í vélinni brotnaði. Engan sakaði í óhappinu og sagði John Toshack landsliðsþjálfari að í raun hefði hann aldrei vitað hvað var í gangi þegar vélinni var snúið og lent.

Sport
Fréttamynd

Portsmouth kaupir Kranjcar

Enska úrvalsdeildarfélagið Portsmouth hefur fest kaup á króatíska miðjumanninum Niko Kranjcar frá Hadjuk Split. Kranjcar er 22 ára gamall og stóð sig vel undir stjórn föður síns með króatíska landsliðinu á HM í sumar. Harry Redknapp og félagar ákváðu að snúa sér til króatíska leikmannsins í kjölfar þess að félagið missti af Búlgaranum Stilian Petrov sem ákvað að ganga í raðir Aston Villa. Kranjcar hefur skrifað undir fjögurra ára samning við Portsmouth.

Sport
Fréttamynd

West Ham kaupir tvo Argentínumenn

West Ham hefur svo sannarlega stolið sviðsljósinu á síðasta deginum til félagaskipta í Evrópuboltanum, en félagið hefur gengið frá kaupum á tveimur af efnilegustu leikmönnum argentínska landsliðsins, þeim Carloz Tevez og Javier Mascherano frá brasilíska liðinu Corinthians.

Sport
Fréttamynd

Middlesbrough kaupir Euell

Enska úrvalsdeildarfélagið Middlesbrough hefur fest kaup á sóknarmanninum Jason Euell frá Charlton. Euell er 29 ára gamall og í stað hans hefur Charlton fengið að láni landsliðsmanninn Omar Pouso frá Úrúgvæ, en hann er líklega þekktastur fyrir markið glæsilega sem hann skoraði í æfingaleiknum gegn Englendingum í sumar.

Sport
Fréttamynd

Sorin til Hamburger

Argentínski landsliðsfyrirliðinn Juan Pablo Sorin gekk í dag í raðir þýska úrvalsdeildarfélagsins Hamburger frá spænska liðinu Villarreal og er kaupverðið sagt vera um 2,5 milljónir evra. Sorin er þrítugur varnarmaður og hefur hann undirritað þriggja ára samning við þýska félagið.

Fótbolti
Fréttamynd

Reyes liggur á bæn

Spánverjinn Jose Antonio Reyes segist enn ekki vera búinn að gefa upp alla von um að losna frá Arsenal og aftur til heimalands síns, þar sem hann segir draum sinn að vera genginn í raðir Real Madrid fyrir 23. afmælisdag sinn á föstudaginn.

Fótbolti
Fréttamynd

Wigan samþykkir tilboð Tottenham í Chimbonda

Nú er útlit fyrir að sápuóperan í kring um bakvörðinn Pascal Chimbonda hjá Wigan sé loks á enda, en félagið hefur nú samþykkt kauptilboð Tottenham í leikmanninn. Chimbonda fór fram á sölu í vor og hefur Tottenham verið að þrátta við Wigan um kaupverðið í nokkra mánuði. Talsmenn Wigan segja að hér sé um að ræða hæstu fjárhæð sem greidd hefur verið fyrir leikmann í sögu félagsins.

Sport
Fréttamynd

Tyrkir létu jarðskjálfta ekki hafa áhrif á sig

Það verða Tyrkir og Frakkar sem keppa um fimmta sætið á HM í körfubolta eftir leiki dagsins á mótinu í Japan. Tyrkir lögðu Litháa 95-84 í framlengdum leik, þar sem jarðskjálfti upp á 4,8 á Richter skók höllina í hálfleik og Frakkar lögðu Þjóðverja síðar í dag 75-73 þar sem Mickael Gelabale skoraði sigurkörfuna í lokin. Joseph Gomis skoraði 22 stig fyrir Frakka en Dirk Nowitzki skoraði 29 stig fyrir Þjóðverja, þar af 21 í síðari hálfleik.

Körfubolti
Fréttamynd

Keane fær kunnuglegt andlit til Sunderland

Roy Keane, nýráðinn knattspyrnustjóri 1. deildarliðs Sunderland, er nú við það að ganga frá kaupum á sínum fyrsta leikmanni síðan hann tók við liðinu á dögunum. Hér er um að ræða framherjann Dwight Yorke sem spilaði með Keane hjá Manchester United um árabil. Yorke fór á kostum með landsliði Trinidad á HM í sumar og hefur verið á mála hjá liði Sydney FC í Ástralíu.

Sport
Fréttamynd

Malbranque til Tottenham

Franski miðjumaðurinn Steed Malbranque gekk í dag í raðir Tottenham Hotspur frá Fulham, en í skiptum hefur Fulham fengið miðjumanninn Wayne Routledge að láni í eitt ár. Malbranque kom sér út í kuldann hjá Fulham með því að neita að skrifa undir nýjan samning og hafði Chris Coleman stjóri Fulham lýst því yfir að Frakkinn ætti aldrei aftur eftir að spila fyrir liðið.

Sport
Fréttamynd

Cole til Portsmouth

Enska úrvalsdeildarfélagið Portsmouth gekk í morgun frá kaupum á fyrrum landsliðsframherjanum Andy Cole frá Manchester City. Cole er 34 ára gamall og kaupverðið er sagt um hálf- til ein milljón punda, háð því hve mikið hann fær að spila. Cole hefur skrifað undir tveggja ára samning við Portsmouth og sagt er að hann fái 40 þúsund pund í vikulaun.

Sport
Fréttamynd

Tevez og Mascherano til West Ham

Í kvöld rennur út frestur liða í Evrópu til að ganga frá félagaskiptum og segja má að Lundúnalið West Ham hafi stolið fyrirsögnunum í dag, en fullyrt er að argentínsku leikmennirnir Carlos Teves og Javier Mascherano hjá Corinthians séu við það að ganga í raðir félagsins.

Sport
Fréttamynd

Fær nýjan þjálfara

Peter Neururer, þjálfara Hannover í þýsku úrvalsdeildinni, hefur verið sagt upp störfum. Einungis eru búnir þrír leikir af leiktíðinni en Hannover hefur tapað þeim öllum. Íslenski sóknarmaðurinn Gunnar Heiðar Þorvaldsson leikur með Hannover en hefur ekkert fengið að spreyta sig það sem af er tímabilinu.

Fótbolti
Fréttamynd

Saviola hafði ekki áhuga á að fara til Aston Villa

Umboðsmaður argentínska framherjans Javier Saviola hjá Barcelona hefur gefið það upp að leikmaðurinn hafi hafnað tilboði um að ganga í raðir enska úrvalsdeildarfélagsins Aston Villa. Saviola hefur ekki spilað af neinu viti fyrir spænska liðið í tvö ár og útlit fyrir að hann verði annað hvort seldur eða lánaður frá félaginu enn eina ferðina.

Fótbolti
Fréttamynd

Federer valtaði yfir Wang

Stigahæsti tennisleikar heims, Roger Federer, var ekki í vandræðum með kínverska spilarann Yeu-Tzuoo Wang í fyrstu umferð opna bandaríska meistaramótsins í kvöld og vann auðveldan sigur 6-4, 6-1 og 6-0. "Ég reyndi bara að setja pressu á hann strax og spila minn leik og það tókst fullkomlega," sagði Federer og var ánægður með byrjun sína á mótinu.

Sport
Fréttamynd

Rossi lánaður til Newcastle

Enska úrvalsdeildarfélagið Newcastle gekk í dag frá lánssamningi við ítalska framherjann Giuseppe Rossi hjá Manchester United og mun njóta krafta hans fram í janúar. Rossi hefur verið iðinn við kolann í markaskorun með varaliði United, en hefur ekki fengið mörg tækifæri með aðalliðinu. Hann er 19 ára gamall og er nýbúinn að framlengja samning sinn við United til ársins 2010.

Sport

Mest lesið